2 Endagembogut 4:43 - Ala Wone Peenok Peebi Mbanak

⁴³ Yoreegerak kwe, at ayeloman nogo nen, “Aap ineebe 100 yogop wonogwe iigak, nonggoti wogoroorak yagan o?” Yoge mbareegi, at Elita nen, “At Aliku ALA nen ari logonet, It aap yi, mbi nonggo logomenggaarik, eegu ndinogo pugun o, yinuk, yegerak me, oroti ti, wogoret o.”

2 Endagembogut 4:43 ပူးပေါင်းရင်းမြစ်များ

Linggineegwaarak 11:13

It aakumi yi abok aret, Enggaanggum wo'niret o, yinuk, le yogo logonet, nggino yo'nugwi yi, an enggaanggum ngga nen kwaarogo wogora o?

Linggineegwaarak 11:23

Yoge mbareegi, at Aliku ALA nen Muta yoge logonet, “Naliku an ALA nen eeriyak nobam lek nomba'nuk yagan ya? An yagarak ti, abet aret eeke neyaamunggun ilik, lek a? kenegen kaamunggun o,” yinuk, yoreegerak.

Matiyut 14:20

Tumburirogo mbareegwa, it aakumi nogo abok aret nonggo nogogwaarik, ndonggoppiyareegerak. Ndonggoppiige mbareegi, roti inom, ikan inom, ando ndiinogo pereegwaarak nogo ti, mbirim yum 12 eno korok togon aret yonggologo pereegwaarak.

Matiyut 15:37

Tumburirogogwaarak nogo nonggo nogogwaarik, ndonggoppiige mbareegi, roti inom, ikan inom, ando ndiinogo pereegwaarak nogo ti, mbirim yum 7 aret eno korok togon yonggologo pereegwaarak.

Marakut 8:20

Yogo mbareegwa, “Ndi, it aap ambik empat ribu aret roti nawak nduk, kareriragarak nonggo nagaarik, ndiinogo pegaarak nogo mbirim yum mande eno korok togon yonggokotak o?” Yorage mbareegi, it nogo nen, “Yum 7 aret yonggokoorak o.”

Marakut 8:4

Yorage mbareegi, at oone waganggwi nogo nen, “Ti aret kwe, o yime aakumi inawi wurik lek me, it aakumi ambik yi, mbi ngga mendek wogoramonggoorak endak nagun mbaken?”

Lukat 9:13

Yogo mbareegwa, at Yetut nen, “Inambi nawak nduk, kit nen aret wogoraanip o.” Yorage mbareegi, it nen, “Nit roti 5, ndi, ikan mbere mban wonage me, aakumi ambik yi, inambi kuninumba noorak op me nduk ari agandik ilik?” yinuk, yoreegwaarak. (

Lukat 9:17

Wogoragagerak tumburirogo mbareegwa, it abok aret nonggo nogogwaarik, ndonggoppiyareegerak. Ndonggoppiige mbareegi, ando ndiinogo pereegwaarak nogo mbirim yum 12 eno korok togon aret yonggologo pereegwaarak.

Yaya 6:9

“Nogoba wae! Wulaga mbuuluk ambi roti 5, ndi, ikan mbuulogwe mbere, porogo wonage kwe, aakumi ambik me endak noorak meek mbaki o.”