2 Endagembogut 21:1 - Ala Wone Peenok Peebi Mbanak

¹ At Manate ndarak kagak, tahun 12 age paga aap endagembogut a'nuk, o Yerutalem logonet, wone lengganogo yorage kagak, tahun 55 eereegerak. Ndi, at agalo endage Kepitibak aret.

2 Endagembogut 21:1 ပူးပေါင်းရင်းမြစ်များ

2 Endagembogut 20:21

Ndi, at Kitikiya nogo, ombomini kambunuk nogogwam inom yonggonggola nage mbareegi, obaane'me at aput Manate nogo endagembogut agagerak.

1 Mbinineegwaarak 3:13

Yotam nen aput Akat ndake, Akat nen aput Kitikiya ndake, Kitikiya nen aput Manate ndake,

2 Mbinineegwaarak 32:33

At Kitikiya nogo ombomini kambunuk nogogwam inom yonggonggola nage mbareegi, at Ndawut apuri-ombowologwe piya unggwogo nogogwam irimbaga nogome pi unggwogogwaarak. Pi unggwogo nogogwaarik, it Yekura wonogogwaarak inom, Yerutalem wonogogwaarak inom, abok aret abuwa wareegwaarak. Abuwa wako mbareegwa, obaane'me aput Manate endagembogut agagerak.

2 Mbinineegwaarak 33:1

At Manate ndarak kagak, tahun 12 age paga aap endagembogut a'nuk, o Yerutalem logonet, wone lengganogo yorage kagak, tahun 55 eereegerak.

Kini Wuppiige 5:19

Kit kinakuwi ti, Rusa eebe amuni mbanak kwak, kinom abe wonogwe, Rusa kwak kijang amuni mbanak nege kwak kinom nugwi, Eeko logomunggup me, Kinakuwi inelak paga kiniki kwippinagagwi, Kinabuwa lombok kinombakwi paga yilunogo pinagagwi, Eeko logowak o.

Yetaya 62:4

“Kwe mbo pugu o,” yinuk, yokkugwi, O kat wonage menggenom ti, “Kugume o,” yogwe, Eeko logogun lek o. Aliku ALA iniki kunik eekkabigin me, kendage ti, “Ala Imbirak Kunik o,” yokkugwi, Ndi, o kat wonage menggenom ti, ogonggelo negen kolaagin me, “Ogonggelo Warak o,” yinuk, yogwe, Eeko logogun o.

Yeremiya 15:4

Aap Kitikiya aput Manate it Yekura inowe endagembogut a'nuk logonet, o Yerutalem eeke nagagerak paga yi aap ndi aap inendagembogut inabu'me piigo menggam o nggween paga wonogwe yi abok aret, It Iterali inogole o, yinuk, yuwak nduk, eerogo piyaagin me,

Yeremiya 32:34

An nawi wurik nendage kunggo menggam inikime time ogole warak inagugiwak pi unggwogogwaarak paga nawi wurik ti maluk eerogo pugwi,

Matiyut 1:10

Kitikiya nen Manate ndake, Manate nen Amon ndake, Amon nen Yotiya ndake,