2 Endagembogut 5:26 - Ala Wone Peenok Peebi Mbanak

²⁶ Yoreegerak kwe, at Elita nen Nggekati yoge logonet, “At Naman anggweendo paga nen wambi wage eyom kat kimbirak lambungge keegak, an niniki time nagaarak nogo lek a? Wu inom, yum inom, eyo tayitun yarak inom, eyo anggur yarak inom, kambin-ndomba inom, lembu-tapi inom, kayeloman mini kumi-aap inom, abok aret woorak eyom yogondak yi aret panggoni wagaarak mbaken?

2 Endagembogut 5:26 ပူးပေါင်းရင်းမြစ်များ

2 Endagembogut 5:16

Yoge mbareegi, Elita nen onggo yoge logonet, “An nen kamendek ambiriluk ambi waagin abu lek o, yinuk, kat abet aret ari nomba'nok nduk, at enggaanom paga eeke minggirak Aliku ALA endage paga yokkigi o.” Yoge mbareegi, aap Naman nen, “Kolet o,” yinuk, nabenak mban yoreegerak kwe, “Neebi o,” yinuk, mbo pereegerak.

2 Endagembogut 6:12

Yorage mbareegi, at inom eeko menggaarak awot ambi nen at yoge logonet, “Lek o, nogoba kendagembogut! Nit yime togop ambi lek aret kwe, at Ala nen yoge kagak yoraga Elita Iterali inenggela'me wonage nogo nen kat nogo yege menggenom logonet, kote negen ari menggendak nogo aret aap Iterali endagembogut yoge menggerak.”

Ndawi 63:11

Togop arugun kwe, nendagembogut an perak, Kat nogoba Ala paga niniki ale'nggen mbake logogin o. It aap pilit pugungga nogo inoone lek arugun kwe, “Nogoba Ala owak o,” yinuk, Kumbuk mbanggo menggaarak nogo perak, Inoone wogok yigin o.

Kini Wuppiige 12:19

Inoone abet mban agan nugwi ti, mondok aret wonage menggerak kwe, Inoone pilit agan nugwi perak, ne ambiriluk wonagaatik, lek age menggerak.

Kini Wuppiige 12:22

Inoone pilit agan nugwi ti, Aliku ALA eebi lombok inombake menggerak kwe, Inoone abet mban agan nugwi iinok perak, inikilom inombake menggerak.

Yeremiya 45:5

nonggop nduk, An mban obeelom logokit, mbake agaarik? At togop mbarugurik o. Yi aakumi ndi aakumi abok aret aaninggin lombok inoba piyaminggirak kwe, at perak, yi o ndi o nege me, wakwi iyo, eebe ili eerak logowak nduk, ndegengge logogin o, yinuk, Aliku ALA nen yegerak me, yokkigi o,” yinuk, yoreegerak ti aret.

Agayi 1:4

“It an napuri ti, an nawi wurik langgu-langgu aago wonage kagak, it inawi eyo abe kigirikwe lombok paga nabenogo wuppunuk logorak eyom muk panggoni wagaarak ya? yinuk, yegerak o.

Matiyut 10:8

It andi wonogwe iinok, obeelom eeginakwi, kanggwi iinok, ineenik agago mippiigwi, inawin aaga'ne kunik wonogwe iinok, obeelom eeginakwi, kugi inikime lik yereegwaarak kenok, nggiginogo wumbiigwi, eerit nugu logomunggup o. Kit onggo lek we aret kologogutak me, onggo lek we aret eeginabit nugu logomunggup o.

Nappiigak 20:33

Kit kinawu mbuti perak emas inom, kinambogoyum inom, an uugwe mbake logolik o.

Nappiigak 20:35

At ninogoba Yetut nen ari logonet, Kologwe paga inale'nggen mbuuluk kogwe, ndi, wogorogwe paga perak, inale'nggen ambik kogwe, eeko menggaarak o, yereegerak nogo, abeke logonet, an abok aret eeke nagagirak nogo ti, yabu ta'liila eeppunuk, it yabu eeko logorak meek mendek yeenggwaarogo logorak, kogo o, yinuk, mbarumunggup nduk, eeke nagagirak o,” yoragagerak.

Nappiigak 5:9

Yoge mbareegi, Peterut nen at yoge logonet, “Kogonggelo kimbirak wone ambit mbambogo nogotik, nonggop nduk ninogoba Aberiniki ambokan laganggotak? Kimbirak Aberiniki ambokan laganggotak me, it aap kat kogonggelo nggween taambi nagaarak nogo nen yogondak kat kunduk wokkeren noorak nduk, tungga'nggi paga unggwi wogwe yi iyet o.”

1 Korindut 5:3

An nogo, an neebe kinom lek o nda yime neegak kwe, niniki kinom aret wonage me, neebe ninom kinenggela'me wonage negen logonet, aap eekerak ti, muk owak loonogo pigirak me,

Kolote 2:5

An neebe kinom time wonage lek kwe, niniki perak, kinom aret wonage me, kit kiniki Keritut oba panggombunuk, abet mbareegutak nogo nu'lek porogo logonet, mondok ndak-ndak eerit nogwe kiinok, an niniki mondok ale'nggen mbake agarik o.