2 Endagembogut 4:38 - Ala Wone Peenok Peebi Mbanak

³⁸ O nogome abok mbi noogelo agagerak me, ne ambi paga at Elita nogo iyokan o Nggilagan nage nagagerik, it aap Ala nen yorage kagak yorage ineebe aago ne ambi paga enaame taati wone yorage kwi'ndak iigak, Elita nen ayeloman ambi yoge, “It aap Ala nen yorage kagak yoraga yi, inake yi mendek ndi mendek togolowak nggwok me yonggoppunuk, kani paga laru o.”

2 Endagembogut 4:38 ပူးပေါင်းရင်းမြစ်များ

Wakkagagerak 25:29

Ne ambi paga at Yakup nogo awo kela anggen lappunuk wonage me, at Etawu nogo eyonggaame pagi warit nege nagagerik, mbi abu ambik eeke mbareegi, wage nagagerik,

2 Tamuwen 21:1

At Ndawut nogo Iterali inarum wonage eyom paga, mbi noogelo kagak, tahun kenagan aret age mbareegi, “Aliku ALA nen yo'niruwak o,” yinuk, at Ndawut nggino yoreegerak. Yoge mbareegi, at Aliku ALA nen at yoge logonet, “At Tawun apuri inom nen it aakumi Nggibeyon mendek inooke mbareegi, inamiya at Tawun apuri inom inoba agagerak paga, o yi maluk agaarak o,” yinuk, yoreegerak.

1 Endagembogut 17:1

Aap awi o Nggileyat yaga'lelo Titebe mendek Eliya nogo nen aap Akap yoge logonet, “An yaga'lek neegak yi tahun ndi tahun paga mayu wage, miinanggen luurogo pege, eeka'lek aret kaamunggun o, yinuk, at ake eeke minggirak Aliku Iterali inogoba Ala eenik menggerak endage kumbunuk, yokkigi o,” yoreegerak

2 Endagembogut 2:1

At Aliku ALA nen o wiya nombok-kombok eeke logonet, Eliya mbogut paga wonok lagarak eyom panggoni wage mbareegi, ne ambi paga at Eliya nogo Elita imbirak o Nggilagan nen tu paga nogo logonet,

2 Endagembogut 2:3

Nogwe me, aap Ala nen yorage kagak yoraga ineebe aago o Mbeten nen Elita ka wundi wogo nogogwaarik, yogo logonet, “At Aliku ALA nen o yogondak aret kat teppaganuk, kogoba Eliya wonok lagagin nogo keenu ilik?” Yogo mbareegwa, at Elita nen, “E o. Neenu aret me, wone ti, yugup o,” yoragagerak.

2 Endagembogut 4:1

It aap Ala nen yorage kagak yoraga inakuwi kwe ambi nen at Elita owagam nage nagagerik, oone nggwok paga yoge logonet, “An kayeloman nogonggelo muk kambeegerak nogo ti, Aliku ALA agabiti mbake nagagerak keenu aret kwe, at nogonggelo anomat mbanak nogo nen woraanuk, naagalogwe mbere wogoren ayeloman eeppiya noorak ari o.”

2 Endagembogut 4:39

Yoge mbareegi, aap Ala nen yorage kagak yoraga nogo ambit-ambi yi mendek ndi mendek nunggwi mendek woorak nduk, yabume wungge nagagerik, nggiyo-nggiyo nunggulik anggen yugu kwaakkage nagagerik, mbanogo ayum nggorek me yagabit eerogo ndooninuk, wage nagagerik, it abu kogolik mendek nogo aret nggarik-nggarek eerogo togolowak paga lareegerak.

2 Endagembogut 8:1

Ne ambi paga at Elita nen kwe Tunem mendek aagaluk eenik eeppereegerak nogo, wone yoge logonet, “At Aliku ALA nen o yime mbi noogelo nggwok inoba piyamenggerak wonogwe iigak, tahun 7 aret eerigin me, o yime mbo punuk, kogoni-kaagi kinom nage logomenggendik, kat nggeeme logorak mbake kenok, time nanuk, luulu negen aret logomunggun o.”

Ayup 30:4

Eyoongga ku'mbanak me kobeya anggen mbanogo nunggwi, Mbiligit owak kalenogo kani kumbunuk nogo yugwi,

Kini Wuppiige 8:34

Aap ambi an noone konenikit nduk eeke logonet, Name nen wundi nage neyo, ko'lu-kii'me to'nake, Naru ngga'nggi paga narum wonage, Eeke kenok ti, Iniki ale'nggen aret logogin o.

Yetikiyen 11:3

It nen yogo logonet, Logonuk lek aret yi o ndi o wurik lek agaarak obaane'me wurugun nogo lek a? O kota yi ti, kuwali kwak, ndi, enggaanggum kwak ti, nit aret me, op aret logogun o, yinuk, yogwe me,

Yetikiyen 11:7

Togop aret me, at Aliku Itok Menggerak ALA nen yo'nege kagagirak nogo yi aret. “It nen ineebe inoorak tu paga mbo piinet nagaarak nogo ti, enggaanggum kwak, ndi, o kota yi, kuwali kwak aret me, op aret logogun, mbakwi kwe, an o kota yime nen wumbiyaagin,” yegerak o.

