2 Endagembogut 23:4 - Ala Wone Peenok Peebi Mbanak

⁴ Yogo mbareegwa, at endagembogut nogo nen aap Ala unde inowe Kilikiya nogo eege, it Ala unde at yeenggwaaga eege, Ala awi wurik tu unggwogo menggam arum waka eege, yorage logonet, “Kugi Mba'an inom, kugigwe Atiyera inom, laaluguragan yigin abigan inom, inalut eeko logonet, inobaanggi-inobaangge eeppiigo menggaarak abok aret Aliku ALA awi wurik me nen mbelenogo wumbinip o,” yoragagerak wumbogo mbareegwa, at Yotiya nen o Yerutalem endekem kobappaga Kiriron taati kani kumbunuk, wun agagerak nogo ndooninuk, o Mbeten pi nagagerak.

2 Endagembogut 23:4 ပူးပေါင်းရင်းမြစ်များ

2 Tamuwen 15:23

Ndi, Ndawut at inom menggaarak nogo abok aret inawi kota nogome mbo punuk, wundi nogwe iinok, it aakumi o time wonogwe nogo abok aret inoone nggwok paga inale yogwe iigak, niyo Kiriron wunda nanuk, o karume time aret nogogwaarak.

1 Endagembogut 12:29

Yorage nagagerik, tapi ogut ogobakkigirik ambi o Mbeten pi nage, ndi, ambi o Ndan pi nage, eereegerak.

1 Endagembogut 15:13

at owogolo Maaka nen ogole warak mendek kugigwe Atiyera ageyo arelen ogobakkigirogo mippereegerak paga owogolo aret kagak, “Kat kwe nggwok logorak lek o,” yinuk, eyo arelen yinik nogo mbanogo niyo Kiriron aa'nggi paga time kani kungge, eereegerak.

1 Endagembogut 16:31

At Omiri aput Akap nen aap Nebat aput Yerobeyam maluk eeke nagagerak nogo, eerit nage logonet, “Abu eeki,” mbaka'lek aakumi Tiron mendek inowe endagembogut Etebaan aput kolaga Iteben nogo wagangge, kugi Mba'an mugurok nage logonet alut eeke, eeke nagagerak.

1 Endagembogut 18:19

it aakumi Iterali abok aret puut Karemen ti paga nowagam kuwak eeri nawak nduk yorage, ndi, kwe Iteben inom mbi nonggo menggaarak kugi Mba'an awone unde ineebe empat ratus lima puluh inom, kugigwe Atiyera awone unde ineebe empat ratus inom, it kunduk wogoren nage, eeruo,” yoreegerak.

1 Endagembogut 18:26

Yorage mbareegi, tapi nogo wa nanuk wonok wogora wogo mbareegwa, warogo kani ndoonak paga nippunuk, o kuubondendok nen nok, liingge inagugi Mba'an endage kunogo wiigo logonet, “Ninogoba Mba'an wae. Ninoone konenu o,” yinuk, inoone nggwok paga yogak mban eekwi, kani ndoonak yendok-wandok yagan yobak-nggolak yogwe, eereegwaarak kwe, inogoba nogo oone ari, wone onggo yorage, eeka'lek aret wonagagerak.

1 Endagembogut 18:40

Yogo mbareegwa, at Eliya nen, “It aap kugi Mba'an wone unde nogo mbaganggwi iyo, abok aret piginabinip o.” Yoragagerak piginako mbareegwa, at Eliya nogo nen wogoren niyo Kiton aa'nggi paga piya nanuk, abok aret inoorogo piyareegerak.

1 Endagembogut 19:18

it aakumi Iterali kugi Mba'an inendobanggun yindumbunuk, ayuk wukwi, at ogut nogo ineyak mbanggwi, eerulik kenok ineebe tujuh ribu inili eerogo piigirak wonogwe o,” yoreegerak.

2 Endagembogut 10:26

inagugiwak wonok wundi wogo nogogwaarik, kani kunggwi,

2 Endagembogut 12:10

Ndi, wu pegaatak eyo ogobakkigirik nogome aret yagabit agaatak kogo nagaatik, at aap endagembogut ake liiru mbangga inom, it aap Ala unde inowe nogo inom, yorogwe iinok, wogo nagaatik, Aliku ALA awi wurik me unggwogo logonet wu pegaatak nogo, ineenggi linggimbunuk, keele maarogo pogo nogogwaarak.

2 Endagembogut 17:16

At Aliku inogoba Ala nen, “Yogop ee'nu ndogop ee'nu,” yoragagerak nogo, abok aret taganogo mbo punuk, inagugiwak kwak mbuti paga tapi inogut mbere ogobakkigikwi, kugigwe Atiyera ageyo arelen yinogo pugwi, inendobanggun yindumbunuk laaluguragan abok aret inayuk wukwi, kugi Mba'an alut eekwi, eeko nogogwaarak.

