2 Endagembogut 4:13 - Ala Wone Peenok Peebi Mbanak

¹³ at Elita nen Nggekati nogo yoge, “Yogop yoru o. At nit ninake eeke kagak abu ta'liila aret eerogo pakerak ti, nit nano eeppuurak o? Aap endagembogut nen ilik, aap ineegin warak inowe nen a, ambi eeppuurak mbakaarak kenok, at ake yori naakit nduk, yoru o.” Yoreegerak nogo yoge mbareegi, kwe nogo nen onggo aap Nggekati yoge logonet, “An ti, nowe-nawot ninom inenggela'me op aret minggirak o.”

2 Endagembogut 4:13 ပူးပေါင်းရင်းမြစ်များ

Wakkagagerak 14:24

Nalik ambi kolaagin mondok lek aret kwe, an nawuri ti, mbi muk nenggaarak. Ndi, an noreewi ninom kunik Anet togon, Etokon togon, Mamere togon, punogo piyamenggendak kolaawok mbakwi kenok, koloorak ti op aret o,” yinuk, yoragagerak.

2 Tamuwen 19:13

yorogo logomonggotik, aap Amata yoriyak nogo yi o. Kat an namiya mogonik nogo lek a? Namiya mogonik aret me, an nawuri ineegin warak inowe Yowap obaane'me mippagage lek neenok, Ala nen aaninggin alik lombok noba panukwak, o yogondak kuli nen nok, kat aret logonok nduk mippagagi, yegerak, yo'nu o,” yinuk, agago nappiya wagagerak.

1 Endagembogut 2:32

At Yowap nen an nogoba Ndawut eenggo'lek kagak, aap Iterali ineegin warak inowe Net aput Abenet inom, aap it Yekura ineegin warak inowe Yetet aput Amata inom, at Yowap obaabut ndak-ndak lek it imbirak inobaabut abu abe li'lak mban eeko menggaarak iigak, at awooluwak paga inooreegerak me, inamiya kilireegerak ti, inane'me at Aliku ALA nen at aret eeppigin o.

2 Endagembogut 4:12

Lagangge nagagerik, ayeloman Nggekati nogo yoge, “Kwe Tunem mendek ti, Omok, yoru o.” Yoge mbareegi, yoreegerak wage nagagerik, at Nggekati owagam tayorogon taati mi'ndak wonage kagak,

2 Endagembogut 4:14

Yoge mbareegi, at Elita nen Nggekati nogo yoge, “At ake an nano eeriyak?” Yoge mbareegi, at Nggekati nen, “At aagaluk lek. Ndi, ogonggelo kunduk, anggok aret o.”

2 Endagembogut 8:1

Ne ambi paga at Elita nen kwe Tunem mendek aagaluk eenik eeppereegerak nogo, wone yoge logonet, “At Aliku ALA nen o yime mbi noogelo nggwok inoba piyamenggerak wonogwe iigak, tahun 7 aret eerigin me, o yime mbo punuk, kogoni-kaagi kinom nage logomenggendik, kat nggeeme logorak mbake kenok, time nanuk, luulu negen aret logomunggun o.”

2 Endagembogut 9:5

Nage nagagerik, it aap ineegin warak inoweewi taati kwi'na'nuk wone mbanggwi me, iya nage nagagerik, yorage logonet, “Noweewi o. An wone ambi wonok wagi o.” Yorage mbareegi, at Yeku nen, “Wone ti, ta ake yo'niragan?” Yoge mbareegi, at nen, “Kat nowe kake aret o!”

Ndawi 37:3

Kiniki Aliku ALA oba panggombunuk obeelom mban eekwi, Ndomba inikilom paga iri'ngga mili nenet nugwi kwak, Kit togop aret o nggween yi paga wonogo logonet, Abe wone mban mugurok nogwe,

Oroma 16:2

At kwe ti nen aakumi ambik yeenggwaarage logonet, an togon yeenggwaanege nagaarak me, at nen, “Yogop eeppaniyak o,” ari kenok, yeenggwaagwi, ndi, it Ala apuri alik leenak nen inoreewi abet mbakwi nogo keyage warogo wogonako mengga kwak, “Kwe ti ninowe abet mbareegerak me, nit mendek aret o,” yinuk, waganggwi, eeko logonip o.

Oroma 16:6

Aaninggin kagak kit kinake nggwiirit-nggwaarit eeke nagaarak kwe Mariya kunduk, keyage wappigi.

Iberani 13:5

At Ala nen ari logonet, “An teppinagage, eraanggi mbo pinagage, eerigin lek o,” yinuk, yereegerak me, wu mban uugwe-uugwe mbarit nugwi paga wu ti, ayeloman eekkinabukwak, liippogo logonip o. Kinamendek nano mendek ambi wonage kenok, “Yi abu aret wonage o,” yinuk, kiniki tayenak logonet, ale'nggen paga nugu logomunggup o. Ala nen, “An mbo pinagagin lek o,” yinuk, yereegerak wone ti paga niniki panggombunuk, “Ninogoba nen yeenggwaanirage menggerak me, aakumi nen an eeppanugwi nogo, an nagabiti mbarigin lek o,” yinuk, yogo logorak ti op aret o.

Iberani 6:10

Kit kinogoba Ala a'me nggelok eeke menggerak me, at eyabu eerit nogo logonet, at endage tiyappuwak nduk, “Ao,” mba'nuk, kinoreewi Ala apuri yeenggwaarogo nogogutak inom, yogondak awo yeenggwaarogwe wonogwe inom, at mari eerogo pigin lek o.