2 Endagembogut 24:12 - Ala Wone Peenok Peebi Mbanak

¹² aap Yekura inowe endagembogut Yoyakin inom, agalo inom, inom eeko menggaarak inom, aap inengga warak inom, at awi arum menggaarak inom, abok aret, “Wim mage o,” yinuk, ka wundeegwaarak. Ka wunggo mbareegwa, aap Nebukanetat nen aap Yoyakin keele maarogo pereegerak. Ndi, aap Nebukanetat nogo aap Mbaben mendek inowe endagembogut logonet, wone lengganogo yorage kagak, tahun 7 eeppunuk, ambi age ti eyom paga aap Yoyakin keele maarogo pege nagagerik,

2 Endagembogut 24:12 ပူးပေါင်းရင်းမြစ်များ

2 Endagembogut 20:18

ndi, kat kapuri-kombowologwe ndaganabemenggaarak ando wogonakwi, ee'nuk, o Mbaben piya nanuk, aap kenok inooli waganogo aap Mbaben inowe endagembogut awi o nggwok abe wurik me ake eeko logowak nduk, piyaagin o, yinuk, Aliku ALA nen ari kenok yokkigi o.”

2 Endagembogut 24:11

inowe endagembogut Nebukanetat nogo wage nagagerik, awuri inom tebenggologwe iigak,

2 Endagembogut 25:27

Ndi, aap Yekura endagembogut Yoyakin wonok, o Mbaben keele maarogo mbo pi nagagerak wonage kagak, tahun 36 eeppunuk, ambi age paga aap Ewin-Merorak o Mbaben inowe endagembogut agagerak. Age nagagerik, tahun ti paga tut 11 penembunuk, ambi penenak tanggal 27 paga, at Yoyakin nogo keele maarogo mambiigo menggam wonage me, piinogo wumbereegerak.

2 Endagembogut 25:8

Ndi, aap Nebukanetat nogo aap Mbaben mendek inowe endagembogut wonage kagak, tahun 18 eeppunuk, ambi eerak tut 5 penenak tanggal 7 paga aap endagembogut inom eeka ambi at eebe wonok nega inowe endage Nebutararan o Yerutalem wagagerak.

2 Mbinineegwaarak 36:10

Tahun ambi eeppunuk, ambi eerikit nduk eeke kagak, endagembogut Nebukanetat nogo nen at Yoyakin wonok woraawak nduk, aap nappiya wagagerak wogo nogogwaarik, aap Yoyakin nogo waganggwi, yi mendek ndi mendek onggo nggwok Aliku ALA awi wurik me wonage nogo waganggwi, eeko nogogwaarik, wonok o Mbaben pi nogogwaarak. Ndi, at Nebukanetat nen aap Yoyakin ogobaluk Yerekiya nogo aap Yekura mendek inom, Yerutalem mendek inom, inowe endagembogut logowak nduk, mippereegerak.

Etet 2:5

Ndi, aap Yakuri anebunu Mbeniyamin mendek Kiti nen Timeyi ndake, Timeyi nen Yayit ndake, eereegwaarak me, at Yayit aput Morekayi nogo ne ti eyom paga aap endagembogut awi o nggwok abe wurik o Tutan time wonagagerak.

Etet 2:6

At Morekayi nogo it aap o Mbaben mendek inowe endagembogut Nebukanetat nen o Yerutalem tebenogo piinok, aakumi Yekura mendek inowe endagembogut Yoyakin aakumi apit inom keele maageren o Mbaben piya nage logonet, Morekayi inom, pi nagagerak.

Yetaya 24:6

At Aliku ALA nen nggween yi pulunogo pegerak paga lubu yaga'lek mbuk arit unggwage, It aakumi maluk eekaarak paga aaninggin inoba age, Eerak aret wonogwe me, It aakumi o nggween paga wonogwe yi, kani nen nenet nagaarak me, ineebe mbuuluk aret wonogwe iigirak o.

Yeremiya 13:18

Aliku ALA nen an yo'nege logonet, “Kit kinanggare-nggare kinanobak paga abinakwi yirik nogo nggoorok togon wanggerak me, Wone lengganogo yorogo monggo'nom nogome nen wambi wa'nip o, Yinuk, at aap endagembogut inom, akwe kwe nggwok nogo inom, imbirak yoret o,” yinuk, yo'negerak o.

