2 Endagembogut 3:10 - Ala Wone Peenok Peebi Mbanak

¹⁰ Lek aret mbareegi, Iterali inowe endagembogut nen ari logonet, “Wologo wae! At Aliku ALA nen it aap Mowap mendek ineenggime pinanikit nduk, aap ninendagembogut kenagan ninayonggo pinanggerak wonogwe me, ninabuwa o.”

2 Endagembogut 3:10 ပူးပေါင်းရင်းမြစ်များ

Wakkagagerak 4:13

Yoge mbareegi, at Kayin nen Aliku ALA yoge, “Yogondak perak, aaninggin nggwok lombok aret noba panegendak me, an nen piyakkoorak ti, meek aret kagi o.

2 Endagembogut 3:11

Ari mbareegi, at Yotapat nen kin wogiige logonet, “Nit mbakwi wonok, Aliku ALA yoruwak nduk, Aliku ALA nen yoge kagak yoraga ambi yime wonage ilik, lek a?” Yorage mbareegi, aap Iterali inowe endagembogut ineegin warak awot ambi nen onggo yoge logonet, “Aap aa'nduk Eliya ayeloman logonet, eenggi kookkage nagagerak Tapat aput Elita nogo perak, yime wonage o.”

2 Endagembogut 3:9

Yogo nogogwaarik, aap Iterali inowe endagembogut inom, it Yekura inowe endagembogut inom, it Erom inowe endagembogut inom, tu wangge'nuk, nogwe iigak, nogo 7 yereegwaarak me, inawuri wim eeka inom, inaanggumi inom, inake inaniyo noorak lek aret kogogwaarak.

2 Endagembogut 6:33

At Elita nogo wone ti awo yorage me, aap nappi wagagerak nogo aa'nduk wage, ndi, aap endagembogut nogo ambokan wage, eeko nogogwaarik, aap endagembogut nen yoge logonet, “Aaninggin-paaninggin ninoba agaarak yi, at Aliku ALA nen aret eeppinanege me, at Aliku ALA nen ambi yeenggwa nirigin me nduk, tokkage logorak mbaken? Lek o,” yinuk, yoreegerak.

Kini Wuppiige 19:3

Aap ambi iniki lek wi negen eerit nage paga maluk aret eekkolage nagaatik, anini wuk togon Aliku ALA mberege menggerak.

Yetaya 51:20

Kaagalogwe wologwe iniki lek a'nuk ngginnogwe, Nggwiya keele yilinik kin paga mengga kwak, it togop aret tu nggwok paga ngginnarit nagaarak wonogwe, Eerak aret agaarik o. Aliku ALA anini toolak nogo wogorage, Kogoba Ala nen mberirage, Eekerak paga Ndonggoppiigerak inaanogum panggo eerogo piinet nagaarak agaarik o.

Yetaya 8:21

It aakumi ti, iniki aaninggin wonogwe, mbi abu wonogwe, eeko logonet, o time yagak-ndagak nugwi, mbi abu kenok inanini nen inowe endagembogut inom, inogoba Ala inom, mbelaappiigwi, ina mbogut paga ni'nogwe,