2 Endagembogut 20:3 - Ala Wone Peenok Peebi Mbanak

³ “Kaliku nogoba ALA o. An yi, niniki-neebe nggaruk togon wokki'nuk, kenggaanom paga li'lak mban eeke, kenegen keegak obeelom mban eeke, eeke minggirak nogo keenu o,” yinuk, tamban eeke logonet, iniki abu puru yinuk, le yereegerak.

2 Endagembogut 20:3 ပူးပေါင်းရင်းမြစ်များ

Wakkagagerak 17:1

Ti'nuk, at Abaram nogo ndarak kagak tahun 99 eeke nagagerik wonage me, at Aliku ALA nogo at owagam wage nagagerik, yoge logonet, “Nomaawi Lombok Minggirak an Ala aret me, an nenggaanom paga maluk eeka'lek obeelom mban eerit nage logot o.”

Wakkagagerak 5:22

Ndake nagagerik, Ala imbirak mondok kunik logonet, tahun tiga ratus ari nage kagak, apurilogwe ando aap inom, kumi inom, ndaganabeegerak me,

Wakkagagerak 5:24

Ala imbirak mondok kunik logonet, eerit nage mbareegi, Ala nen eenik kagak wonok laganeegerak me, eebe lek aret kogogwaarak.

Wakkagagerak 8:1

At Nu inom, yi mendek ndi mendek inigen mbolok kwi anebunu lombok inom, inigen mbolok lek anebunu lombok inom, abok aret yiiro paga wonogogwaarak nogo at Ala nen kobak eerogo piyoolik aberak aret wonagagerak me, wiya nggwok ambi o nggween paga yime nappi wage mbareegi, niyo nogo poro agan wambeegerak.

1 Endagembogut 11:4

Togop aret eereegerak me, at Talomo abu anggok ari nage kagak, akuwi nogo nen Ala mbo punuk, at Ala obaane'me kugi eerit nawak nduk, iniki nomoninuk nogo mbareegwa, ogoba Ndawut iniki inom, eebe inom, Aliku ogoba Ala panggombunuk, mugurok nage nagagerak ti kokwak, at eeke logolik.

1 Endagembogut 15:14

At Ata nogo puut-puut paga kugi inake warogo wogogo menggam ogobakkigirik ando abok lek eerogo puulik kagak kwe, kangga'lek eenik wonage logonet, iniki mondok Aliku ALA oba panggombunuk, liirogon aret eerit wundi wage nagagerak.

1 Endagembogut 2:4

ndi, at Aliku ALA nen an eeriyak wone abuk nggaruk togon yo'nege logonet, Kat kapuri-kombowologwe nen it eerit nugwi nogo liippunuk, iniki inom, ineebe inom, abok aret noba panggombunuk, wone an yorage nogo ndak-ndak liirogon aret eekwi iinok, it Iterali inoweewi inendagembogut logonet, wone lengganogo yorogo menggam aap alik ambi mi'narigin lek kapuri-kombowologwe mban aret kobaane'me mi'narit wundi wogo logogun o, yinuk, yo'nereegerak nogo a'me nggelok ari, eeke kaamunggun o.

1 Endagembogut 3:6

Yoge mbareegi, at Talomo nen Aliku ALA yoge logonet, “Kayeloman an nogoba Ndawut nogo, kat kenggaanom paga li'lak mban eeke, iniki koonak wonage logonet, abe mban eeke, eeke kenok, at abuwa mba'nuk obeelom eeppit wundi wage logonet, aakumi inowe endagembogut logonet, wone lengganogo yorage nagagim obaane'me yorage logowak nduk, aput wogoreegindak nogo yogondak neebe wonage yi aret o.

1 Endagembogut 8:23

Aliku ALA yoge logonet, “Kaliku Iterali inogoba Ala wae. Mbogut paga inom, nggween paga yime inom, kat Ala kokwak ambi wonage abu lek aret o. It kayeloman mini nen iniki inom, ineebe inom, mondok nggaruk togon kat paga panggombunuk, kenggaanom paga liirogon eerit nogo menggaarak nogo, kiniki kunik aganake logonet, kinom wone koonogo pereegindak nogo mbeyok yukwak, a'me nggelok eeke menggendak me, wa!

1 Endagembogut 8:61

Togop aret me, wone lengganak inom, wone, Yogop ee'nu ndogop ee'nu, yugu inom, Mugurok nogo logowok o, yinuk, kiniki inom, kineebe inom, at Aliku ninogoba Ala mondok nggaruk togon wogo'nuk, yogondak eekwi yi kokwak aret eerit nogo logomunggup o,” yinuk, yoragagerak.

