2 Endagembogut 4:31 - Ala Wone Peenok Peebi Mbanak

³¹ Wogwe iigak, at Nggekati nogo Elita owaanggun wonok aa'nduk wage nagagerik, elege enete paga lumbereegerak kwe, oone ari, iniki abolok ari, eeka'lek aret mbareegi, iyokan Elita wage me, ka nage nagagerik, yoge logonet, “Elege nogo mi'naga'lek aret agaarik o.”

2 Endagembogut 4:31 ပူးပေါင်းရင်းမြစ်များ

1 Endagembogut 18:26

Yorage mbareegi, tapi nogo wa nanuk wonok wogora wogo mbareegwa, warogo kani ndoonak paga nippunuk, o kuubondendok nen nok, liingge inagugi Mba'an endage kunogo wiigo logonet, “Ninogoba Mba'an wae. Ninoone konenu o,” yinuk, inoone nggwok paga yogak mban eekwi, kani ndoonak yendok-wandok yagan yobak-nggolak yogwe, eereegwaarak kwe, inogoba nogo oone ari, wone onggo yorage, eeka'lek aret wonagagerak.

2 Endagembogut 4:32

Yoge mbareegi, at Elita kwe nogo imbirak wogo nogogwaarik, Elita kwe nogo ame unggwage nagagerik, elege nogo Elita nogo yege menggim abu kambeegerak windak wonage kagagerak.

2 Endagembogut 5:20

at Ala wone liirogon eeka Elita ayeloman Nggekati nen iniki mbake logonet, “Aap Aram mendek Naman yi nen amendek nogoba wogogerak woolik, We nak, yogerak nogo ti, nonggop nduk, eekerak? Ambi wo'niruwak nduk, mbe agan mugurok na o,” yinuk, Aliku ALA endage kumbunuk mugurok nagagerak.

2 Endagembogut 8:1

Ne ambi paga at Elita nen kwe Tunem mendek aagaluk eenik eeppereegerak nogo, wone yoge logonet, “At Aliku ALA nen o yime mbi noogelo nggwok inoba piyamenggerak wonogwe iigak, tahun 7 aret eerigin me, o yime mbo punuk, kogoni-kaagi kinom nage logomenggendik, kat nggeeme logorak mbake kenok, time nanuk, luulu negen aret logomunggun o.”

Ayup 14:12

Aakumi winna'nuk, ti'nuk, mi'nogolik o. Aakumi winnagaatak nogo ineenik ogwe, Nogo yugwi me ineenik eeppiigwi, Eeka'lek iigak, Mbogut nogo lek ari nagin o.

Yetikiyen 14:3

“Aakumi nen ndarak yi wae. It aap yi nen, Kugi eeko logowok o, yinuk, koonogo punuk eekwi, iniyogobit lik togon yigeebu wambuwok nduk ti mban inenggaawak paga punuk eerit nugwi, eeko logonet, yo'nugwi iinok, inoone an nonggop togon koneniyak? Lek aret me,

Ndaniyen 12:2

It aakumi apit aago kambemenggaarak nggween me nogo yugwi nogo, ineenik a'nuk mi'narugun o. It ando mondok-mondok ineenik logowak nduk mi'nogwe, ndi, ando perak, inenggali mbakak mondok-mondok yagan wako logowak nduk mi'nogwe, eerugun o.

Marakut 5:39

oome unggwi nanuk, yorage logonet, “Kolaga yi, kambulik we nogo yege me, nonggop nduk noone-koone yogwe, le yogwe, eeko ogotik o?”

Yaya 11:11

Ti yorage nagagerik, wone ambi yorage logonet, “Ninoreeluk Latarut nogo, we nogo yege me, an nen eenik eeppi naakit o.”

1 Tamuwen 14:37

Yorage mbareegi, Tawun nogo nen Ala yoge, “An aakumi Pilitin mendek yi, muguret noorak op ilik, lek a? Ndi, kat nen it ineebe waganogo nit aap Iterali nineenggime pinanumunggun ilik, lek a?” yoreegerak kwe, ne ti eyom paga Ala nen wone onggo yorulik puk agagerak.

1 Tamuwen 28:6

Wake mbareegi, at Tawun nen, “At Aliku ALA ambi yo'niruwak,” mba'nuk, nggino yoreegerak kwe, at Aliku ALA nen onggo abi paga inom, yugum Urim paga inom, aap Ala nen yorage kagak yoraga paga inom, wone ambi abu yorulik.