2 Endagembogut 2:23 - Ala Wone Peenok Peebi Mbanak

²³ At Elita nogo o time nen Mbeten wage mbareegi, wologwe-aabologwe inawi kota time menggaarak nen wundi nanuk, inoone nggwok paga Elita miyuk-meya eerogo pogo logonet, “Anobak mbela aago yi, mbet lagi nak. Anobak mbela aago yira, mbet lagi nak.”

2 Endagembogut 2:23 ပူးပေါင်းရင်းမြစ်များ

Wakkagagerak 21:9

Ne ambi paga at Tara nen kwe Agat awi Metit mendek aagaluk Abarakam obaane'me wulaga Itamayen ndareegerak nogo nen at aagaluk wulaga Itak nogo meek eerogo pegak mban eeke enegen kage nagagerik,

2 Endagembogut 2:11

Yoge nagagerik, imbirak wone mban-mban tu paga nogwe me, abera'lek me kani wuninik negen kuda nen nggweendo nikkenok wogo nogogwaarik, Elita ogoorogo punuk, o wiya nombok-kombok eeke kagak, at Eliya nogo aret wonok mbogut paga laganggwi iigak,

2 Endagembogut 2:2

at Eliya nogo nen Elita yoge, “At Aliku ALA nen an o Mbeten nappanegerak nage me, kat ya'i abu logot o.” Yoreegerak kwe, at Elita nen onggo yoge logonet, “An kat mbo pagagin lek nimbirak aret noorak o, yinuk, Aliku ALA inom, kat inom, kimbirak kinenggaanom paga abet aret yokkigi o.” Yoge mbareegi, imbirak o Mbeten nogogwaarak.

2 Endagembogut 2:22

Ari mbareegi, at Elita yereegerak nogo ndak-ndak, niyo nogo obeelom agagerak o yogondak kuli wonage aret.

2 Mbinineegwaarak 36:16

at nappiya wagagerak nogo miyuk-meya eerogo piigwi, “Ala wone ti, abe lek o,” yinuk, meek mbakwi, Ala wone yoraga nogo inagi'ndok kanggwi, eekwi paga Aliku ALA anini mi'nage logonet, “Aaninggin mondok alik negen inoba piyaakit o,” yinuk, nggaruk togon koonogo pereegerak me, it mbo noorak mondok meek aret agagerak.

Ayup 19:18

Mi'na'nuk nage neenok, wologwe nen meek eerogo panugwi, Nagi'ndok kambit nogwe,

Ayup 30:1

Togop eeppiige nagagirak kwe, Yogondak it nen aret nagi'ndok kanggwi, An aa'nduk ndarak neegak kwe, It peebi ndarak nen meek eerogo panugwi, Eeko agaarik o. It inogobamini nogo ti, Naanggumi ndomba inarum menggerak nggeewo nogo Inom inarum logowak nduk piyoorak kwe, Inanggok a'nuk inamiya lek agaarak paga An yeenggwa niriyak inomaawi lek me, Abu meek aret iyareegirak o.

Ndawi 31:17

Kaliku ALA wae. Noone nggwok paga yokkege me, An nenggali arukwak mbo paniyak mage o. Aap maluk eeka perak, inenggali ogwe, Kambunuk nogo menggam nanuk inabolok lek wonogwe, Eeruwak nduk, eeppiyet o.

Ndawi 31:18

It aap ti, iniki wogoppakwi, Aap abe kagak, “Abe lek o,” yinuk, meek eerogo piigwi, Eerit nugu logonet, We ugun pilit-pilit agan nugwi nogo inoone lek eerogo piyet o.

Ndawi 35:15

Aaninggin noba kwi'nage neego nagaatik, “Kayik a,” yinuk, inale'nggen nen kuwak eeri wogwe, An ugun wonage neegak, It aap an tebenogo paniyak nogo nen, “Ndogop eekendak o,” yo'niruwok nduk, An nowagam kuwak ari wogwe, Miyuk-meya eerogo panegak mban eekwi,

Kini Wuppiige 20:11

Wologwe inobaabut abu obeelom koonak ilik, mbakaatak kwe, It eerit nugwi paga inobaabut ineenu ogo menggaarak.

Kini Wuppiige 22:15

Elege-aabologwe iniki koonggwi tabarak wonage nogo ti, aap iniki lek eerit nege menggi kwak aret wonogwe me, Yawi paga inookwi iinok, it koonggwi tabarak wonage nogo nggigik togon wungge menggerak.

Kini Wuppiige 22:6

Aap ambi apuluk tu koonak paga nage logowak nduk aruk wake menggerak kenok, Wulaga ti, anggok a'nuk, tu ti mbo punuk, nomo agan alik paga nage logogin lek o.

