2 Endagembogut 6:17 - Ala Wone Peenok Peebi Mbanak

¹⁷ Yoge nagagerik, Elita tamban eeke logonet, “Kaliku nogoba ALA o. At enegen kaawak nduk, enegen tobo eerogo pu o.” Yoge mbareegi, at Aliku ALA nen ayeloman nogo enegen tobo eeppereegerak paga puut paga time kuda inom, nggweendo kani kunik negen inom, at Elita wonage me, enaagan-ambokan wanggeppunuk wonogwe iyareegerak.

2 Endagembogut 6:17 ပူးပေါင်းရင်းမြစ်များ

Wakkagagerak 21:19

Yoge nagagerik, Ala nen kwe Agat nogo enegen tobo wogoge mbareegi, niyo eneeri ambi enegen kage nagagerik, niyoowak nogo wonok niyo mondok eno korok togon tooke nagagerik, wonok aagaluk wogori wagagerak.

Wakkagagerak 32:1

At Laban nogo ame nage kagak, at Yakup akwe-apuri inom tu paga oolo time ari wogwe me, it Ala yonggo malayikat mendek inom lambuneegwaarak.

Wakkagagerak 32:2

At Yakup nen malayikat nogo iige nagagerik, ari logonet, “Yi Ala awuri yigin unde aret iigi o,” ari nagagerik, “O yi endage Makanayim o,” yinuk, tooneegerak.

Wakkagagerak 32:3

Toonogo pege nagagerik, yonggo oweeluk Etawu o Teyit nggween taganak ambi Erom nogome wonage me yori wogo logowak nduk, wone lengganogo yorage logonet,

2 Endagembogut 2:11

Yoge nagagerik, imbirak wone mban-mban tu paga nogwe me, abera'lek me kani wuninik negen kuda nen nggweendo nikkenok wogo nogogwaarik, Elita ogoorogo punuk, o wiya nombok-kombok eeke kagak, at Eliya nogo aret wonok mbogut paga laganggwi iigak,

Ndawi 104:3

Niyo agi-ogu lambunik o oolo ya'i irimbaga kat kawi eyak wuppunuk, wurogo pit lagangge, Ndugwi ti kanggweendo kwak wokkeren nega eerogo pege, O wiya a'naabit paga nege,

Ndawi 104:4

O wiya ti, koone wonok nega eerogo piige, Kani omoonuk ti, kayeloman mini negen eerogo piige, Eeke menggendak o.

Ndawi 119:18

Kat iya tit eerit wage menggendak koone yugu Muta nen liiru mbaneegerak nogo, Nenegen maloppikit nduk, nenegen eya eerogo panege, Eeke logot o.

Ndawi 125:2

Puut-puut nen o kota Yerutalem yengget-wangget eeppunuk wonage menggi kwak, At Aliku ALA o yogondak nen nok, peebi Mondok-mondok apuri wanggeppiinok wonage logogin o.

Ndawi 34:7

It Aliku ALA inagabiti mbako menggaarak ti, Aliku ALA ayonggo malayikat nen Awooliya yendok-wandok wuppiinok, inarum wonage, It inagap ndake, Eeke menggerak o.

Ndawi 68:17

At Ala anggweendo wim eeka nogo ambik aakumi ineenggi lingginiyak abu meek aago, Mondok iya lombok me liippuurak meek aago, At enaagan-ambokan wogwe iigak, Nogoba Ala puut Tinayi nen At alik leenak menggim nogome unggwi wagagerak o.

Ndawi 91:11

Kat yi eekak ndi eekak eerit nege keegak, It malayikat nen karum logowak nduk, Ala nen wone lengganogo yoramenggerak Wogo logomenggaarik,

Ndawi 91:15

Yeenggwa niru o, yo'nege kenok, yeenggwaage, Maluk eeppugwi iinok, ili ari, Aap ineenggime nen ndinogo wumbege, At endage tiyappege, Eeke logogin o.

Yetaya 42:7

Aakumi inigen mbuk wonogwe nogo inigen paganogo piige, Keele maarak wonogwe nogo piinogo wumbiige, Ndi, it aakumi o apit me keele maarak negen wonogwe nogo keele piinogo wumbiya wage, Eeke logonok nduk, An panggonggake logonet, karum logogin o.

