2 Endagembogut 4:22 - Ala Wone Peenok Peebi Mbanak

²² Wundi wage nagagerik, ogonggelo wiireegerak wage mbareegi, yoge logonet, “An aap Ala wone liirogon eeka wonage me nage logominggirik, name mbet-mbet woroorak me, aap kayeloman ambi nen keledai ambi wonok niri woraawak nduk, yoru o.”

2 Endagembogut 4:22 ပူးပေါင်းရင်းမြစ်များ

2 Endagembogut 4:21

Kangge mbareegi, agalo nen wonok ko irimbaga lagangge nagagerik, aap Ala wone liirogon eeka nogo, nogo yege menggim wimbunuk, alik mban time wonage kagak, agalo nogo tu nappunuk, aret wundi wagagerak.

2 Endagembogut 4:23

Yoge mbareegi, ogonggelo nogo nen akwe nogo yoge, “O yogondak yi, tut ngget penengge, nogo 6 yippunuk, ko'lu paga tat yonggonggologwe, eeko menggam lek me, nonggop nduk pekka noorak yagan?” Yoge mbareegi, at kwe nogo nen, “Age kaanok nduk, kiniki ugun logot o.”

2 Endagembogut 4:24

Yoge nagagerik, keledai amborowak paga kwi'nagak nogo ndoonogo punuk, at paga kwi'na'nuk, ayeloman nogo yoge, “An yokkega'lek neegak, puk agak nagun o. Ata, mbet-mbet wo'neren nak o,” yoreegerak.

2 Endagembogut 4:26

At inom, ogonggelo inom, aagaluk inom, ineebe obeelom aret wonogwe ilik, lek a? mbe agan yori nak o.” Yoreegerak mbe agan yori wage mbareegi, kwe nogo nen, “Nineebe abok obeelom aret wonogwe o.”

Yaya 11:3

awurilogwe komologwe nogo nen wone agago nappiigo logonet, “Ninogoba o. Aap kat kiniki kunik nogo andi eekerak wonage o,” yinuk, Yetut yori nawak nduk, nappiyareegwaarak.

Nappiigak 9:38

O Lira nen Yope koorok aret me, “Peterut wagaarak o Lira wonage,” yinuk, yogwe nogo it Yetut oone waganeegwaarak nogo konembogo nogogwaarik, at nogo mbet-mbet woraawak nduk, wologwe mbere yonggo nappiyareegwaarak.