2 Endagembogut 21:16 - Ala Wone Peenok Peebi Mbanak

¹⁶ At Manate nogo nen at Aliku ALA enegen kagak, aakumi Yekura mendek maluk eeruwak nduk, eereegerak ti maluk aret eereegerak kwe, aakumi maluk eerulik ugun iigak inoorit nagagerak paga inamiya o Yerutalem ilin-unggut abok endak wareegerak ti perak, maluk lombok aret eereegerak.

2 Endagembogut 21:16 ပူးပေါင်းရင်းမြစ်များ

2 Endagembogut 21:11

“Aap Manate nogo it Yekura inowe endagembogut aga'lek kagak it aakumi Amori mendek nen maluk eerit wundi wogo nogogwaarak ti, nggwok aret eeko nogogwaarak kwe, at Manate perak, abunuk maluk ogole warak lombok eerit nage logonet, kugiwak ogobakkigirogo punuk, tiyappit nage paga it Yekura mendek kunduk, maluk aret eerit nogo nogogwaarak me,

2 Endagembogut 21:2

At Aliku ALA aa'nduk a'nuk, it yi aakumi ndi aakumi Kanan mendek mugogo wumbiyareegerak maluk ogole warak mendek eeko nogogwaarak nogo, at Manate nen Aliku ALA enegen kagak, maluk ti mendek aret eeke nagagerak.

2 Endagembogut 21:7

At Aliku ALA nen Ndawut aput Talomo imbirak yorage logonet, “It aakumi Iterali inanebunu lombok inawi kota-kota iigak, an leenogo pereegim o Yerutalem nawi wurik yime mban nendage mondok-mondok ki logogin me, it aakumi Iterali, Yogop ee'nu ndogop ee'nu, yoragagirak nogo ndak-ndak eekwi, ndi, an wone lengganogo yoragagirak nayeloman Muta nen liiru mbanogo wogoragagerak nogo porogo logonet, liirogon mugurok nogwe, eekwi iinok, it inombomini logowam inanggween wogoragagim nogome nen yagak-ndagak nugu logowak nduk, eeppiyaagin lek o,” yinuk, yoragagerak kagak kwe, at Manate nen kugigwe Atiyera ageyo arelen ogobakkigirogo Aliku ALA awi wurik time pi unggwagagerak.

2 Endagembogut 3:3

at Nebat aput Yerobeyam nen maluk eerit nage nagagerak paga Iterali maluk eeko nogogwaarak nogo, at mbo puulik inom aret eerit nage nagagerak.

2 Mbinineegwaarak 33:9

Aliku ALA aa'nduk a'nuk yi aakumi ndi aakumi Kanan mendek lek eerogo piyareegerak nen maluk eeko nogogwaarak nogo ti, nggwok aret eeko nogogwaarak kwe, at Manate nen Ala mbo punuk, nomo agan nage nagagerak paga it Yekura mendek eege, it Yerutalem mendek eege, maluk eeko nogogwaarak nogo perak, abunuk nggwok lombok aret eeko nogogwaarak.

Wundeegwaarak 32:21

Wogorage nagagerik, Muta nen Karun mberege logonet, “It aakumi yi nen nano eeppagagwi iinok, it maluk nggwok lombok eeruwak nduk, E, yagandak?”

Kini Wuppiige 6:16

Wone alom aa'nduk nen nok, 6 paga Aliku ALA nen eebi mbake, Alom iyaalok nen nok, tujuh paga at ogole lombok mbake, Eeke menggerak nogo yi o.

Kini Wuppiige 6:17

Wogoppatit inigen mbogut paga nugwi, Pilit wone pugunit nugwi, Maluk eeka'lek iigak inooremenggaarak inamiya ineenggi paga wonogwe,

Yeremiya 15:4

Aap Kitikiya aput Manate it Yekura inowe endagembogut a'nuk logonet, o Yerutalem eeke nagagerak paga yi aap ndi aap inendagembogut inabu'me piigo menggam o nggween paga wonogwe yi abok aret, It Iterali inogole o, yinuk, yuwak nduk, eerogo piyaagin me,

Yeremiya 19:4

It nen an mbo paninuk, o yime inogoba an wonage neegak kugi eeko menggam eerogo punuk, inombomini inom, it Yekura inoweewi inendagembogut inom, kugi it ineenggo'lek mendek inake warogo kani kunggwi, it aap maluk eerulik ugun iigak kwe, inamiya kilirik o yime yagabit aruwak nduk, eerogo piigwi,

Yeremiya 2:34

It ineenggilek tebenak mendek nen inoreewi iname tu paa'nuk, kiraari unggwogwe iyoolik kagak Inoreewi inookaarak inamiya an napuri inayum paga lenggenak wonage kogwe kwe,

Yeremiya 32:31

O kota yi, aa'nduk lombok wureegwaarak ne ti eyom paga nen nok, yogondak yi kuli, it aakumi yi, maluk mban eekwi paga nanini mi'naruwak nduk eekwi, nanini kani kunik negen wunduwak nduk eeppanugwi, eerit wundi wogogwaarak me, nenegen iyoorak neebi nen mondok lek eerogo piyaakit mbake agarik o.

