2 Endagembogut 21:20 - Ala Wone Peenok Peebi Mbanak

²⁰ At ogoba Manate maluk eeke nagagerak ndak-ndak, at Amon nen at Aliku ALA enegen kagak maluk mban eeke nagagerak.

2 Endagembogut 21:20 ပူးပေါင်းရင်းမြစ်များ

Nappiigak 7:51

Kinogogumbuk kiniki omaawi logonet, Ala oone konengga'lek kit aret. Kinombomini Ala oone taganggo nogogwa kwak, Aberiniki oone taganggwi kit aret o.

Matiyut 23:32

Kinombomini ineenggi ando pereegwaarak nogo, kit nen age yobok togon aret eeko logonip o.

2 Endagembogut 21:11

“Aap Manate nogo it Yekura inowe endagembogut aga'lek kagak it aakumi Amori mendek nen maluk eerit wundi wogo nogogwaarak ti, nggwok aret eeko nogogwaarak kwe, at Manate perak, abunuk maluk ogole warak lombok eerit nage logonet, kugiwak ogobakkigirogo punuk, tiyappit nage paga it Yekura mendek kunduk, maluk aret eerit nogo nogogwaarak me,

Linggineegwaarak 32:14

Togop me, kit yi, kinombomini maan maluk eeka awi mbilanak kit aret me, it aakumi maluk eeko menggaarak kinom a'nuk, eekwi paga it aakumi Iterali mendek Aliku ALA anini kani kunik negen ambinom nggwik togon inoba piyaawak mba'nuk yogwe kiigi o.

2 Endagembogut 21:21

Eerit nage logonet, ombomini inogoba Aliku Ala iniki mbake nogo ndak-ndak eeko logolik. Ata, mbo punuk, at ogoba nen maluk eerit nage logonet, kugiwak ogobakkigirogo punuk tiyappit nage nagagerak nogo aret endobanggun yindumbunuk, ayuk wurit nage nagagerak.

2 Endagembogut 23:32

At Yowakat nogo ombomini maluk eeko nogogwaarak kokwak, Aliku ALA enegen kagak maluk mban eeke nagagerak.

2 Endagembogut 23:37

Ndi, at Yoyakim nogo ombomini maluk eeko nogogwaarak ndak-ndak, Aliku ALA enegen kagak maluk mban eeke nagagerak.

2 Endagembogut 24:9

Aap Yoyakin nogo ogoba maluk eeke nagagerak kokwak, Aliku ALA enegen kagak maluk mban eeke nagagerak.

2 Endagembogut 24:19

Aap Yoyakim nogo maluk eeke nagagerak ndak-ndak, at Terekiya nen Aliku ALA enegen kagak maluk eeke nagagerak.