2 Endagembogut 22:11 - Ala Wone Peenok Peebi Mbanak

¹¹ Aap endagembogut ake liiru mbangga Tapan nen wone eeko logorak Ala yereegerak mbuku paga liiru mbanak mbinineegerak nogo, aap endagembogut aruk konengge nagagerik, ayum nibinogo pateegerak.

2 Endagembogut 22:11 ပူးပေါင်းရင်းမြစ်များ

Wakkagagerak 37:34

Ari nagagerik, ambogoyum nogo abu nibinik-ndelenak eerogo pake nagagerik, mbogoyum maluk nibinik mendek yippunuk, erabun ndoombunuk, ale ari nagagerak.

2 Endagembogut 22:10

Ari nagagerik, ambinom yoge logonet, “Ndi, aap Ala unde Kilikiya nen mbuku yi, an wo'negerak o,” ari nagagerik, aap endagembogut nogo enggaanom paga mbinineegerak.

2 Mbinineegwaarak 34:19

Aap endagembogut ake liiru mbangga nen eeko logorak Ala yereegerak mbuku paga liiru mbanak mbinineegerak nogo, aap endagembogut aruk konengge nagagerik, ayum nibinogo pateegerak.

Ndawi 119:120

Kat keebe paga nagabiti nen naganak wake, Eekaatak ndak-ndak eeppiigo logorak koone yugu nogo paga Nagabiti nen neenggi neyak tikkolage, Eeke minggirak o.

Yetaya 66:2

Yi mendek ndi mendek ogobakkigirik yi, an nen mban ogobakkigireegirak me, Aret wonage menggerak nogo lek a?” yinuk, Aliku ALA nen yegerak o. “It aap iniki tebenak wonogwe, Maluk eekirak, ao, mbakwi, noone ari neenok inaganak wake, Eekwi iinok, An liippiige minggirak kwe,

Yeremiya 36:16

Wone luneegerak nogo abok aret inaruk konembunuk, inaganak ngginuk ari logonet, inigen pet-pet yinuk, Mbaruk nogo yogo logonet, “Wone yagandak abok aret ti, wonok aap endagembogut yori nawok o.”

Yeremiya 36:24

At aap endagembogut inom, awuri at ake eeka inom, wone ti abok aret inaruk koneneegwaarak kwe, “Wone yi, iya lombok, kogo o,” yinuk, inagabiti mbakwi, inayum iluk ambi nibinogo pakwi, eerulik aret.

Yowen 2:13

Togop me, kinambogoyum nibinogo patiyak ti mage o. Ata, kiniki wakkologo logonip o. At Ala ti, oone yanggorogon yo'nirage, ninabuwa mbake, Iniki aan aganggenggwi lek liippunuk eeppinanege, Iniki kunik lombok ee'ninabit unggwage, Eekwi onggo aaninggin ninoba pinanege logonet, Yi eeppigi ao, yinuk, mbake, Eeke menggerak me, At ena koonogo pekkiige logomenggerik, kinabuwa nen ale'nggen nggwok lombok kinoba pinagage logonet, Gandum anggen yigirik ake puurak inom, anggur amburu ake kiliriyak inom, Kinogoba Aliku Ala nen wokkirage kagak eerukwak, Kinomaluk mbo punuk, kiniyokan yungguninuk kinogoba Aliku Ala owagam wa'nip o.

Amot 2:4

Aliku ALA nen ari logonet, “It aakumi o Yekura menggaarak nogo ti, ne kenagan mban maluk eerulik ne ambi inom eekak mban eeko nogogwaarak me, An nanini eeppiyoorak koonak wonage nogo, teppiyaagin lek eeppiyaagin aret o. It Yekura mendek nogo Naliku an ALA nen eeko logorak wone yorage nagagirak nogo, taganogo mbo pugwi, An wone lengganogo yorage nagagirak nogo, pipporogo wonaga'lek tayoppugwi, Eeko logonet, It inombomini inagugi abe mendek lek, pilit kagak ayuk wuko nogogwaarak nogo aret mugurok nogo logonet, Nomo agan nogo nogogwaarak me,

Yotuwa 7:6

Inoori wogo mbareegwa, at Yotuwa inom, it aakumi Iterali inoweewi inom, nogo nen inayum nibinik-ndelenak eerogo pakwi, wun waganogo inanobak paga yumbunogo pakwi, eeko nogogwaarik, Aliku ALA aloobut mbanak enaame taati inetenggen wanduk ngginnogogwaarak wonogwe iigak, o aret kiip agagerak.