1 Endagembogut 9:4

Togop aret me, kat perak, kogoba Ndawut iniki koonak wonage logonet, an nenggaanom abu obeelom mban eeke nagagerak nogo ndak-ndak, wone, Yogop ee'nu ndogop ee'nu, yokkege nogo abok aret eerit nage, ndi, wone lengganak inom, wone eeko logorak yugu nogo inom, liirogon porogo logonet, mugurok nage, eeke keenok,

2 Endagembogut 20:2

Yoge mbareegi, at Kitikiya nogo nen ena kobat me wunnage nagagerik, Aliku ALA yoge logonet,

2 Endagembogut 20:4

Le ari kagak, at Yetaya nogo Kitikiya teppunuk awoore'nggam nen awo wundikit nduk nage me, Aliku ALA nen at Yetaya yoge logonet,

2 Mbinineegwaarak 16:9

Yi aap ndi aap iniki abet aret Ala oba panggonak wonogwe iyo, omaawi paga yeenggwaaraakit nduk, o nggween paga yime Aliku ALA enegen yomboninabit nage menggerak o. Kat wi negen eekendak me, o yogondak yi kuli nen aakumi kinom wim eeke logomunggun o,” yinuk, yoreegerak.

Nekemiya 13:14

“Ai, nogoba Ala o. Kat nogoba Ala kawi wurik ake inom, inikime nen aakumi inake eeko logorak inom, niniki nabek togon eerit nage nogo, kobak eerogo puurak mage o. Eerit wage neegendak nogo noba aberak aret logot o,” yinuk, tamban eereegirak.

Nekemiya 13:22

Ti'nuk, an nen it aap Lewi mendek yorage logonet, “Nogo 6 yippunuk, ko'lu yonggonggologwe nogo ti, Ala ake alik leenak wonage me, maluk eerogo pukwak, maluk kinoba lenggenak wonage kero, mbeenogo pako logomonggotik, tu unggwit wogo menggam arum warit nogo logonip o,” yinuk, yoragagirak. “Ai, nogoba Ala o. It aakumi inabuwa nggwok lombok mbake menggendak me, an eerit wage yi nogo paga nabuwa mba'nuk, noba aberak aret logot o,” yinuk, tamban eereegirak.

Nekemiya 13:31

Ndi, “O ndi eyom paga kani ira wogo logu o,” yinuk, koonogo piige, yi mendek ndi mendek iyaalok yugu pi wogo logowak nduk, koonogo piige, eereegirak o. “Ai, nogoba Ala o. Nabuwa mba'nuk, noba aberak logot o,” yinuk, tamban eereegirak nogo ti aret. 1

Nekemiya 5:19

“Ai, nogoba Ala o. An nen it aakumi yi, inake abok aret eerogo piigirak me, kat noba abeke logonet kale'nggen noba panege logot o,” yinuk, tamban eereegirak.

Ayup 1:1

Aap ambi endage Ayup o Ut wonagagerak. Aap ti, iniki abu koonak me, aakumi inoone at oba pega'lek aret wonagagerak. At Ala ayuk wuke, maluk kenok, “Neebi o,” yinuk, mbo pege, eeke nagagerak.

Ayup 1:8

Yoge mbareegi, Aliku ALA nen Tile yoge logonet, “An nayeloman Ayup aakumi o nggween paga wonogwe ndak-ndak lek at iniki abu koonak kenok, aakumi inoone at oba pega'lek wonogwe iigak, an Ala nayuk wuke, ndi, Maluk neebi o, yinuk, mbo pege, eeke menggerak nogo liippege agandik ilik, lek a?”

Ayup 16:20

Noreewi nen meek eerogo panugwi iinok, Nali-nale wambit wage logonet Ala yoge neenok, Aakumi wone inoba agaatak me, Inoreewi nen inaana'le mbanggo mengga kwak, An aap aret kwe, nore ti nen Naana'le mbanogo Ala yoge menggerak o.

Ayup 4:6

Kat nen Ala kagabiti mbake ti paga kiniki panggombunuk wonage, Aakumi inoone koba pega'lek ti paga kiniki lunik wonage, Eeke logorak lek mbaken?

Ndawi 102:9

Kat nen an nendage tiyappanege nagandik, Ti'nuk, kanini mondok alik negen noba panege logonet, Mbo panegendak me, Nambi kwak ti, liirubu aret nengge, Nale amburu naniyo inom nenggelak-kenggelak eerogo punuk nengge, Eeke agarik o.

Ndawi 119:26

An eerit wage minggirak nogo abok aret Mbininogo yokkege mbaki, onggo yo'negendak me, Koone lengganak nogo an mamunnake logot o.

Ndawi 119:49

Niniki ambi lunik logokit nduk Wone koonogo pereegindak me, An kayeloman yo'nireegindak nogo aberu o.

