2 Endagembogut 22:1 - Ala Wone Peenok Peebi Mbanak

¹ At Yotiya nogo ndarak kagak tahun 8 paga endagembogut a'nuk, o Yerutalem logonet, wone lengganogo yorage kagak tahun 31 eereegerak. At agalo ti, awi Mbotikat mendek aap Araya aput kwe Yerira aret.

2 Endagembogut 22:1 ပူးပေါင်းရင်းမြစ်များ

1 Endagembogut 13:2

Nage nagagerik, Aliku ALA yoge kagak oone nggwok paga kani kunggak ogobakkigirik nogo, wone yoge logonet, “Kat kani kunggak yi wae. Kat kani kunggak yi wae. At Aliku ALA nen ari logonet, At Ndawut paga wiganak nen ombooluk wulaga endage Yotiya aret ndarigin o. Ndake kenok, it aap puut-puut alut eeko menggam unde wonogwe nen kat paga warogo kani kunggo menggaarak nogo, at nogo nen ineebe inoorogo kat paga kani kuninake, aakumi kambak inowak nenenak kunduk, kat paga mban kani kungge, eerigin o,” yinuk, yoreegerak.

2 Endagembogut 11:21

Ndi, at Yowat nogo ndarak kagak tahun 7 eeppunuk, Yekura inowe endagembogut a'nuk, wone lengganogo yorage nagagerak.

2 Endagembogut 21:1

At Manate ndarak kagak, tahun 12 age paga aap endagembogut a'nuk, o Yerutalem logonet, wone lengganogo yorage kagak, tahun 55 eereegerak. Ndi, at agalo endage Kepitibak aret.

2 Endagembogut 21:24

it aakumi o time menggaarak nen pilak yogo logonet, aap endagembogut Amon wariyak wone mbaneegwaarak nogo abok aret inoorogo piinok, obaane'me at aput Yotiya nogo inowe endagembogut logowak nduk, mippereegwaarak.

2 Endagembogut 21:26

Ndi, at Amon nogo, aap Uta eyabume Amon kabunogo pateegim nogome eebe taambogo mbareegwa, obaane'me at aput Yotiya nogo aret endagembogut agagerak.

Ndawi 8:2

Elege awo ngget ndarak inom, Elege awo inelak nunggwi inom, Nen kendage tiyappagagwi paga It tebenogo pagarak kinom wim mbanak inom, Iniki mabin lumbunuk wonogwe inom, Inoone lek aruwak nduk koonogo piige, Eereegindak o.

Wone Alom Kibingga 10:16

Kat o yi wae. Kat kowe endagembogut ti, it aakumi ugun inaput wonage, It karum menggaarak nagawan-nagawan nen kubondendok kagak laago lappunuk, nunggo logonet, ugun-ugun eekwi, Eekwi iinok, kat kabuwa o!

Yetaya 3:4

Inapuri wologwe nen inarum logowak nduk mippiige, Elege-aabologwe nen wone lengganogo yorogo logowak nduk, eeppiige, Eerigin o.

Yeremiya 1:2

At Amon aput Yotiya nogo it Yekura inowe endagembogut logonet wone lengganogo yorage kagak tahun 12 eeppunuk, ambi age paga Aliku ALA nen Yeremiya wone yogak mban eeke,

Yetikiyen 18:14

Togop aret kwe, aap apuluk ti nogo nen at ndaremenggerak nogo nen ogoba maluk ambik eerit nage nogo enegen kamenggerak kwe, Nogoba eeke ti, an eerigin lek o, yinuk, mbo pege logomenggerik,

Tepaniya 1:1

Kitikiya nen Amatiya ndake, Amatiya nen Nggeraliya ndake, Nggeraliya nen Kutiya ndake, Kutiya nen Tepaniya ndake, eereegwaarak me, at aap Amon aput Yotiya nogo aakumi Yekura inowe endagembogut a'nuk, wone lengganogo yorage kagak, Aliku ALA nen Kutiya aput Tepaniya wone yoreegerak nogo yi aret.

Matiyut 1:10

Kitikiya nen Manate ndake, Manate nen Amon ndake, Amon nen Yotiya ndake,

Yotuwa 15:39

Lakit, Mbotakat, Egolon,