2 Endagembogut 5:12 - Ala Wone Peenok Peebi Mbanak

¹² niyo aakumi Iterali wonogwe me ti iya. Ndi, niyo o Ndamitik endage Abana inom, Parapat inom, ti meek me nduk, yigi mbakop? Niyo ti paga ngguu'mo wake neenok, obeelom ee'naburak nogo lek a?” yinuk, ena logurogon iniki ka'luk aagi negen a'nuk nagagerak.

2 Endagembogut 5:12 ပူးပေါင်းရင်းမြစ်များ

2 Endagembogut 2:14

Eliya ayum nggorok togon wambeegerak nogo paga niyo warikit nduk, oone nggwok paga ari logonet, “At Aliku Eliya ogoba Ala nogo ngga agandik?” Ari nagagerik, yum nogo paga niyo wareegerak mogonogo agi-ogu eeke mbareegi, Elita nogo wunda wagagerak.

2 Endagembogut 2:8

Inigen nagiigwi iigak, at Eliya ayum nggorek yirik nogo nggoorogo perembunuk, niyo Yoraran wake mbareegi, niyo nogo mogonogo agi-ogu eerogo pege nagagerik, nggween woloonogo pereegerak paga imbirak wunda nogogwaarak.

2 Endagembogut 5:11

Yoreegerak nogo yori nage mbareegi, at Naman nogo anini aago nage logonet, “At neya wundi wage logomenggerik, nawin andime eenggi tebembaninuk, Aliku ogoba Ala nggino yoge kenok, nawin lek arigin mbakirak kwe,

2 Endagembogut 5:17

Mbo pege mbareegi, at Naman nen, “Ti kenok, yogondak kuli an kayeloman nen Ala obaane'me alik ambi mippunuk ake warogo kani kungge, ake warogo wogoge, eerigin lek Aliku ALA mban ake eeke logogin me, an kayeloman yi, kuda kwak bagal mbere'mbo nen aaninggin wonok noorak ndak-ndak nggween ambi wo'niru o.

Kini Wuppiige 14:17

Aap inanini mbet-mbet wungga nogo nen aap wi negen aret eerit nogwe, Ndi, aakumi maluk eeppiyoorak kote koonogo pugwi iinok, aakumi nen ineebi lombok inombakwi, Eeko menggaarak.

Kini Wuppiige 16:32

Aap wakaa'ngget ti iya negen kwe, aap anini mbet-mbet wunggeelik yanggo yinuk wonage ti perak, abu iya o. Ndi, aap ambi omaawi ambik nen o kota ambi tebenggola unggwage kenok ti, iya aret kwe, Aap ambi anini mi'nage kenok tebenogo pege ti perak, mondok iya lombok o!

Kini Wuppiige 19:11

It aap iniki warak nogo paga nen inanini wungge nogo tebenogo wurakwi, Maluk eeppugwi iigak, “Op aret o,” yinuk, puk wonogwe paga, “Wi,” irogwe, Eeko menggaarak.

Ndawi Iya 4:8

Nore yi wae. Kat nimbirak lambumbinaniyak aret me, puut Libanon nen omok o. Puut Libanon nen wambi wage, Puut Amana kirin paga nen wambi wage, puut Tenit, Keremon kirin paga nen wambi wage, Yugum ambena singa wonogo menggam nen wambi wage, Mba'ngge kwak macan iname eyonggaame nen wambi wage, Eeru o.

Yeremiya 49:23

O Ndamitik eeppuurak wone nogo yi aret. “It Kamat mendek inom, Arapat mendek inom, wone maluk mendek konenggo nagaarik, inenggali age, Iniki a'nggan wo'nage, Yi laut abolok lek wonageelik, ngguk-loguk mban eeke menggi kwak, iniki togop aret wonage, Eeke agaarik o.

Takariya 13:1

At Omaawi Lombok Menggerak Aliku ALA nen ari logonet, “Ne ti paga it aap Ndawut paga wiganak inom, it o Yerutalem wonogwe inom, nen maluk eekwi, an mbo paninuk alik mugurok nogwe, eeko nogogwaarak nogo, mili kookwi kwak, lek eerogo pogo logowak nduk, it inake niyo eneeri ambi warak eerogo pigin o.

Takariya 14:8

Ne ti paga niyo ineenik aganake logorak o Yerutalem paga nen wungge logomenggerik, mogonogo ando oonegen lagi wage menggim pa'nggwe laut paga kuni nage, ando oonegen kilu yi nage menggim pa'nggwe laut paga kuni nage, eeke kagak, o kibi age, o mayu wage, eeke logogin o.

Marakut 1:9

Yorage wonage me, at Yetut o Nggalileya tini Nataret nen wagagerak. Wage mbareegi, at Yaya nen yi Yoraran paga yiime wuppereegerak.