Yeremiya 7:6

aap nggiru inenggela'me wonogwe inom, elege moono inom, kumi togwe inom, tebenogo piigo logonet, wi-wi aganaka'lek obeelom mban eeppiigwi, o yime it aap maluk eeka'lek iigak, inamiya wunaka'lek teppiigwi, kugi eerit nugwi paga maluk inoba paka'lek an mban mu'neren wogwe, eekwi iinok,

Yetikiyen 22:2

“Aakumi nen ndarak yi wae. Kat nen o yi maluk onggo eeppuurak mbaken? Kat nen aap inamiya kilirogo piigo menggam o kota yi, owak loonogo omaluk onggo eeppuurak mbaken? Togop eeriyak mbake keenok, at maluk ogole warak mendek eeke nogo, Yogop eeke agandik o, yinuk,

Yetikiyen 22:4

Aakumi inamiya kilirogo pit nagagerak paga maluk aret eeke, agugi ogut ogobakkigirogo pit nagagerak paga eebe ogole warak aret eerogo pake, eereegerak paga at logorak ne nogo koorok panggo pi wage, at logorak yi tahun ndi tahun nogo lek eerogo patit unggwage, eereegerak me, yi aakumi ndi aakumi nen at agi'ndok kanggwi, yi o ndi o wonogwe nen miyuk-meya eerogo pugwi, eeko logowak nduk, eeppiyaagin o.

Yetikiyen 23:45

It kumi ti, inogonggelomini mbo piinok, ugun eerit nugwi, ndi, ineenggi paga aap inamiya wonage, eekwi me, it kumi inogonggelomini mbo piinok, ugun eerit nugwi, aap inoorit nugwi, eekwi iinok, inowak looninako logomenggaarik, Kinomaluk onggo ndogop aret kinoba arigin o, yinuk, yorogo mengga kwak, it aap abu abe iniki koonak nogo nen it oweeluk awuluk imbirak ti, inowak loonogo punuk, maluk onggo eeppiyaagun,” yo'negerak o.

Yetikiyen 9:9

Yoge mbareegi, at nen onggo an yo'nege logonet, “It Iterali mendek inom, Yekura mendek inom, maluk ambik lombok eekwi paga o nggween yi paga aap inamiya mban ndak warogo pege, o kota yi paga eekaarak onggo a'me nggelok eeka'lek yiluk-yiluk inowak loonggwi, eeko logonet, Aliku ALA nen nggween yi abu mbo pegerak o, yogwe, Aliku ALA nen enegen niiga'lek aret agaarik o, yogwe, eekwi me,

Linggineegwaarak 35:33

Ndi, aap eenggi amiya kenok waremenggaarak ti, op aret kwe, aap ambi warulik kagak warugun kenok ti, inawi aret maluk eerogo patemenggaarak nogo lek aruwak nduk, nggami aanggo wakwi kwak wariyak lek me, o it wonogwe me time enete maluk eerogo puurak ti mage o.

Matiyut 27:6

Kangge mbareegi, it Ala unde inoweewi nogo nen wu mbuti perak nogo waganggo nogogwaarik, “Wu yi, aap amiya paga onggo mbanak aret me, Ala ake wu pogo menggam taati puurak mage o, yinuk, liiru mbanak me,

Lukat 13:34

Ai! Yerutalem, Yerutalem! Ala nen yorage kagak yokkega nogo inooke, aap Ala nen yonggo kowagam nappiya wage menggerak ti, yugum paga toguurit-tagaarit inooke, eeke menggendak me ao! Towe ayam iyagalo nen oo'nuwe a'naabit abu'me tebembiirogo menggi kwak, an nen kat kaagalogwe togop aret kuwak eerogo piyoorak mbake minggirak kwe, kat nen, Neebi o, mbake menggendak me, ao!

Iberani 11:37

it ando yugum paga iniki togu eerogo inookwi, ando nggege paga inobate mbanogo piigwi, ando tege wooluwak paga inookwi, ando inayum abu lek kenok, ndomba-kambin inagabolo mbelanogo inayum yirippunuk, mbi abu nugwi iigak, “Aap maluk me,” nduk, inogole yogo logonet, maluk eerogo piigwi, eeko nogogwaarak.