2 Endagembogut 21:18 - Ala Wone Peenok Peebi Mbanak

¹⁸ Ndi, at Manate nogo ombomini kambunuk nogogwam inom yonggonggola nage mbareegi, at awi o nggwok abe wurik oore'nggam aap Uta eyabume nogome eebe nggween taambogo mbareegwa, obaane'me aput Amon endagembogut agagerak.

2 Endagembogut 21:18 ပူးပေါင်းရင်းမြစ်များ

2 Endagembogut 21:19

At Amon nogo ndarak kagak tahun 22 age paga inowe endagembogut age nagagerik, o Yerutalem logonet, wone lengganogo yorage kagak, tahun mbere eereegerak. At agalo ti, awi Yotaba mendek aap Karut apuluk endage Metulemet aret.

2 Endagembogut 21:26

Ndi, at Amon nogo, aap Uta eyabume Amon kabunogo pateegim nogome eebe taambogo mbareegwa, obaane'me at aput Yotiya nogo aret endagembogut agagerak.

1 Mbinineegwaarak 3:14

Manate nen aput Amon ndake, Amon nen aput Yotiya ndake, eereegwaarak.

2 Mbinineegwaarak 21:20

At Yekoram nogo ndarak kagak tahun 31 eeppunuk, ambi age paga endagembogut a'nuk, o Yerutalem logonet, wone lengganogo yorage kagak tahun 8 eereegerak. Eeppunuk, abuwa mbaka'lek iigak, kangge mbareegi, eebe Ndawut agota time pi unggwogogwaarak kwe, it aap inendagembogut piya unggwogo menggam inom tabonogo pi unggulik. Alik me aret pi unggwogogwaarak.

2 Mbinineegwaarak 24:16

Ala enggaanom paga Iterali obeelom eeppiige, Ala awi wurik ogobakkigirogo pege, eerit nage nagagerak me, it aap inendagembogut kanggwi iinok, Ndawut agota piya unggwogo menggam nogome inom tabonogo pi unggwogogwaarak.

2 Mbinineegwaarak 24:25

maale yinik-kunik eerogo punuk, mbaganggwi iigak, at Yowat nen Ala unde Yoyara aput wareegerak paga at inom eeko menggaarak nogo nen wariyak wone mbambunuk, at nogo yege menggim windak wonage me, warogo pereegwaarak. Warogo pereegwaarak kangge mbareegi, Ndawut agota aap inendagembogut piya unggwogo menggam nogome inom pi unggulik. Ata, Ndawut agota alik me pi unggwogogwaarak.

2 Mbinineegwaarak 28:27

Ndi, at Akat nogo ombomini kambunuk nogogwam inom yonggonggola nage mbareegi, o kota Yerutalem it Iterali inoweewi inendagembogut kanggwi iinok, piya unggwogo menggam nogome inom pi unggulik. Ata, o Yerutalem alik me pi unggwogogwaarak. Pi unggwogo mbareegwa, obaane'me aput Kitikiya endagembogut agagerak.

2 Mbinineegwaarak 32:33

At Kitikiya nogo ombomini kambunuk nogogwam inom yonggonggola nage mbareegi, at Ndawut apuri-ombowologwe piya unggwogo nogogwam irimbaga nogome pi unggwogogwaarak. Pi unggwogo nogogwaarik, it Yekura wonogogwaarak inom, Yerutalem wonogogwaarak inom, abok aret abuwa wareegwaarak. Abuwa wako mbareegwa, obaane'me aput Manate endagembogut agagerak.

2 Mbinineegwaarak 33:20

Ndi, aap Manate nogo, ombomini kambunuk nogogwam inom yonggonggola nage mbareegi, at awi o nggwok abe wurik me nogome eebe pi unggwogogwaarak. Pi unggwogo mbareegwa, obaane'me aput Amon endagembogut agagerak.

Yeremiya 1:2

At Amon aput Yotiya nogo it Yekura inowe endagembogut logonet wone lengganogo yorage kagak tahun 12 eeppunuk, ambi age paga Aliku ALA nen Yeremiya wone yogak mban eeke,

Yeremiya 22:19

Ata, nggeewo kanggetak niik eerogo mbo wumbogo mengga kwak, at eebe niik eerogo o Yerutalem tu unggwogo menggam endekem time mbo wumbugun o,” yinuk, yegerak o.

Tepaniya 1:1

Kitikiya nen Amatiya ndake, Amatiya nen Nggeraliya ndake, Nggeraliya nen Kutiya ndake, Kutiya nen Tepaniya ndake, eereegwaarak me, at aap Amon aput Yotiya nogo aakumi Yekura inowe endagembogut a'nuk, wone lengganogo yorage kagak, Aliku ALA nen Kutiya aput Tepaniya wone yoreegerak nogo yi aret.

1 Tamuwen 25:1

At Tamuwen nogo kangge mbareegi, it aakumi Iterali mendek abok aret kuwak eeppunuk, aleenggu maako nogogwaarik, eebe wonok at ame Arama time nggween taambi nogogwaarak. Ndi, at Ndawut nogo o Mawon karume time nagagerak.