2 Endagembogut 22:9 - Ala Wone Peenok Peebi Mbanak

⁹ Pekkage nagagerik, iyokan aap endagembogut wonage me wage nagagerik, eereegerak wone nogo mbininogo yoge logonet, “Aliku ALA awi wurik me wu wonage nogo, kayeloman mini nen woppunuk, it Ala awi ogobakkigikwi inarum menggaarak nogo wogoragaarak o.”

2 Endagembogut 22:9 ပူးပေါင်းရင်းမြစ်များ

2 Endagembogut 18:18

aap endagembogut nogo wiiga'mban eeko mbareegwa, aap endagembogut awi o nggwok abe wurik inarum waka inowe Kilikiya aput Eliyakim inom, o abok inake liiru mbangga Tebana inom, aap endagembogut ake liiru mbangga Atap aput Yowa inom, it aap nogo pegiya wundi nogo mbareegwa,

2 Endagembogut 22:10

Ari nagagerik, ambinom yoge logonet, “Ndi, aap Ala unde Kilikiya nen mbuku yi, an wo'negerak o,” ari nagagerik, aap endagembogut nogo enggaanom paga mbinineegerak.

2 Endagembogut 22:12

Ayum nibinogo pake nagagerik, Ala unde Kilikiya inom, at Tapan aput Akikam inom, Mika aput Akobot inom, ake liiru mbangga Tapan inom, ndi, at eebe wonok nega Ataya inom, yorage logonet,

2 Endagembogut 22:3

At Yotiya endagembogut a'nuk, wone lengganogo yorage kagak, tahun 17 eeppunuk, ambi age paga aap endagembogut Yotiya nogo nen at ake liiru mbangga aap Metulam ombooluk Ataliya aput Tapan nogo, Aliku ALA awi wurik me nappege logonet,

2 Endagembogut 22:8

Nappereegerak yori nagagerak nogo, at Ala unde inowe Kilikiya eeke nagagerik, aap endagembogut ake liiru mbangga Tapan nogo yoge logonet, “Aliku ALA nen eeko logorak yereegerak mbuku paga liiru mbanak at awi wurik me kwaakkagarak o,” yo'nuk, aap Tapan wogoge mbareegi, pekkagagerak.

2 Endagembogut 25:22

Ti abu aret eeppunuk, it Mbaben inowe endagembogut Nebukanetat nogo nen it aakumi o Yekura yumbunogo piinok nagagerak nogo, inarum logowak nduk, aap Tapan ombooluk Akikam aput Nggeraliya mippereegerak.

Yeremiya 26:24

Togop kwe, aap Tapan aput Akikam nogo nen aap Yeremiya ari ti, op negen mbake me, aakumi nen waruwak nduk, wogoroolik ili eerogo pereegerak.

Yeremiya 29:3

Liiru mbambunuk, at aap Yekura inowe endagembogut Terekiya nogo nen aap Tapan aput Elata inom, Kilikiya aput Nggemariya inom, aap endagembogut Nebukanetat o Mbaben wonage me, wone wonok nappiyareegerak nogwe me, liiru mbanak ti, inom wonok nawak nduk wogoragagerak. Liiru eebe mbanak nogo yi o.

Yeremiya 39:14

aap endagembogut awi wurik arum waka inawoore'nggam wonage me time nen piinogo wumbuwak nduk, yorogogwaarak piinogo punuk, aap Tapan ombooluk Akikam aput Nggeraliya nen at Yeremiya ame lombok pi nawak nduk, wogori wogogwaarak at nen wonok ame pi nage mbareegi, owe-awot inenggela'me ugun aret wonagagerak.

Yeremiya 40:11

Ndi, it aakumi Iterali mendek abok aret o Mowap inom, o Amon inom, o Erom inom, yi o ndi o ando alik me abok aret inom, inenggela'me wonogwe nogo nen yogo logonet, “Aap Mbaben inowe endagembogut nen aakumi eegu o Yekura mbo piinok nage, ndi, aap Tapan ombooluk Akikam aput Nggeraliya nogo nen inarum logowak nduk mippege, eereegerak o,” yinuk, yogwe nogo inaruk konembunuk,

Yeremiya 41:2

Netaniya aput Itimayen aap ineebe 10 nogo inom mi'na'nuk, aap Mbaben mendek inowe endagembogut nen o Yekura unde logowak nduk mippereegerak aap Tapan ombooluk Akikam aput Nggeraliya nogo, wooluwak paga mondok aret warogo pereegwaarak.

Yetikiyen 8:11

Ogut eerak wonage nogo eraaninu aap Iterali mendek inoweewi ineebe 70 mi'ndak wonogwe, ndi, aap Tapan aput Yaataniya it inenggela'me mi'ndak wonage, eerak logonet, it inalitik-inalitak obari abe kaga kani anggen ndoongga ineenggime porogo wonogwe iigak, obari abe kaga nogo kani ndoonak nogo paga nen ka'luk lagangge kagagirak.