2 Endagembogut 21:9 - Ala Wone Peenok Peebi Mbanak

⁹ Pi unggwagagerak ti paga aakumi iniki nomonogo piige mbareegi, at Aliku ALA aa'nduk a'nuk, yi aakumi ndi aakumi Kanan mendek lek eerogo piyareegerak nen maluk eeko nogogwaarak nogo ti, nggwok aret eeko nogogwaarak kwe, it Iterali Ala wone inaruk konengga'lek mbo punuk, maluk eeko nogogwaarak nogo perak, nggwok lombok aret eeko nogogwaarak.

2 Endagembogut 21:9 ပူးပေါင်းရင်းမြစ်များ

1 Endagembogut 14:16

At Yerobeyam nen maluk eerit nage paga it aakumi Iterali mendek maluk eerit nogwe me, Aliku ALA nen it Iterali mbo piyaagin o,” yinuk, yoreegerak.

2 Endagembogut 16:3

Ata, it Iterali inoweewi inendagembogut wonogo logonet, eeko nogogwaarak pogom eerit nage logonet, at Aliku ALA nen aa'nduk a'nuk, yi aakumi ndi aakumi mugogo wumbiyareegerak ogole warak eeko nogogwaarak nogo ndak-ndak, at aput aret inagugi inake kani kuneegerak.

2 Endagembogut 21:10

Togop eeko mbareegwa, at Aliku ALA nen at oone yorage kagak yoraga ayeloman mini nogo yorage logonet,

2 Mbinineegwaarak 33:9

Aliku ALA aa'nduk a'nuk yi aakumi ndi aakumi Kanan mendek lek eerogo piyareegerak nen maluk eeko nogogwaarak nogo ti, nggwok aret eeko nogogwaarak kwe, at Manate nen Ala mbo punuk, nomo agan nage nagagerak paga it Yekura mendek eege, it Yerutalem mendek eege, maluk eeko nogogwaarak nogo perak, abunuk nggwok lombok aret eeko nogogwaarak.

2 Mbinineegwaarak 36:16

at nappiya wagagerak nogo miyuk-meya eerogo piigwi, “Ala wone ti, abe lek o,” yinuk, meek mbakwi, Ala wone yoraga nogo inagi'ndok kanggwi, eekwi paga Aliku ALA anini mi'nage logonet, “Aaninggin mondok alik negen inoba piyaakit o,” yinuk, nggaruk togon koonogo pereegerak me, it mbo noorak mondok meek aret agagerak.

Nekemiya 9:26

Kat togop aret eeppiige keegak kwe, inogogumbuk a'nuk, koone yorage nogo, Eeriyak nineebi o, yinuk, eeko logorak wone lengganogo yorage nagagindak nogo inambokan mbo punuk, it yungguninuk kowagam woraawak nduk, koone yoraga nen yorogo nogogwaarak nogo inookwi, ndi, kat meek eerogo pagarak meek aret kwe, mondok iya tit miyuk-meya eerogo pagagwi, eeko mbareegwa,

Ndawi 81:10

O Metit nen wokkiren wundi wagagirak Naliku kinogoba Ala an aret o. An aret me, towe oo'nu inambe a aago wonogwe me Inagalo kumunuk mbanogo inambeme piya wage menggi kwak, An togop aret eeppinagage logorak mbakirak kwe,

Kini Wuppiige 29:12

Aap aakumi inarum menggerak nen inoone pilit agan nugwi nogo liippege kenok, awuri inom eeko menggaarak abok aret ineraambe maluk ogo menggaarak.

Yetikiyen 11:12

Naliku ALA an aret ineenu arugun o. An nen wone lengganogo yorage nogo mugurok nogwe, ndi, eeko logorak noone yugu nogo porogo wonogwe, eeka'lek yi aakumi ndi aakumi inaagan-ambokan wonogwe eeko menggaarak nogo mugurok nogwe me nduk, eeppiyoorak o,” yinuk, yo'nege kagagirak.

Yetikiyen 16:47

It eerit nugwi nogo, at mugurok nage, it maluk ogole warak mendek eekwi nogo at ndak-ndak eeke, eeke nagagerak. It maluk eerit wundi wogo logonet, irip paga maluk nggwok lombok eeko nogogwaarak kwe, at perak, ne ambit maluk mondok iya lombok eereegerak o.

