2 Endagembogut 3:3 - Ala Wone Peenok Peebi Mbanak

³ at Nebat aput Yerobeyam nen maluk eerit nage nagagerak paga Iterali maluk eeko nogogwaarak nogo, at mbo puulik inom aret eerit nage nagagerak.

2 Endagembogut 3:3 ပူးပေါင်းရင်းမြစ်များ

1 Endagembogut 13:33

Ti agagerak nogo at Yerobeyam kagagerak kwe, eraambe maluk nogo, “Mbo pikit,” mbaka'lek maluk abunuk nggwok lombok eeke logonet, puut-puut alut eeko menggam unde logowak nduk, aakumi ugun mippiinet nagagerak. Aap ambi nen, “An puut-puut alut eeko menggam unde a'nuk eeke logokit,” ari kenok, at Yerobeyam nen ugun-ugun inanobak lebenogo mippiinet nage nagagerak.

1 Endagembogut 14:16

At Yerobeyam nen maluk eerit nage paga it aakumi Iterali mendek maluk eerit nogwe me, Aliku ALA nen it Iterali mbo piyaagin o,” yinuk, yoreegerak.

1 Endagembogut 14:9

At endagembogut awo aga'lek kagak it aa'nduk inendagembogut ogogwaarak nogo nen maluk eeko nogogwaarak ti, nggwok aret eeko nogogwaarak kwe, at perak, abunuk maluk mondok alik negen eerit nage logonet, At iniki wakkolaawak, nombake nagagerik, ambokan mbo paninuk, nobaane'me kugi inogut mbuti paga ogobakkigippatinuk, alut eerit nage agaarik o.

1 Endagembogut 15:26

At Narap nogo ogoba eerit nage logonet, maluk eeke nagagerak paga Iterali maluk eeko nogogwaarak nogo ndak-ndak, at Narap nogo togop aret Aliku ALA enegen kagak, maluk aret eerit nage nagagerak.

1 Endagembogut 15:34

Inarum wonage logonet, aap Yerobeyam eerit nage nagagerak paga Iterali maluk eeko nogogwaarak nogo ndak-ndak, at Mbayeta kunduk, Aliku ALA enegen kagak, maluk mban aret eeke nagagerak.

1 Endagembogut 16:31

At Omiri aput Akap nen aap Nebat aput Yerobeyam maluk eeke nagagerak nogo, eerit nage logonet, “Abu eeki,” mbaka'lek aakumi Tiron mendek inowe endagembogut Etebaan aput kolaga Iteben nogo wagangge, kugi Mba'an mugurok nage logonet alut eeke, eeke nagagerak.

2 Endagembogut 13:11

At Yokawat nogo aap Nebat aput Yerobeyam maluk eeke nagagerak paga it Iterali maluk eerit nogo nogogwaarak nogo, ambiriluk ambi mbo puulik Aliku ALA enegen kagak maluk kunik aret eerit nage nagagerak.

2 Endagembogut 13:2

Iterali wone lengganogo yorage logonet, at Nebat aput Yerobeyam maluk eeke nagagerak paga, Iterali eerit nogo nogogwaarak nogo, at mbo puulik Aliku ALA enegen kagak maluk mban mugurok nage nagagerak me,

2 Endagembogut 13:6

Ti eerogo piyareegerak kwe, at aap Yerobeyam paga wiganak inom maluk eeko nogogwaarak paga Iterali eerit nogo nogogwaarak nogo, mbo puulik maluk kunik aret eerit nogo logonet, o Tamariya kugigwe Atiyera agago arelen yinik nogo minogo nappuulik yinik aret teppereegwaarak.

2 Endagembogut 14:24

At Nebat aput Yerobeyam nogo maluk eeke nagagerak paga Iterali maluk eerit nogo nogogwaarak nogo, at Yokawat aput Yerobeyam nogo mbo puulik Aliku ALA enegen kagak maluk mban eerit nage nagagerak.

2 Endagembogut 15:18

Ndi, at Nebat aput Yerobeyam nogo nen maluk eeke nagagerak paga Iterali maluk eerit nogo nogogwaarak nogo, at Menakem nen mbo puulik endagembogut a'nuk wone lengganogo yorage logonet, Aliku ALA enegen kagak maluk mban eerit nage nagagerak.

2 Endagembogut 15:9

Ndi, aap Nebat aput Yerobeyam nogo eeke nagagerak paga Iterali maluk eerit nogo nogogwaarak nogo, at Takariya mbo puulik ombomini eerit nogo nogogwaarak kokwak, Aliku ALA enegen kagak maluk mban eeke nagagerak.

2 Endagembogut 17:21

At Aliku ALA nen Ndawut paga wiganak ambi, “An inowe endagembogut logonet, inarum logokit,” mbake kagak, eenggime nen ndingge mbareegi, Iterali nen aap Nebat aput Yerobeyam nogo inowe endagembogut mippereegwaarak kwe, at Yerobeyam nogo nen Aliku ALA mbo punuk, maluk iya negen eerit nogo logowak nduk, it Iterali inikime manake nagagerak.

2 Endagembogut 17:22

Manake mbareegi, it Iterali mendek nen at Yerobeyam maluk eerit nage nagagerak nogo, mbo puulik maluk mondok kunik aret eeko nogogwaarak me,

2 Endagembogut 17:23

Aliku ALA nen yorage kagak yoraga ayeloman mini nogo yorage kagak, Iterali yorogo nogogwaarak nogo ndak-ndak, “Iterali ambinom pegiyoorak neebio,” yinuk, mbo piige mbareegi, at aap Atiyut inowe endagembogut nen it Iterali wonogogwam nogome nen kugun wogoren, o Atiyut piya nagagerak o yogondak wonogwe aret o.

2 Endagembogut 21:16

At Manate nogo nen at Aliku ALA enegen kagak, aakumi Yekura mendek maluk eeruwak nduk, eereegerak ti maluk aret eereegerak kwe, aakumi maluk eerulik ugun iigak inoorit nagagerak paga inamiya o Yerutalem ilin-unggut abok endak wareegerak ti perak, maluk lombok aret eereegerak.

2 Endagembogut 23:15

Ti eeppunuk, aap Nebat aput Yerobeyam nen Iterali maluk eeruwak nduk, eeke logonet, o Mbeten nogome inagugi inake warogo wogoragak mippereegerak inom, puut paga inagugi inake wogorogo menggam inom, minogo punuk, inagugi inake warogo wogorogo menggaarak ogobakkigirik nogo kani kungge nagagerik, yigirogo wun negen eerogo pege, kugigwe Atitoret ageyo arelen yinik nogo kani kungge, eereegerak.