2 Endagembogut 24:1 - Ala Wone Peenok Peebi Mbanak

¹ At Yoyakim nogo Yekura endagembogut logonet, wone lengganogo yorage kagak, it Mbaben inowe endagembogut Nebukanetat nogo, o Yekura tebenggola wage nagagerik, at Yoyakim nogo at abu'me punuk, wonage kagak, tahun kenagan eeke mbareegi, at Yoyakim iniki koombunuk, “Aap yi, wone lengganogo yo'nirage logorak neebi,” mbareegerak.

2 Endagembogut 24:1 ပူးပေါင်းရင်းမြစ်များ

2 Endagembogut 17:5

Mambege nagagerik, Iterali iname nogome abok aret tebenogo punuk, o kota Tamariya tebenogo pikit nduk, eeke kagak, tahun kenagan eereegerak.

2 Endagembogut 24:20

It aakumi o Yerutalem mendek inom, Yekura mendek inom, aaninggin inoba kwi'nagagerak nogo ti, at Aliku ALA anini inombareegerak paga eerogo piinok, “It inoba aberak logorak neebi o,” yinuk, mbo piyareegerak ti aret.

2 Mbinineegwaarak 36:1

Ndi, it aakumi o time wonogwe nogo nen aap Yotiya aput Yowakat nogo waganogo o Yerutalem ogoba obaane'me wone lengganogo yorage logowak nduk, inowe endagembogut mippereegwaarak.

Yetaya 36:5

An nawuri ineegin warak ambik me, yogop-ndogop eerugun o, yinuk, ari ti, ta imbirak panggonak logonet, At Atiyut inowe endagembogut wone lengganogo yo'niroorak neebi, mbake agaarik? Ti we aret agan nege agaarik o.

Yeremiya 25:1

Aap Nebukanetat it Mbaben mendek inowe endagembogut a'nuk, tahun aa'nduk paga wone lengganogo yorage, at Yotiya aput Yoyakim nogo it Yekura mendek inowe endagembogut a'nuk wonage kagak tahun kenagan eeppunuk, ambi age paga wone lengganogo yorage, eekwi iigak, Ala nen it aakumi Yekura mendek abok aret eeppiyoorak wone at Yeremiya yoreegerak.

Yeremiya 25:9

yi aakumi ndi aakumi o omarip paga pa'nggwe wonogwe nogo abok aret inom, it Mbaben mendek inowe endagembogut nayeloman Nebukanetat inom, yonggo piyaminggirak wogo logonet, o yi tebenggola unggwogwe, it o yime menggaarak inom, yi aakumi ndi aakumi enaagan-ambokan wonogwe inom, abok aret tebenogo piigwi, eerugun o. It o yime menggaarak nogo mondok pup eerogo piige, inamineeri ne agan noorak mendek eerogo piige, inagi'ndok kanggo logowak nduk eerogo piige, ndi, o nggween yi, mondok mbuk aago mondok-mondok logowak nduk, eerogo pege, eerigin,” yegerak o.

Yeremiya 35:1

At Yotiya aput Yoyakim nogo aakumi Yekura inowe endagembogut wonage kagak, Aliku ALA nen wone at Yeremiya yoreegerak nogo yi aret.

Yeremiya 35:11

Togop eeko monggoorak kwe, at aap Mbaben inowe endagembogut Nebukanetat nogo, o yi tebenggolaakit nduk unggwi wage kagak, nit nen yogo logonet, It aakumi Mbaben mendek inom, it Aram mendek inom, inawuri ineegin warak nen nit ninoorukwak, o wunnarok kole Yerutalem nawok o, yinuk, o Yerutalem yime ari wogogurak wonogo ogoorik o,” yinuk, yo'nereegwaarak.

Yeremiya 36:1

At Yotiya aput Yoyakim nogo it Yekura inowe endagembogut a'nuk, wone lengganogo yorage kagak, tahun kenagan eeppunuk, ambi age paga Aliku ALA nen at Yeremiya wone yoreegerak nogo yi aret.

Yeremiya 45:1

At Yotiya aput Yoyakim nogo it Yekura mendek inowe endagembogut a'nuk, wone lengganogo yorage kagak, tahun kenagan eeppunuk, ambi eeke paga aap Neriya aput Mbaruk nogo Ala yoge kagak yoraga Yeremiya nen yoge kagak abok aret mbuku pirik-perek aago paga liiru mbangge mbareegi, aap Yeremiya nen aap Mbaruk yoreegerak nogo yi aret.

Yeremiya 46:2

It o Metit mendek eeppiyoorak yereegerak nogo ti, Aap Yotiya aput Yoyakim nogo it Yekura mendek inowe endagembogut a'nuk, wone lengganogo yorage kagak tahun kenagan eeppunuk, ambi eeke paga, aap Mbaben mendek inowe endagembogut Nebukanetat nen it aakumi o Metit mendek inowe endagembogut Pirawun Neko awuri ineegin warak inom o Karekemit niyo Eparat aa'nggi paga taati wonogwe me, tebenogo piyareegerak Pirawun awuri inom eeppiyoorak wone yoragagerak nogo yi aret.

Yeremiya 50:17

“Singa nen ndomba mappiigaatak inalitak mak aago nugu mengga kwak, Iterali togop aret mappiigo logonet, Aa'nduk it Atiyut mendek inowe endagembogut nen ambeme yonggorinake, Ti'nuk, yogondak yi, it Mbaben mendek inowe endagembogut Nebukanetat nen inowak nenenogo nengge, Eereegwaarak,” yegerak o.

Yetikiyen 19:8

Ne agan nage mbareegi, yi aakumi ndi aakumi at enaagan-ambokan wonogwe nen pilak yinuk, at tebenogo puwok nduk wogwe, At yiluk yuwak nduk, keele pit nogwe, Nggween labu pugume wangge kenok, tebenogo pugwi,

Yetikiyen 21:14

Togop aret me, aakumi nen ndarak yi wae. Ndogop eeppinagagun o, yinuk, koone omaawi paga yorage, Keenggi telak eeke, eeru o. Wooluwak ti paga ne mbere nengge, Ne mbere nenok, ambi nengge, Eeruwak nduk, teppu o. Wooluwak ti, aakumi inooriyak ake aret wonage, Wooluwak ti paga nen aakumi ambik inooriyak ake wonage, Eerak logonet, It inaagan-inambokan lek eerogo piinet nagin o.

Ndaniyen 1:1

Aap Yoyakim aakumi Yekura mendek inowe endagembogut a'nuk, wone lengganogo yorage kagak, tahun mbere eeppunuk ambi eeke paga it aakumi Mbaben mendek inowe endagembogut Nebukanetat nogo, o Yerutalem nage nagagerik, yagaragi kumbiinok, oonda mbani unggwagagerak.

Ndaniyen 1:2

Oonda mbani unggwage kagak, at Ala nen aakumi Yekura mendek inowe endagembogut Yoyakim tebenogo puwak nduk, eeppege mbareegi, tebenogo punuk, Ala awi wurik me eekak ake nogo ando waawak nduk eeppege mbareegi, wagangge nagagerik, wonok o Mbaben at agugi alut eeke menggim yime pi woranuk, at agugi awi wurik me yi mendek ndi mendek abe kenok pege menggim nogome mambereegerak.

Abakuk 1:6

Ti eerigin nogo ti, inogogumbuk worokot nogo nen it inanggween lek kwe, Unde eeppatinuk logowak nduk, o nggween yi abok aret it mban tebeni nogwe aakumi Mbaben mendek aret mippiyaagin o.