Yetikiyen 22:3

yoge logonet, Aliku Itok Menggerak ALA nen yegerak yoroorak nogo yi aret. Enggela'me aakumi inamiya kilirogo pit nage paga maluk onggo oba kwippake, kugi ogut ogobakkigirogo pit nage paga maluk eerogo pake, eeke o kota ti, abuwa o!

Yetikiyen 5:6

yi aakumi ndi aakumi inom, yi o ndi o wonogwe inom, at eraanu wanggerak wonogwe nogo ti, an noone yugu kunduk, wone lengganogo yorage nagagirak kunduk, Eeko logorak nineebi o, yinuk, mbo pereegwaarak nogo ti, iya negen kwe, at Yerutalem ti, maluk eerit nage logonet, mbo pereegerak ti perak, mondok iya lombok aret o. Noone yugu nogo mbo pege, wone lengganogo yorage nagagirak nogo mugurok naga'lek taganogo pugwi, eereegwaarak o,” yinuk, an yo'nege kagagirak.

Yetikiyen 5:7

Togop me, at Aliku Itok Menggerak ALA nen yegerak nogo yi aret. “Yi aakumi ndi aakumi enaagan-ambokan wonogwe ti, inobaabut maluk negen wonogwe kwe, at Yerutalem ti perak, obaabut abu maluk lombok wonage, an noone lengganogo yoge nogo mugurok naga'lek mbo pege, eeko logorak wone nogo eeka'lek taganogo pege, it yi aakumi ndi aakumi enaagan-ambokan wonogwe nogo nen eeko logorak wone lengganak nogo kunduk, eeka'lek mbo pege, eeke menggerak,” yegerak me, kat o Yerutalem yokkigi o.

Ndaniyen 9:6

It kayeloman mini kat nen yorage keegak yoraga nen kendage kumbunuk it aap ninoweewi inendagembogut inom, ninoweewi nagawan-nagawan inom, ninogobamini inom, aakumi nit ninanebunu mendek abok aret inom, yorogo nogogwaarak nogo nen inoone yo'nirogwe iinok, liirogon konembunuk eerulik, taganogo mbo pogoorak o.

Oteya 5:11

It Eparayim ti, inanobak yugum kwak logonet tu alik we aanom warogo kagak mugurok noorak mbakwi me, Aaninggin inoba kwi'nagagerak mondok tebenak aret wonogo agaarik o.

Lukat 13:34

Ai! Yerutalem, Yerutalem! Ala nen yorage kagak yokkega nogo inooke, aap Ala nen yonggo kowagam nappiya wage menggerak ti, yugum paga toguurit-tagaarit inooke, eeke menggendak me ao! Towe ayam iyagalo nen oo'nuwe a'naabit abu'me tebembiirogo menggi kwak, an nen kat kaagalogwe togop aret kuwak eerogo piyoorak mbake minggirak kwe, kat nen, Neebi o, mbake menggendak me, ao!

Yaya 15:22

An iya wage nagagirik, wone yorage logonetak lek en, it maluk ineenggo'lek ugun aret logonetak kwe, yora wagagirak me, yogondak it maluk eekwi nogo ti, nonggop togon, Nit maluk eeka'lek o, yuurak.

Yakobut 4:17

Ndi, kit obeelom eeko logorak kineenu logonet kwe, eeka'lek kiinok, tirogon maluk aret o.

Wayu 2:20

mbuuluk ambi ninggin eekwi iigirak me, yoraawak nduk, yoriyak, yokkiri o. Kwe Iteben nogo nen, An Ala wone yorage minggirak mendek aret o, yinuk, an nayeloman mini ineebe ambik nomoniren nage logonet, kumi ugun-ugun wurinabit nogwe, ndi, kugi aanggo warak nunggwi, eerit nogo logowak nduk, mamunirage kagak kwe, mberega'lek, Op aret o, yinuk teppugwi iigirak me, abu neebi lombok ee'nake kenok yagi o.

1 Tamuwen 8:19

Yoragagerak kwe, it aakumi nogo nen, at Tamuwen oone ari koneniyak ineebi mbako logonet, “Ti yagandak kwe, lek o. Aap endagembogut ninarum logowak nduk, mippinaniyak aret o.