2 Endagembogut 22:8 - Ala Wone Peenok Peebi Mbanak

⁸ Nappereegerak yori nagagerak nogo, at Ala unde inowe Kilikiya eeke nagagerik, aap endagembogut ake liiru mbangga Tapan nogo yoge logonet, “Aliku ALA nen eeko logorak yereegerak mbuku paga liiru mbanak at awi wurik me kwaakkagarak o,” yo'nuk, aap Tapan wogoge mbareegi, pekkagagerak.

2 Endagembogut 22:8 ပူးပေါင်းရင်းမြစ်များ

2 Endagembogut 22:9

Pekkage nagagerik, iyokan aap endagembogut wonage me wage nagagerik, eereegerak wone nogo mbininogo yoge logonet, “Aliku ALA awi wurik me wu wonage nogo, kayeloman mini nen woppunuk, it Ala awi ogobakkigikwi inarum menggaarak nogo wogoragaarak o.”

2 Endagembogut 23:2

it Yekura inoweewi inom, o Yerutalem mendek inoweewi inom, it aap Ala unde inom, Ala nen yorage kagak yoraga inom, inendage lek inendage warak abok aret at inom Aliku ALA awi wurik me nogo nogogwaarik, aap endagembogut nogo o eyak oolo yinik me mi'na'nuk, Ala inom wone nggaruk togon koonogo pereegerak mbuku Aliku ALA awi wurik me kwaakkogogwaarak liiru mbanak nogo, it abok inaruk iigak, mbinineegerak. Mbiningge nagagerik, ari logonet, “At Aliku ALA nen, Yogop ee'nu ndogop ee'nu, yereegerak wone inom, eeko logorak wone yugu inom, wone lengganak inom, Iterali inom wone koonogo pugu mbuku paga liiru mbanak yi, neebe-niniki abok aret Ala wogo'nuk, mondok eeke logokit o,” yinuk, Aliku ALA enggaanom paga taati abuk nggaruk togon ari mbareegi, it aakumi abok aret, “Nit togon, wone ti, ninom aret eeko logowok o,” yinuk, yereegwaarak.

2 Endagembogut 23:24

Ala nen eeko logorak wone yugu mbuku paga liiru mbanak aap Ala unde Kilikiya nen Aliku ALA awi wurik me kwaakkagagerak paga wonage nogo, a'me nggelok yuwak nduk, it aakumi inogoma wiiraga inom, kambeegwaarak kin aruwak nduk eeppiiga inom, lek eerogo piige, kugi oome mendek inogut eerak inom, kugiwak inom, it aakumi o Yerutalem mendek kunduk, Yekura mendek kunduk, nen ogole warak ti mendek ayuk wuko nogogwaarak abok aret lek eerogo mbo pege, eereegerak.