2 Endagembogut 21:3

Eeke logonet, at ogoba Kitikiya nen puut-puut paga inagugi inake eeko menggam lek eerogo pereegerak nogo, obaane'me ogobakkigirogo pege, kugi Mba'an ake warogo wogogo logorak ogobakkigirogo pit nage, it Iterali inowe endagembogut Akap nen kugigwe Atiyera ageyo arelen mippereegerak kokwak, at togop aret eerogo pege, laaluguragan yigin abigan abok inabu'me tebe yinuk, inalut eeke,

2 Endagembogut 21:5

Aliku ALA awi wurik me owa'nagat mbere wurik nogome laaluguragan yigin abigan abok inake warogo wogoragak ogobakkigirogo pege,

2 Endagembogut 21:7

At Aliku ALA nen Ndawut aput Talomo imbirak yorage logonet, “It aakumi Iterali inanebunu lombok inawi kota-kota iigak, an leenogo pereegim o Yerutalem nawi wurik yime mban nendage mondok-mondok ki logogin me, it aakumi Iterali, Yogop ee'nu ndogop ee'nu, yoragagirak nogo ndak-ndak eekwi, ndi, an wone lengganogo yoragagirak nayeloman Muta nen liiru mbanogo wogoragagerak nogo porogo logonet, liirogon mugurok nogwe, eekwi iinok, it inombomini logowam inanggween wogoragagim nogome nen yagak-ndagak nugu logowak nduk, eeppiyaagin lek o,” yinuk, yoragagerak kagak kwe, at Manate nen kugigwe Atiyera ageyo arelen ogobakkigirogo Aliku ALA awi wurik time pi unggwagagerak.

2 Endagembogut 22:4

“Kat nen aap Ala unde inowe Kilikiya ka nage logomenggendik, it aakumi nen Aliku ALA awi wurik me wu pi ungguwok nduk, wonok wogwe iinok, it aap Ala awi wurik me tu unggwogo menggam arum wonogwe nen wu kuwak eekaatak porogo wonage inowe nogo, Mande wonage? yokkiruwak nduk, yori nak o.

2 Endagembogut 23:12

Eeke nagagerik, it aap Yekura inoweewi inendagembogut nen inagugi inake wogorogo menggam aap Akat awi irimbaga oo'ngget ndoonak maarak paga ago ogoorak wonage nogo, minogo wuppi wage, ndi, at Manate nen inagugi inake warogo wogogak Aliku ALA awi wurik owa'nagat mbere wurik me wonage nogo, minogo punuk, yigirik-noonom eerogo pege nagagerik, o Kiriron kobappaga nggininogo pi nage,

2 Endagembogut 23:15

Ti eeppunuk, aap Nebat aput Yerobeyam nen Iterali maluk eeruwak nduk, eeke logonet, o Mbeten nogome inagugi inake warogo wogoragak mippereegerak inom, puut paga inagugi inake wogorogo menggam inom, minogo punuk, inagugi inake warogo wogorogo menggaarak ogobakkigirik nogo kani kungge nagagerik, yigirogo wun negen eerogo pege, kugigwe Atitoret ageyo arelen yinik nogo kani kungge, eereegerak.

2 Endagembogut 25:18

Aap endagembogut eebe wonok nega Nebutararan nen aap Ala unde inowe Teraya inom, awot abu'me mendek Tepaniya inom, Ala awi wurik tungga'nggi arum waka ineebe kenagan inom, piginake,

2 Mbinineegwaarak 15:16

At Ata owogolo Maaka nen ogole warak mendek kugigwe Atitoret ageyo arelen ogobakkigirogo mippereegerak paga, owogolo aret kagak, “Kat kwe nggwok logorak lek o,” yinuk, eyo arelen yinik nogo mbanogo punuk, kalenak-pugunik eerogo niyo Kiriron aa'nggi paga time kani nigabeegerak.

2 Mbinineegwaarak 33:3

Eeke logonet, at ogoba Kitikiya nen puut-puut paga inagugi inake eeko menggam lek eerogo pereegerak nogo, obaane'me ogobakkigirogo pit nage, kugi Mba'an ake warogo wogorogo logorak ogobakkigirogo pit nage, kugigwe Atiyera ageyo arelen mippit nage, yigin abigan abok aret inabu'me tebe yinuk, laaluguragan inalut eeke,

2 Mbinineegwaarak 33:7

At Aliku ALA nen Ndawut aput Talomo imbirak yorage logonet, “It aakumi Iterali inanebunu lombok inawi kota-kota iigak, an o leenogo pereegim o Yerutalem nawi wurik yime mban nendage mondok-mondok ki logogin me, it aakumi Iterali nen eeko logorak wone inom, wone lengganak inom, Yogop ee'nu ndogop ee'nu, wone inom, an yoragagirak nayeloman Muta nen liiru mbanogo wogoragagerak nogo, porogo logonet, liirogon eerit nogwe iinok, it inombomini logowam inanggween wogoragagim nogome nen ya agak nda agak nugu logowak nduk, eeppiyaagin lek o,” yinuk, yoragagerak kagak kwe, at Manate nen kugigwe Atiyera ageyo arelen ogobakkigirogo pereegerak nogo wonok, Aliku ALA awi wurik me yinogo pi unggwagagerak.