Ndaniyen 10:7

Nabinggaanggo kagagirak nogo ti, an Ndaniyen nalik aret kagagirak. It aap an ninom taati wonogwe nogo koolik kwe, nalik mban kage neegak, it apit aret inaganak nggwok lombok nuk iranet noorak mban inoba kwi'nage mbareegi, kumaa'narit nogogwaarak.

Takariya 1:8

Ne ambi oonikiya nabinggaanggo paga kage logonet, aap ambi kuda maangga kunik amborowak paga kwi'ndak eyo nggonggoondu kunik me alu'me time mi'ndak wonage kagak, ambokan yi kuda ndi kuda ando maangga kunik, ando maangga amu kunik, ando yanggwi kunik, eerak wonogwe iigirak o.

Linggineegwaarak 22:31

Yoge mbareegi, at Aliku ALA nen at Mbileyam enegen paganogo pege mbareegi, Aliku ALA ayonggo malayikat wooluwak eenggime nutik porogo tu paga mi'ndak wonage nogo at Mbileyam enegen kage nagagerik, etenggen nggween paga wanduk yinuk, ayuk wureegerak.

Matiyut 26:53

An nili yuwak nduk, yogondak yi paga it malayikat apit ineebe 12 aago wo'niruwak nduk, an nogoba nggino yoriyak meek mbaken?

Nappiigak 26:18

It o apit negen wonogwe nogo mbo punuk eya me unggwage, ndi, at Ibilit abu'me piyareegim nen wundi nanuk, Ala abu'me piige menggim unggwogwe, Eeruwok o, yinuk, yuwak nduk, nappagagin o. It nogo iniki noba panggombunuk abet nombakwi iinok, inomaluk Ala nen lek agago piinok, at apuri leenogo piyareegim nogome inom nabenogo piyaawak nduk, nappagagin o, yinuk, yo'nereegerak o,” yoragagerak.

Epetut 1:18

Ti eeke logonet, kit kola nabagip nduk kinayonggo pinagareegerak kiniki lunik wonogwe nogo inom, nit at apuri ake leenak kenok eyate mondok alik negen eerogo wo'niraagin kooneegerak nogo inom, ndi, nit abet mbakwi mendek Ala omaawi mondok iya lombok eeppinanege menggerak nogo inom, kineenu arubagip nduk, “Inikime eya eeginake logot o,” yinuk, Ala yoge minggirak.

Iberani 1:14

Ndi, it malayikat ti nonggop negen menggaarak mbakop? Lek o. It nogo aakumi inogoma ninigen iiga'lek nogo pogom logonet, Ala ake eeko menggaarak me, Ala nen aakumi inagap ndaruwak nduk, leenogo piyareegerak nogo, yeenggwaaraawak nduk, yonggo nappiige menggerak it aret o.

Wayu 19:11

Yo'nege kage nagarik, mbogut paga tungga paarak wonage kagak, aap ambi endage Abet Mban Ari, Liirogon Eeke, Eeka nogo, kuda yanggwi negen amborowak paga kwi'ndak wage kagarak. Wage nagaarik, liirogon inowak loonogo a'me nggelok mban onggo wogorage, wim liirogon aret nambuke, eerit nage kagarak.

Wayu 19:14

it yigin unde mbogut paga wonogwe nogo abok aret inayum abe yawenak kikak naka'lek abu laambu yanggwi negen yirik logonet, inalitik-inalitak kuda ineeruwak yanggwi negen inamborowak paga kwi'na'nuk, inom nogwe iigirak.

Wayu 3:7

“Ndi, ambi at malayikat Ala apuri o Pilarelipiya kuwak eekwi inarum menggerak nogo nen apuri yoraawak nduk, yoriyak, yokkiri o. An Ndawut agunci nogo porogo logonet, tu paake neenok aakumi nen nakwi, ndi, nake neenok paakwi, eekulik an mban unde logonet, pilit ariilik abet mban ari minggirak nalik leenak minggirak nogo nen,