2 Endagembogut 2:8 - Ala Wone Peenok Peebi Mbanak

⁸ Inigen nagiigwi iigak, at Eliya ayum nggorek yirik nogo nggoorogo perembunuk, niyo Yoraran wake mbareegi, niyo nogo mogonogo agi-ogu eerogo pege nagagerik, nggween woloonogo pereegerak paga imbirak wunda nogogwaarak.

2 Endagembogut 2:8 ပူးပေါင်းရင်းမြစ်များ

1 Endagembogut 19:13

Oone yanggik-yanggok agan wage Eliya aruk konembunuk, ayum enete paga nobakkolage nagagerik, ndo ambe paga taa'nogo puk ari wundeegerak wonage me, oone ambi at yoge logonet, “Eliya wae. Kat yime nano eeke agandik?” yoreegerak.

1 Endagembogut 19:19

Yoge mbareegi, aap Eliya time nen wage nagagerik, aap Tapat aput Elita nogo tapi mbere'mbo lambunik ineenggi lingginik 12 me, it ando 11 paga yabu eekwi iigak, at Elita nogo ambi 12 paga eeke me, Eliya owagam wage nagagerik, ayum nggorek nogo nggoorogo Elita oba lenggembereegerak.

2 Endagembogut 2:14

Eliya ayum nggorok togon wambeegerak nogo paga niyo warikit nduk, oone nggwok paga ari logonet, “At Aliku Eliya ogoba Ala nogo ngga agandik?” Ari nagagerik, yum nogo paga niyo wareegerak mogonogo agi-ogu eeke mbareegi, Elita nogo wunda wagagerak.

Wundeegwaarak 14:29

It nogo abok aret niyo ndonggoninabeegerak kwe, Iterali nogo perak, niyo agi-ogu yagat wurik pogom wonage kagak, nggween woloonak paga wunda wogogwaarak.

Yetaya 11:15

At Aliku ALA nen o Metit paga niyo laut ogobak pi nagagim woloonogo pege, Niyo Eparat paga eenggi nappege kenok, o wiya kani kunik negen warit wage logonet, niyo nogo poronogo pege, Eeke kenok, Elaganggen 7 mogonogo pemenggerak paga alobok lek aremenggerak me, aap iniyogut yirik aret wunda wogo logogun o.

Iberani 11:29

Ala nen yoragagerak nogo abet mbako logonet, nggween woloonak paga nugu mengga kwak, Iterali mendek nogo niyo Merah yenggenak paga wunda wogo mbareegwa, it Metit mendek nen togop aret wunda woraawok nduk, eekwi me, niyo ndonggoninabeegerak o.

Iberani 11:37

it ando yugum paga iniki togu eerogo inookwi, ando nggege paga inobate mbanogo piigwi, ando tege wooluwak paga inookwi, ando inayum abu lek kenok, ndomba-kambin inagabolo mbelanogo inayum yirippunuk, mbi abu nugwi iigak, “Aap maluk me,” nduk, inogole yogo logonet, maluk eerogo piigwi, eeko nogogwaarak.

Wayu 16:12

It malayikat ineebe 5 nogo nen Ala anini inarologowa'na togolowak inalitak lombok kilirogo wuppogo mbaka, ambi nen arologowa'na toolak nogo niyo nggwok endage Eparat paga kilirogo wuppege kagarak. Wuppege mbaki, niyo nogo porok yegerak. Niyo porok yegerak ti paga it aap inendagembogut oonegen wundi wage menggim nen woraawak nduk, inaru koonogo piige kagarak.

1 Tamuwen 28:14

Yoge mbareegi, Tawun nen, “Enete nonggop negen kagan?” Yoge mbareegi, kwe nogo nen, “Aap anggok iluk me, ayum nggorek yirik wundi wage kagi o.” Ari mbareegi, at Tawun nen, “Ti Tamuwen aret kagi,” mbake nagagerik, endobanggun yindumbunuk, etenggen wanduk nggween paga ngginnagagerak.