2 Endagembogut 3:25 - Ala Wone Peenok Peebi Mbanak

²⁵ inawi kota-kota yigirik-noonom eerogo pugwi, ineyabume abe yarak abok aret yugum paga aan lebenogo pugwi, niyo eneeri abok aret kagaarogo pugwi, yi eyo ndi eyo abe mendek abok aret muurogo pugwi, eerit o kota Kit-Karetet kuli ari nanuk, o ti iluk mban enaani teppereegwaarak kwe, it aap yugum keele paga nggelembunuk nambuka nogo nogogwaarik, wanggeppunuk, keele nombok-kombok nogo paga yugum nggelembunuk, inoorogo mambit nogogwaarak.

2 Endagembogut 3:25 ပူးပေါင်းရင်းမြစ်များ

Wakkagagerak 26:15

It inanini ombako nogogwaarik, niyo nonggo logorak nduk, at ogoba Abarakam eenik kagak ayeloman mini nen nggween kabuneegwaarak nogo aret kagaarogo pit nogogwaarak.

Wakkagagerak 26:18

Nogome wonage logonet, niyo nenggak yuurak nduk, maan aa'nduk Abarakam eenik logonet, nggween kabunit nagagerak kwe, at eebe kangge mbareegi, it Pilitin mendek nen kagaarogo pit nogogwaarak nogo, pilanogo wunake nagagerik, ogoba Abarakam nen endage tooneegerak nogo ndak-ndak aret tooneegerak.

2 Tamuwen 8:2

Tebenggolage nagagerik, ti'nuk, it Mowap mendek tebenogo piinok, inawuri aap ineegin warak nogo nggween paga mbiginogo wimbiinok, keele ambi waganogo mbiginik alom me nen keele nggorek paga wakkaanuk, ambi wakkage logonet, inooke, ti'nuk, keele nggorek ambit wakkaanuk, ineenik teppiige, eerit irip yubuni nagagerak. Ti eeke mbareegi, it Mowap mendek nogo inagabiti nen Ndawut ayuk wuko logonet, inarum wonage onggo wogogo nogogwaarak.

2 Endagembogut 3:19

it inawi yugum pak wurik inom, kota-kota abu obeelom lombok wonage nogo inom, abok aret langgunogo pugwi, yi eyo ndi eyo abe mendek abok aret muurogo pugwi, niyo eneeri wungge nogo abok aret nggween kagaarogo pugwi, ndi, ineyabu wogome abe mendek yarak nogo abok aret yugum paga aan libik-lebek eerogo pugwi, eerugun, yegerak o,” yinuk, yoragagerak.

2 Endagembogut 3:24

Piyanggogo nogogwaarik, it Iterali inawooliya wurik me nogome unggwi wogo mbareegwa, it Iterali nogo nen pilak yereegwaarak wundi nogo logonet, it aap Mowap mendek nogo inooko mbareegwa, kole mbaganit nogwe me, muguren aret inoorit inanggween tebenggo'net unggwogo logonet,

2 Endagembogut 3:26

Ti eeko mbareegwa, at aap Mowap mendek inowe endagembogut nogo nen it inom wim eeriyak abu meek aret age kage nagagerik, awuri inawooluwak unde ineebe tujuh ratus wogoren aap Erom inowe endagembogut nogo tebenogo pi ungguurak nduk, eereegwaarak kwe, meek aret agagerak.

2 Mbinineegwaarak 32:4

aap ambik lombok kuwak eeppiinok, yorogo mbareegwa, “It Atiyut mendek inoweewi inendagembogut ti, wogo logomenggaarik, nit ninaniyo ndonggorogon nonggo logonet, ninoori woraawak nduk, nonggop nduk, it inake niyo ti, teppuurak? Kagaarogo pit nawak aret o,” yinuk, niyo eneeri wundi wage menggim inom, niyo o time nen kinogo nagabit nage menggerak nogo inom, abok aret nggween kagaarogo pit nogogwaarak.

Yetaya 15:1

It o Mowap mendek eeppiyoorak abinggaanggo paga Ala nen yoreegerak nogo yi aret. “O Mowap kota endage At nogo, maluk eerogo pegaarak wonage o. Ne ambit oonikiya pup eerogo pegaarak wonage o. O Mowap kota endage Kit maluk eerogo pegaarak wonage o. Ne ambit oonikiya lek eerogo pegaarak wonage o.

Yetaya 16:11

Nggitat arigi nggoonggo eeko mengga kwak O Mowap eeppegaarak nogo paga niniki puru ari, O Kit-Karetet eeppegaarak nogo paga niniki ndugu agan unggwage, Eeke agarik o.

Yetaya 16:7

Aaninggin inoba agaarak ti paga it Mowap mendek leenggu maakwi, Ninawi yi agaarak, ao, yinuk, it abok nen leenggu maakwi, Eeko agaarik o. Oroti anggur anggen woloonak paga worarak o kota Kit-Karetet mendek nogo lek agaarak me, Ao, mbako logonet, iniki wakkologo agaarik o.

Yeremiya 48:31

“Togop aret me, an nen o Mowap kenok ale ari, It aakumi Mowap mendek abok iinok, inaleenggu maake, It aap Kit-Karetet mendek iinok, niniki wakkolage, Eeke agarik o.

Yeremiya 48:36

“Togop aret me, iniki puru aago logonet, nggawiiwak mbanak oone eeko mengga kwak, O Mowap maluk aago kenok, niniki puru ari logonet le ari, Iniki puru aago logonet, nggawiiwak mbanak oone eeko mengga kwak, It aap Kit-Karetet inamindik-inamendek kuwak eerak nogo lek agaarak kenok, niniki puru ari logonet le ari, Eeke agarik o.

Pelaareegerak 2:9

Ari wogo mbareegu, at Aliku ALA nen an yo'nege logonet, O endage At time it aap Lot ombowologwe wiganak unde logowak nduk, an nen wogoragagirak me, Nit ambi unde logorak wo'niraagin, nomba'nuk, it aap Mowap mendek yi, inanini eeppiigwi, kinom wim eerubagip nduk, mbaaniigwi, eeriyak mage o, yinuk, yo'nereegerak nogo o.

Owak Loongga 9:45

Aap Abimelek nogo nen o ne ambit weereegerak paga aret aakumi ti, inoorit nage logonet, o time yigirogo pege, aakumi o kota inikime wonogwe nogo inoorogo piige, eeke nagagerik, yi mendek ndi mendek yakwi iyo, mayu mban yumbunogo pereegerak.