Ndawi 145:18

It aakumi nen Aliku ALA yogwi, Iniki ambit eeppunuk inoone nggwok paga yogwi, Eekwi iinok, At mbo piigeelik yeenggwaarage menggerak o.

Ndawi 25:7

An tawe logonet maluk eeke, Wone yugu taganogo pit nage, Eeke nagagirak nogo, Kiniki aberak logorak mage o. Ata, Kaliku ALA obeelom aret me, Aakumi kiniki kunik aganabit wundi wage menggendak ndak-ndak an noba abeke logot o.

Ndawi 26:1

Kaliku ALA wae. An maluk noba lenggenggulik kagak nege, Niniki yungguppegak eekeelik Kaliku ALA koba panggombege, Eeke minggirak me, “Aap yi abe aret kagi,” nombaru o.

Ndawi 32:2

It aap inomaluk mbo pereegwaarak nogo Aliku ALA nen eenggi lingginggeelik kenok, Iniki mbere lek ambit eeppunuk wonogwe iige kenok, Inale'nggen aret mbako logowak o.

Ndawi 39:13

Nenggaawak ambi neyoorak lek Awo mbuuluk naakit nduk aret wonage me, Niniki ale'nggen ne ambiriluk kaakit nen Kena mbuuluk logu yu o,” yinuk, yoreegirak o.

Ndawi 6:6

Niniki wakko'net unggwage paga neebe ndeyak ee'nake, Oonikiya kuli nen an nogo yege minggim nale amburu niyo negen yenggenogo pege, Nanobak anep mbanak nale amburu paga miin eerogo pege, Eeke kagak, O aret weege agaarik o.

Ndawi 6:7

Niniki puru ari logonet, Le ari paga nenegen agap piirogo panege, Ninom wim mbanak wogwe iyo, nenegen wonage neegak, Nenegen yumaak eerogo panege, Eeke agaarik o.

Ndawi 89:47

An neenik wonage ti, Ne ambit liingge lek age nogo abeke logot o. Yi aap ndi aap abok aret We aanom warogo ogobakkigirogo piyareegindak me, ia!

Ndawi 89:50

Nogoba o. Aakumi nen an kayeloman nonggop negen miyuk-meya eerogo panggaarak nogo liippiige, Aakumi inanebunu lombok nen, “Kayik a!” yinuk, Nonggoti eerogo nagi'ndok kanggwi iigak, Noone onggo yaga'lek lambek wonagarak nogo maloppanege,

Yetaya 38:14

Mbake nagarik, Towe yiluwe win-win yogo mengga kwak, Towe yuk iniki oone yogo mengga kwak, an le ari, Towe puume oone narak-nggelenak ari menggi kwak, noone ari, Eeke logonet, Nenegen piirogo panege kagak, nena agi mbogut paga ni'nagarak o. Ni'nage nagarik, Nogoba Ala o. Aaninggin lombok noba agaarak wonage me, yeenggwa niri mok ubi! Yinuk, yogirak o.

Yetaya 63:11

Ti'nuk, aa'nduk togon Aliku ALA ayeloman Muta wonage kagak at apuri eeginabeegerak nogo iniki abeke logonet, Niyo laut yenggenak kagak aap ndomba ndegeninaka aanggumi inom ninombomini wogoren wunda wage, At Aberiniki inom logowak nduk nappi wage,

Yeremiya 4:2

Ndi, Nit a'me nggelok mban eeppiinet nugwi, Obeelom mban eerit nugwi, Pilit lek abet aret eeko logogun o, yinuk, Neenik Minggirak Naliku ALA nendage kunogo kumbuk mbanggwi, Eekwi iinok, It aakumi inanebunu lombok nen, It eekwi ti, nit togop aret eeko logowok o, yinuk, Nale'nggen-kale'nggen yogo logonet, nendage tiyappanogo logogun o,” yinuk, yegerak me yokkiragi o.

Amot 5:4

At Aliku ALA nen kit Iterali paga wiganak mendek yokkiroorak yo'negerak nogo yi aret. “It an mu'neren wogwe iinok, ineenik aret logogun o.

Lukat 1:6

It imbirak ninogoba Ala nen, “Yogop ee'nu, ndogop ee'nu,” yegetak wone inom, lengganinaketak wone inom, alik eerulik mondok ndak-ndak aret eerit nugu nogogwaarak me, Ala nen it iniki mondok abe koonak aret iige nagagerak.

Yaya 1:47

Yoge mbareegi, Yetut nen aap Natanayen at owagam wage enegen kage nagagerik, at abok ari logonet, “Aap Iterali mondok abe oone mbere ariilik yi kaanip o.”

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,