2 Endagembogut 3:7 - Ala Wone Peenok Peebi Mbanak

⁷ Inayonggo piinok, aap Yekura mendek inowe endagembogut Yotapat wonage me wone eerogo nappege logonet, “Aap Mowap mendek inowe endagembogut nogo nen, Iterali mendek wone lengganogo yo'nirage logorak neebi o, yinuk, yegerak me, Mowap mendek ninom wim eeruwok nduk, kat ninom ari woroorak op ilik?” Yoge mbareegi, at Yotapat nen, “An nawuri inom, kat kawuri inom, an naguda inom, kat kaguda inom, ndak-ndak aret wonogwe me, kat an nimbirak lambumbunuk wim eeri noorak op aret o.”

2 Endagembogut 3:7 ပူးပေါင်းရင်းမြစ်များ

1 Endagembogut 22:4

Nage mbareegi, Akap nen Yotapat nogo yoge logonet, “Kat nimbirak o Aramot-Nggileyat time wim namburi noorak op aret ilik?” Yoge mbareegi at Yotapat nogo nen Iterali inowe endagembogut onggo yoge, “An nawuri inom, kat kawuri inom, an naguda inom, kat kaguda inom, ndak-ndak aret wonogwe me, kat an nimbirak lambumbunuk, wim eeri noorak op aret o.”

2 Endagembogut 13:20

Yoge nagagerik, logonuk lek aret, at Elita nogo kangge mbareegi, kanggwi piya unggwogo menggam eebe pi unggwogogwaarak. It aap aakumi a'nggan wogonaka Mowap mendek nen tahun ambi eekak paga o time unggwi wogo nogogwaarak.

2 Endagembogut 3:6

Togop ari mbareegi, aap endagembogut Yoram nogo o Tamariya nen wundi nage nagagerik, awuri Iterali mendek wim eeka nogo woraawak nduk, inayonggo piyareegerak.

2 Endagembogut 3:8

Yoge nagagerik, ambi yoge logonet, “Tu ngge paga nawok o?” Yoge mbareegi, at Yoram nen at yoge, “Tu karume Erom paga nawok o,” yoreegerak.

2 Endagembogut 3:9

Yogo nogogwaarik, aap Iterali inowe endagembogut inom, it Yekura inowe endagembogut inom, it Erom inowe endagembogut inom, tu wangge'nuk, nogwe iigak, nogo 7 yereegwaarak me, inawuri wim eeka inom, inaanggumi inom, inake inaniyo noorak lek aret kogogwaarak.

2 Mbinineegwaarak 18:3

It Iterali inowe endagembogut Akap nen it Yekura inowe endagembogut Yotapat nogo yoge logonet, “Kat nimbirak o Aramot-Nggileyat time wim namburi noorak op aret ilik?” Yoge mbareegi, at Yotapat nogo nen Iterali inowe endagembogut onggo yoge, “An nawuri inom, kat kawuri inom, ndak-ndak aret wonogwe me, kat an nimbirak lambumbunuk, wim eeri noorak op aret o.”

2 Mbinineegwaarak 19:2

aap abinggaanggo kaga Kanani aput Yeku nogo nen at Yotapat nogo ka wundi nage nagagerik, at yoge logonet, “It aap maluk lombok eekwi nogo yeenggwaarage, ndi, it Aliku ALA ineebi mbakwi nogo kiniki kunik aganake, eeke menggendak ti, op aret mbaken? Ti eekendak paga Aliku ALA anini koba aret wonage o.