Yetikiyen 14:13

“Aakumi nen ndarak yi wae. It aakumi o ambime mendek nen an liirogon mu'neren nogwe nogo mbo paninuk, maluk eerogo panugwi iinok, an neenggi omaawi paga it eeppiige logonet, inambi ndakkola wundiyak meek eerogo piige, mbi noogelo inoba nappi woraminggirak o time aap inom, wam inom, lek eerogo piige, eeke neenok,

Yetikiyen 24:3

It an noone eeriyak ineebi mbaka mendek yi, wone eegu laarogo yorage logot o. Yorage logonet, Aliku Itok Menggerak ALA nen yegerak nogo yi aret. Togolowak kani kunik paga kwippugwi, Kwippunuk, niyo toologo pugwi, eeruwak o.

Ala Unde 26:26

Ndi, inambi an nen wogorage nogo lek eerogo pege neenok, kumi 10 nen inambi togolowak ambit paga lappunuk, aaninggin wakkagak wogorogwe iinok, namenggaarak kwe, abu nen wo'no lu yogwe mban aret logogun o.

Amot 7:14

Yoge mbareegi, at Amot nen aap Amatiya nogo yoge, “An yi, aap Ala nen yorage kagak yoraga nogo mendek wonageelik o. Ndi, it aap ti mendek inaput kunduk wonageelik mban. An ti, ndomba ndegeninake, eyo wuli yarak unde wake, eeka an aret wonagagirak o.

Marakut 6:37

Yoreegwaarak kwe, at Yetut nen, “Lek o. Inambi nawak nduk, kit nen aret wogoraanip o.” Yorage mbareegi, it nen, “Nit ninawu we mbuuluk 200 dinar mban aret me, ti paga mbi kunogo magaroorak op me nduk yagan a?”

Lukat 10:39

Yoge mbareegi, unggwi nagagerak wonage me, kwe Marata awuluk endage Mariya nogo, Yetut abu'me kwi'ndak logonet, oone konengge kagak kwe,

Lukat 2:46

Kwaakwi iigak, nogo mbere yinuk, Ala awi wurik me, it aap mamuniraga inoweewi tiyanak lombok inenggela'me kwi'ndak logonet, inoone konengge, at nen it ineegwa'me wagangge, eeke wonage me kwaakkogogwaarak.

Lukat 4:25

Aap Eliya wonage eyom paga mayu waga'lek me, yi awi ndi awi apit mbi noogelo aganabeegerak kagak, tahun kenagan eeppunuk, ambi eeke oolo paga Iterali iname time kumi togwe ineebe ambik wonogogwaarak kwe,

Lukat 8:35

Eerit nugu mbareegwa, eereegerak nogo it aakumi pekka nawok nduk, iname nen wundinuk Yetut owagam nogo nogogwaarik, aap kugi inikime nen wundi nagagerak nogo aap iniki a'nuk, yum yirik Yetut abu'me kwi'ndak wonage me ka nogogwaarak. Ka nogo nogogwaarik, inagabiti mbareegwaarak.

Lukat 8:38

Nage me, at aap kugi inikime wundi nagagerak nogo nen, “Nimbirak nawok o,” yinuk, oone nabek togon Yetut yoreegerak kwe, Yetut nen at ame nappege logonet,

Lukat 9:13

Yogo mbareegwa, at Yetut nen, “Inambi nawak nduk, kit nen aret wogoraanip o.” Yorage mbareegi, it nen, “Nit roti 5, ndi, ikan mbere mban wonage me, aakumi ambik yi, inambi kuninumba noorak op me nduk ari agandik ilik?” yinuk, yoreegwaarak. (

Yaya 21:5

Yetut nen it yorage logonet, “Napuri wae. Kit ikan ambi waganggotak ilik, lek a?” Yorage mbareegi, “Abu woolik o.”

Yaya 21:9

Nikkenok, yi aa'nggi paga wundi nogo mbareegwa, kani kunik anggen paga ikan inom, mbi inom, muk wora'nage mban inigen kogogwaarak.

Nappiigak 10:38

At Ala nen Yetut Nataret mendek Aberiniki oba wuppi wage nagagerik, leenogo mippege, omaawi wogoge, eeke nagagerik, Ala imbirak logonet me, obeelom eeginake, it kugi Ibilit aakumi inikime logonet molok iranet nege menggerak nogo, mugogo wumbiige, eerit nege nagagerak nogo o.

Nappiigak 15:36

Nogome wonogogwaarik, ti'nuk, peebi at Pawulut nen, “Yi awi ndi awi ninogoba Yetut eeke nagagerak wone nogo yoranet nogo nogogum nogome ninoreewi Ala apuri nogo, Nonggop wonogwe iyaamun? Pegiinet nawok o,” yinuk, at Mbaranabat yoreegerak.

Nappiigak 22:3

“An yi, aap Yakuri mendek aret o. Ndi, o Kilikiya kota Tarutut aret nda'nagagirak kwe, o kota yime logonet aret tawe agagirak o. Aap Nggamaliyen nen liirogon mamunnake logonet, ninombomini eeko nogogwaarak wone lunik nogo inom aret yo'nege nagagerak. Yo'nege nagagerak ti paga kit yogondak kiniki aganggen kerek togon Ala ake eeko monggotak kwak, an togon togop aret eeke nagagirak.

1 Tamuwen 19:20

Yogo mbareegwa, at Tawun nen Ndawut pigoorak nduk, aap nappiya wagagerak kwe, aap Ala nen yorage kagak yoraga mendek time kuwak eeppiinok, at Tamuwen nen inowe a'nuk, Ala wone yorage inigen kogo mbareegwa, at Tawun awuri nappiya wagagerak nogo Ala Aberiniki inoba age mbareegi, it kunduk, Ala nen yorage kagak yoraga negen a'nuk, inom aret yogo nogogwaarak.