2 Endagembogut 22:20 - Ala Wone Peenok Peebi Mbanak

²⁰ an o yi maluk eerogo puurak nogo, at kagak eerigin lek o. Ata, o yi abolok lek obeelom wonage kagak, ombomini kambunuk nogogwam nggwogoba wonogwe me, inom logowak nduk, nappigin, yegerak o, yinuk, yori nanip o,” yoragagerak. Yorage mbareegi, it nogogwaarak nogo wone yoragagerak wonok aap endagembogut yori wogogwaarak.

2 Endagembogut 22:20 ပူးပေါင်းရင်းမြစ်များ

Wakkagagerak 25:8

abu anggok a'nuk kenen mbanogo li a'nuk aret kambeegerak. Kangge nagagerik, ombomini kambunuk nogogwam nggwogoba wonogwe me nogome aret iya nagagerak.

2 Endagembogut 20:19

Yoge mbareegi, at Kitikiya nen Yetaya nogo yoge, “At Aliku ALA nen yokkege kagak, yagandak nogo ti, op aret yagandak o,” yinuk, yoreegerak kwe, iniki nen mbake logonet perak, “An kangga'lek neenik awo wonage neegak, o an unde minggim mondok abolok lek obeelom aret logogin kagi,” mbareegerak.

1 Mbinineegwaarak 17:11

Ndi, at perak, nda'nagagerak eyom abu aret panggoni wage kenok, ombomini kambunuk nogogwam nggwogoba wonogwe me, inom ari nage kagak, an nen at lombok apuluk ndaremenggerak nogo, obaane'me mippege logominggirik, apuluk abu'me piige logowam mondok-mondok logowak nduk, eeppigin o.

2 Mbinineegwaarak 34:28

an o yi maluk eerogo pege, it aakumi yime menggaarak nogo aaninggin inoba kwippiige, eeke nogo, at wonage kagak eerigin lek me, enegen kaagin lek o. Ata, o yi abolok lek obeelom wonage kagak, ombomini kambunuk nogogwam nggwogoba wonogwe me, inom logowak nduk, nappigin, yegerak o, yinuk, yori nanip o,” yoragagerak. Yorage mbareegi, it nogogwaarak nogo wone yoragagerak wonok aap endagembogut yori wogogwaarak.

Ndawi 37:37

It aap mage mili mbangga nogo Inapuri ambik wigannarit wundi wogo menggaarak me, It aap maluk inoba lenggenggulik nogo liippiigwi, It aap iniki koonak nogo maloppiigwi, Eeko logonip o.

Yeremiya 22:10

Kit aap Yekura mendek yi wae. At Aliku ALA nen ari logonet, “Aap ogoba obaane'me o Yekura inowe endagembogut logowak nduk, mippereegwaarak kwe, o yi mbo punuk, wonok pi nogogwaarak Yotiya aput Talum eeriyak nogo ti, at iyokan wage, o yi enegen ambinom kage, eerigin lek keele maarogo pi nawam time aret kambigin,” yegerak me, Aap endagembogut kanggerak ti, ale yogwe, Ninowe endagembogut nogo kanggi o, yinuk, tabun ndoombunuk, aleenggu maakwi, Eerugwaarik o. Ata, at aput keele maa'nuk namenggaarak nogo time nen iyokan wage, Ndi, at awi alom paga enegen kage, Eerigin lek me, Kiniki wakkologo logonet, ale yogo logomunggup o, yinuk, yokkiragi o.

Pelaareegerak 31:16

Muta yoge logonet, “Kat kombomini kambunuk nogogwam nggwogoba wonogwe me, kinom tat yonggonggolage logonok nduk, namunggun me, kwe ambi ogonggelo mbo punuk, aap alik kwaarit nege menggi kwak, it aakumi yi, an mbo panugo logonet, ninom wone abuk nggaruk togon koonogo pereegurak nogo taganogo punuk, o it logowam time an nalut eekwi nobaane'me aakumi time wonogwe inagugi ayuk wuko logonet, eerit nogo logogun o.