2 Endagembogut 4:7 - Ala Wone Peenok Peebi Mbanak

⁷ Nggaruk ari mbareegi, kwe nogo at Ala wone liirogon eeka wonage me wage nagagerik, eereegerak nogo yoge mbareegi, at Elita nen kwe nogo yoge, “Kame nage logomenggendik, amburu toolak ti, aakumi inoba kumbunuk, kogonggelo anomat mbanak nogo wogo'nuk, eegu ti paga kaagalogwe kinom yi mendek ndi mendek kunggologo logomunggup o,” yinuk, yoreegerak.

2 Endagembogut 4:7 ပူးပေါင်းရင်းမြစ်များ

1 Endagembogut 12:22

Kuwak eeginabeegerak kwe, at Ala nen aap Ala wone liirogon eeka Temaya wone yoreegerak yi aret. “Talomo aput it Yekura inowe endagembogut Erekabeyam inom, it aakumi Yekura mendek inom, Mbeniyamin mendek inom, it inanebunu ambik Iterali ando nogo inom, wone yora nanok nduk yokkiri o.

2 Endagembogut 4:21

Kangge mbareegi, agalo nen wonok ko irimbaga lagangge nagagerik, aap Ala wone liirogon eeka nogo, nogo yege menggim wimbunuk, alik mban time wonage kagak, agalo nogo tu nappunuk, aret wundi wagagerak.

2 Endagembogut 4:9

Togop eeke kenok, kwe nogo nen ogonggelo yoge, “Aap kulinik niname niniya wage menggerak nogo ti, Ala wone liirogon eeka at ake leenak menggerak kagarak me,

2 Endagembogut 6:7

at Elita nen, “Mbet aret wamen o.” Yoge mbareegi, aap nogo eenggi nderogon ye nogo aret waganeegerak.

2 Endagembogut 6:9

Yorage mbareegi, at aap Ala wone liirogon eeka nogo nen aap Iterali inowe endagembogut nogo, wone agago nagake logonet, “It aap Aram mendek tu paga time wambi woraagun me, kit tu time nggwe noorak mage o,” yinuk, eerogo nappereegerak.

Ndawi 37:21

It aap maluk mendek nen, “Kamendek luulu waganggi o,” yorogo nagaatik, Iyokan wogorogolik mbo pugwi, Ndi, it aap iniki abe koonak nen perak, Inabuwa nen iniki ndoobu paga wogorogwe, Eeko menggaarak o.

Oroma 12:17

Maluk onggo-onggo eeko logogup o. Ata, aakumi nen obeelom eeriyak mbakwi nogo mban eeko logonip o.

Pilipi 4:8

Noreewi o. Wone irip paga ambiriluk yi, yokkira o. Wone abet mban agan nugwi, iya eeriyak kenok mban eerit nugwi, a'me nggelok mban eeppiinet nugwi, kumi inabok yaga'lek wonogwe, kinoone abe kigirikwe mban agan nugwi, “Wone abe yigi,” yuwak nduk agan nugwi, eekwi ti mendek abok aret eekwi kiinok, aakumi nen, “Yi abu obeelom aret eekwi iigo o,” yinuk, tiyappogo logorak aret me, ti mendek mban eeko logobagip nduk, kiniki koonggo logonip o.