2 Endagembogut 22:5 - Ala Wone Peenok Peebi Mbanak

⁵ Ndi, Wu eebe ndogop wonage o, yinuk, it aap Ala awi wurik ogobakkigikwi inarum wonogwe nogo wogorage kenok, it nen aap Aliku ALA awi ogobakkigikwi

2 Endagembogut 22:5 ပူးပေါင်းရင်းမြစ်များ

2 Endagembogut 12:5

it aap wu porogo menggaarak nogo nen kit Ala unde kinalitak wokkirogwe iinok, liirogon waganggo logomonggotik, Ala awi wurik ambi maluk aremenggerak wonage kenok, wu ti paga ogobakkigiko logomunggup o,” yinuk, yoragagerak.

2 Endagembogut 22:6

o wuka inom, wurik eyo paga ogobakkigika inom, yugum paga wuka inom, it nogo yabu eekwi onggo wogorogo logonet, wu eegu paga Ala awi wurik maluk agaarak ogobakkigiruwak nduk, eyo inom, yugum ogobakkigirik inom, kunuwak nduk, wogorogwe,

2 Mbinineegwaarak 24:27

At Yowat apuri eerit nogo nogogwaarak inom, aap Yowat nen, “Ndogop eerigin o,” yinuk, it Ala nen yorage kagak yoraga nen yogo nogogwaarak inom, at Yowat nen Ala awi ogobakkigirogo pereegerak wone inom, aap inendagembogut nen eeko nogogwaarak liiru mbanak nogo, inom mbanak wonage o. Ndi, at obaane'me aput Amatiya endagembogut agagerak.

2 Mbinineegwaarak 24:7

Kwe abu maluk mendek Ataliya aagalogwe nen Ala awi wurik me tu minogo punuk, unggwi nogo nogogwaarik, yi mendek ndi mendek abu alik Ala ake leenak time wonage nogo wonok, inagugi Mba'an ake eekak pi nogogwaarak me, o maluk eerogo pereegwaarak nogo, ogobakkigiriyak wu lek kenok, yoreegerak.

2 Mbinineegwaarak 34:10

Wogogo mbareegwa, it aap Aliku ALA awi wurik ogobakkigikwi iigak, inarum logorak mippiyareegerak nogo wogorogogwaarak. Wogorogo mbareegwa, it nogo nen it aap Aliku ALA awi ogobakkigikwi, obeelom eerogo pugwi, eekwi nogo onggo wogorogwe,

Etara 3:7

Ti eeko nogogwaarik, at aap Peritiya mendek inowe endagembogut Koret nen eeriyak yoragagerak nogo ndak-ndak, it aap o yugum paga wuka inom, eyo paga wuka inom, wu wogorogwe, ndi, it aakumi o Tiron mendek inom, Tirut mendek inom, eyo nggabina o Libanon nen wonok niyo laut paga o Yapo pi woraawak nduk, mbi eege, niyo eege, wam amburu toolak eege, wogorogwe, eereegwaarak.