2 Endagembogut 4:17 - Ala Wone Peenok Peebi Mbanak

¹⁷ Ti'nuk, kwe nogo abila age nagagerik, at Elita nen, “Tahun ambit eeppunuk, ne yogondak yi ndak-ndak kaagaluk aap aret kogome kolaamunggun o,” yoreegerak nogo ndak-ndak ari wage mbareegi, kwe nogo aagaluk aap aret ndareegerak.

2 Endagembogut 4:17 ပူးပေါင်းရင်းမြစ်များ

Wakkagagerak 21:1

At Aliku ALA nen, “Togop eerigin o,” yinuk, Tara wone yoreegerak nogo abeke nagagerik, imbirak wone abuk nggaruk togon mbaneegwaarak nogo eyom ndak-ndak ari wage mbareegi, at Abarakam nogo abu anggok agagerak kagak, Ala yoreegerak ndak-ndak kwe Tara nogo abila age nagagerik, aagaluk Abarakam obaane'me wulaga aret ndareegerak.

2 Endagembogut 4:16

at Elita nen kwe nogo yoge, “Tahun ambi eeppunuk, ne yogondak yi ndak-ndak, kaagaluk aap aret kogome kolaamunggun o.” Yoge mbareegi, kwe nogo nen, “Nogoba o. Kat Ala wone liirogon eeka aret me, koone pilit kayeloman an yo'niriyak ti mage o,” yoreegerak.

2 Endagembogut 4:18

Ndi, elege nogo eebe abu aret tawe age nagagerik, ne ambi paga it aakumi gandum anggen mbanit nugwi nogo, at ogoba inom mbanit nugwi me, ogoba ka nagagerak.

Ndawi 113:9

It kumi wubili iname inalik wonogwe me, Inaagalogwe wogoramenggerak inom logonet, inale'nggen kogo logowak nduk eeppiige, Eeke menggerak o. Aliku ALA tiyappogo logowok o.

Lukat 1:36

Ndi, koweeluk Elitabet nogo abu kweegelo kagak at kunduk, abila agaarak o. Kwe wubili o, yogo nogogwaarak nogo kwe, abila agaarak kagak, tut muk 6 penenggerak me, yokkigi o.

Iberani 11:11

At kwe Tara kunduk, abu kweegelo aagaluk ndariyak meek aret kwe, at Abarakam nen, “Ala yegetak ndak-ndak eeke menggerak me, yo'niragaarak nogo abet aret eeppinanigin kagi,” mbareegerak paga Ala nen akwe nogo agabolo ki eeppege mbareegi, Abarakam apuluk aret ndareegerak.