2 Endagembogut 24:7 - Ala Wone Peenok Peebi Mbanak

⁷ Ndi, aap endagembogut Mbaben mendek nen aap Metit inowe endagembogut unde menggim niyo Metit nen nok, niyo Eparat kuli tebenggolagagerak me, aap endagembogut Metit mendek nogo ame nen wim eeri wundi wage logolik aret.

2 Endagembogut 24:7 ပူးပေါင်းရင်းမြစ်များ

Wakkagagerak 15:18

Ne ti eyom paga at Aliku ALA nen Abaram yoge logonet, “Nggween yi abok aret niyo Metit kuli nen, nok-nok niyo nggwok Eparat kuli ti, kat kapuri ndaganabemenggendak nogo wogoragi o.

1 Endagembogut 4:21

Ndi, at Talomo nogo, niyo Eparat wappunuk nok, aap Pilitin wonogo menggam nen, o Metit kuli, yi aap ndi aap inabu'me piinok wonogo menggam abok aret inowe endagembogut logonet wone lengganogo yorage nagagerak. At Talomo kangga'lek eenik wonage kagak, it aakumi o time wonogwe apit aret nen at Talomo abu'me logonet, at oone mban konenggwi, inarum wonage onggo wogori wogwe, eeko nogogwaarak.

Yetaya 27:12

Gandum ambitak mban pippunuk, mbanogo anggen menenggo mengga kwak, ne ti eyom paga Aliku ALA nen kit aakumi Iterali mendek yi, niyo Eparat nen nok Metit kuli wonogwe nogo ambit kambok waganogo kuwak eerogo pinagage logogin o.

Yeremiya 46:2

It o Metit mendek eeppiyoorak yereegerak nogo ti, Aap Yotiya aput Yoyakim nogo it Yekura mendek inowe endagembogut a'nuk, wone lengganogo yorage kagak tahun kenagan eeppunuk, ambi eeke paga, aap Mbaben mendek inowe endagembogut Nebukanetat nen it aakumi o Metit mendek inowe endagembogut Pirawun Neko awuri ineegin warak inom o Karekemit niyo Eparat aa'nggi paga taati wonogwe me, tebenogo piyareegerak Pirawun awuri inom eeppiyoorak wone yoragagerak nogo yi aret.

Yeremiya 46:6

“It inogowa ambik nogo kole mbaganit nogwe, It aap wakaa'ngget nogo inagap ndakko'nok mbaganggwi, Eerugun lek aret o. O omarip paga pa'nggwe niyo Eparat aa'nggi paga time aret iniyogobit lik yinuk, ngginnarit nagun o.

Yetikiyen 30:21

“Aakumi nen ndarak yi wae. An nen it Metit mendek inowe endagembogut Pirawun eenggi omaawi wonage nogo kalenogo pigirak me, eenggi nogo omaawi eeppunuk, wooluwak ambinom wonok nege logokwak, an nen obeelom aruwak nduk, nggerenogo pege, eyo mbanak nabenogo punuk, keele maake, eeka'lek aret agarik o,” yinuk, yegerak o.

Yetikiyen 30:22

Togop aret me, Aliku Itok Menggerak ALA nen yegerak nogo yi aret. “It Metit mendek inowe endagembogut Pirawun ti, an nimbirak ogoorak aret me, eenggi peenok awo omaawi lek kalenak kagak peenok omaawi wonage nogo, kalenogo pege neenok, imbirak kalenak me, wooluwak at eenggime wonok nege nogo ndik togon wambigin o.

Linggineegwaarak 34:5

O Atomon kuli ari nanuk, yomonogo niyo mbuuluk endage Metit nage nogo mugurok nanuk, irip niyo nggwok yenggenak Laut Tengah warak logowak o.

Yotuwa 15:4

o Atomon paga ari nanuk, niyo mbuuluk endage Metit nogo paga pi nanuk, niyo ndirok aru niyo kole yenggenak Laut Tengah kuli ti, it Yekura anebunu mendek inanggween o ame pa'nggwe kuli nogo ti aret o.