Yeremiya 24:1

Aap Mbaben mendek inowe endagembogut Nebukanetat nen it Yekura mendek inowe endagembogut aap Yoyakim aput Yoyakin inom, awuri inom eeka inom, aap ineenggi amburu paga o wuka inom, mbutiwak ogobakkigika inom, o Yerutalem nen wogoren o Mbaben piya nagagerak time wonogwe iigak, Alik Ku ALA awi wurik enaame taati wuliinggen mbanak muun mbere yarak me yonggolak wonage nogo Aliku ALA nen nabinggaanggo paga titik nereegerak.

Yeremiya 25:1

Aap Nebukanetat it Mbaben mendek inowe endagembogut a'nuk, tahun aa'nduk paga wone lengganogo yorage, at Yotiya aput Yoyakim nogo it Yekura mendek inowe endagembogut a'nuk wonage kagak tahun kenagan eeppunuk, ambi age paga wone lengganogo yorage, eekwi iigak, Ala nen it aakumi Yekura mendek abok aret eeppiyoorak wone at Yeremiya yoreegerak.

Yeremiya 36:30

Yoreegerak ti paga at Yekura inowe endagembogut eeppuurak Nalik Ku ALA nen ari logonet, “Ndawut wone lengganogo yorage nagagim at Yoyakim apuri wiganak paga ambi wone lengganogo yorogo logogun mondok lek aret o. At eebe kambemenggerak mbo pemenggaarak endekem wonage kagak, o liingge paga mo andi wake, oonikiya paga togwi nen miin tu eerogo pege, eeke logogin o.

Yeremiya 37:1

It Mbaben inowe endagembogut Nebukanetat nen at Yoyakim aput Yoyakin obaane'me Yotiya aput Terekiya nogo it Yekura inowe endagembogut logowak nduk, mippereegerak.

Yeremiya 52:12

Ndi, aap Nebukanetat nogo aap Mbaben mendek inowe endagembogut wonage kagak, tahun 18 eeppunuk, ambi eerak tut 5 penenak tanggal 10 paga, aap endagembogut inom eeka ambi at eebe wonok nega inowe endage Nebutararan o Yerutalem wagagerak.

Yeremiya 52:28

Aap Nebukanetat nen it aakumi wogoren o Mbaben piya nagagerak nogo ti, At endagembogut logonet wone lengganogo yorage kagak tahun 6 eeppunuk, ambi age paga it Yakuri mendek ineebe tiga ribu dua puluh tiga wogoren nage,

Yeremiya 52:31

Ndi, aap Yekura endagembogut Yoyakin wonok, o Mbaben keele maarogo mbo pi nagagerak wonage kagak, tahun 36 eeppunuk, ambi age paga aap Ewin-Merorak o Mbaben inowe endagembogut agagerak. Age nagagerik, tahun ti paga tut 11 penembunuk, ambi penenak tanggal 25 tut ti paga, at Yoyakin nogo keele maarogo mambiigo menggam wonage me, piinogo wumbereegerak.

Yetikiyen 1:2

Aap endagembogut Yoyakin nogo keele maa'nuk wonok mbo pi nogogwaarak wonage kagak, tahun 4 eeppunuk, ambi eereegerak me, tut 4 penembunuk, ambi penenak tanggal 5 tut ti paga

Yetikiyen 17:12

“It aap noone eeriyak ineebi mbaka mendek wone yoroorak nogo yi aret. Wone eegu laarak eebe ti, kineenu ilik, lek a? Yorage logomenggendik, it yorage logonet, Aap endagembogut o Mbaben mendek nen o Yerutalem nage nagagerik, it Yerutalem wonogwe inowe endagembogut wagangge, aap inengga warak o Yerutalem wonogwe nogo wogonake, eeke nagagerik, wogoren o Mbaben iyokan piya woraakit nduk, eeke logonet,

Yetikiyen 17:4

era'nggup lombok nogo kalenogo punuk, wonok it aakumi inamendek kunggologo menggam o nenaarak ambime pi nage nagagerik, it aakumi inamendek kunggologo menggam o kota ambime time yareegerak.

Yetikiyen 19:1

Iterali inoweewi nagawan-nagawan inaleendawi tiyanggo logonet,

Yetikiyen 19:13

O yogondak eyo nogo ti, nggween mbuk niyo yawenogo pegeelik me karume yarak aret agaarik o.

Pelaareegerak 28:36

At Aliku ALA nen kit inom, kinowe endagembogut mippumonggotak inom, it aakumi inanebunu alik kinombomini kinom kineenggo'lek nogo mendek wonogwe me, wokkiren pinagi nage kenok, time wonogo logonet, Ala alut eekwi obaane'me eyo paga inom, yugum paga inom, kinagugi ogut ogobakkigirogo mippunuk, tiyappit nugwi