Yetaya 27:9

It Yakup paga wiganak maluk eeko nogogwaarak paga Ala anini mbake nogo nini tayo ari, Ndi, inomaluk abet aret mbo pugwi iinok, anggen abe yi'nage menggi kwak yelok kogwe, Eeriyak nogo ti, Inagugi alut eeko menggam yugum paga ogobakkigirik nogo kwi yigirogo pogo mengga kwak yigirogo pugwi, Inagugigwe Atiyera ageyo arelen yinik nogo mbanogo pugwi, Obari abe kaga kani kunggo menggam ogobakkigirik nogo yigirogo pugwi, Eeriyak nogo ti aret.

Yeremiya 52:24

Aap endagembogut eebe wonok nega Nebutararan nogo nen aap Ala unde inowe Teraya inom, awot abu'me mendek Tepaniya inom, Ala awi wurik tungga arum waka ineebe kenagan inom, piginake,

Yeremiya 7:9

It nen kote kiraakwi, aap inookwi, mbabi eekwi, pilit kagak, Abet aret o, yinuk, kumbuk mbanggwi, kugi Mba'an ake obari abe kaga kani kunggwi, an inogoba Ala aret kwe, it ineenggo'lek alik mendek kagak mugurok nogwe, eeko logonet,

Yetikiyen 8:6

Kage mbareegi, at nen an yo'nege logonet, “Aakumi nen ndarak yi wae. It Iterali mendek nen abu maluk ogole warak mendek eekwi paga an nawi wurik alik leenak me nen mbo puurak eeke yi, kenegen kage agandik ilik? Kenegen kage ti, ogole warak iya negen kwe, maluk ogole warak mondok iya lombok eekaarak ambi wonage kaamunggun o.”

Oteya 4:15

It Iterali ti, kumi ya wuginakak kwak eerit nugwi kwe, it Yekura perak, togop eerugwaarik o. It o Nggiligan paga kugi alut eerit nogwe, O Mbet-Awen lagi nogwe, An neenik minggirak Naliku ALA nendage kumbunuk, kumbuk mbanggwi, Eerugwaarik o.

Amot 4:4

“It nen o Mbeten nogo logomenggaarik, maluk lombok eekwi, O Nggilagan nogo logomenggaarik, maluk iya lombok eerit nugwi, Ko'lu-kii'me o kubondendok nen nake warogo wo'niriyak nogo wonok wogo logomenggaarik, Nogo mbere yinuk, yi mendek ndi mendek ambi yendenogo nake pugu nogo wonok niri wogwe,

Tepaniya 1:4

“It aakumi Yekura menggaarak inom, it Yerutalem menggaarak abok aret inom, an neenggi omaawi paga yigirogo piyaagin o. It kugi Mbaan ayuk wuko menggaarak ando pugu nogo nen Inawi kirin ndoonak paga lagi nanuk, laaluguragan inom, tut inom, oonegen inom, ayuk wukwi, Aliku ALA mugurok nogo logowok o, yinuk, Naliku ALA nendage kumbunuk nalut eeko logonet kwe, Inagugi Milokon endage kumbunuk ayuk wukwi, Eeko logonet kwe, Naliku ALA kunduk, nendage kumbunuk nalut eekwi, Naliku ALA an mu'neren nogo nogogwaarak kwe, mbo paninuk nomo agan nogwe, Ala ngge o? yinuk, kwaa'naka'lek mbo panugwi, Ala ari ngge o? yinuk, kin wo'naka'lek wonogwe, Eeko menggaarak kugi Mbaan unde ineebe abok aret Inenggaawak lek eerogo piige neenok, inendage lek aret arugun o.

Matiyut 26:3

Yorage kagak, it Ala unde inoweewi inom, aakumi inogobamini inom, aap Ala unde inowe nggwok endage Kayapat awoore'nggam time kuwak eeko nogogwaarik,

Matiyut 27:1

O weege mbareegi, it Ala unde inoweewi abok inom, it aakumi inogobamini inom, Yetut wari yak wone amburu mbambunuk,

Yaya 18:1

At Yetut nogo tamban eeke nagagerik, at oone waganggwi mendek inom niyo Kiriron enebaga wunda nogo nogogwaarik, time eyo tayitun yarak me unggwi nogogwaarak.

Owak Loongga 2:13

At Aliku inogoba Ala mbo punuk, aakumi ti mendek inagugi Mba'an inom, Atitoret inom, mugurok nogo mbareegwa,