Wone Alom Kibingga 11:10

Togop me, kat keebe tawe aret wonage, Ndi, tawe logonet komaawi paga eerit nage, Eeke ti, We aanom warogo aret me, “Eerikit lak, ao,” yinuk, kiniki piirik wonage, Kagabolo andi-pandi eekkake kenok, kagabiti mbake, Eeriyak mage o.

Yetaya 1:4

Kit aakumi maluk mban eeka mendek yi wae. Kit maluk mban kinoba luurik wonage, Maluk awi mbilanak kit aret porogo wonogwe, Wologwe maluk eeriyak lek mendek kagak eerit nugwi kwak eerit nugwi, Eeko logonet, At Aliku ALA mbo pugwi, At Kikak Nakeelik Alik Leenak Iterali inogoba nogo meek eerogo pugwi, Kit kinambokan munogo pugwi, Eekwi me, Kinabuwa o!

Yetaya 3:5

It aakumi ti nen an iya kat iya yogo logonet, It ambi nen it ambi tebenogo piigwi, Imbirak koorok wonogwe nen at ambi tebenogo pegak eekwi, Wologwe nen inogobamini tebenogo piigwi, Inendage lek nen inendage warak tebenogo piigwi, Eeko logogun o.

Yeremiya 20:7

“Kaliku ALA wae. Koone nabek togon yo'nege keegak, an nen, Oone nabek togon yo'niruwak, mbake, Ndi, kat komaawi ambik me tebenogo panege keegak, an nen, Nomaawi lek me, tebenogo paniyak op aret, mbake, Eekirak o. O kubondendok nen nok oonikiya ari nage kagak aakumi nen nagi'ndok kanggwi, Yi aap ndi aap abok aret an meek eerogo panugwi, Eeko agaarik o.

Yeremiya 20:8

Wone yoroorak age kenok, noone omaawi paga, Aaninggin eeppinagagwi o. Lek eerogo pinagagwi o, yinuk, ti mban yorage minggirak me, Kaliku ALA yo'nege keegak yorage paga o kubondendok nen nok oonikiya ari nage kagak, Nagi'ndok kanggwi, meek eerogo panugwi, Eeko menggaarak.

Yeremiya 7:18

Kugigwe endage, Mbogut-Kwe, ake wologwe-komologwe nen kani kuwak eerogo pi wogwe, it inogobamini nen kani kunggwi, ndi, it kumi nen gandum yigirik amok mbanogo punuk, oroti worakwi, eeppunuk, iri wogwe, ndi, niniki waruwok mba'nuk, an nalut eeko logorak wonage neegak kwe, inagugi inake amburu kilirogo wogora wogwe, eeko menggaarak.

Oteya 10:15

It o Mbeten wonogwe ti, maluk mondok iya eekwi me, togop aret eerogo piyaagun o. Ti eeriyak nogo ti, it Iterali inowe endagembogut enggaawak muk lek aremenggerak kagak, o kilim nagabigin o, yinuk, yegerak me, yokkiragi o,” yoragagirak.

Oteya 10:5

It o Tamariya menggaarak nen inayuk wuka tapi aagaluk ogut eerak o Mbet-Awen wonage nogo, Wonok o nda time pi nogwe iyo, inagabiti mbakwi, Iniki wakkologo logonet, le yogwe, It aap inagugi ogut eerak abu abe eerak me, pi wakwi it kugi unde nogo nen kunduk, le yogwe, Eerugun o.

Oteya 4:15

It Iterali ti, kumi ya wuginakak kwak eerit nugwi kwe, it Yekura perak, togop eerugwaarik o. It o Nggiligan paga kugi alut eerit nogwe, O Mbet-Awen lagi nogwe, An neenik minggirak Naliku ALA nendage kumbunuk, kumbuk mbanggwi, Eerugwaarik o.

Ala Unde 13:40

Aap ambi anobak peenok-peenok abu puluk ko eerogo mbanak wonage kenok ti, eebe maluk lek obeelom aret wonage o.

Amot 3:14

“It Iterali mendek maluk lombok eekwi iinok, aaninggin inoba kwippiyoorak eyom ti paga, It inagugi ake warogo wogorogo menggam o Mbeten paga ogobakkigirik nogo, yigirogo wurabit nage logonet, Warogo wogoragak ogobakkigirik irip to aago nogo, kalenogo nggween paga wurabit nagin o.

Amot 4:4

“It nen o Mbeten nogo logomenggaarik, maluk lombok eekwi, O Nggilagan nogo logomenggaarik, maluk iya lombok eerit nugwi, Ko'lu-kii'me o kubondendok nen nake warogo wo'niriyak nogo wonok wogo logomenggaarik, Nogo mbere yinuk, yi mendek ndi mendek ambi yendenogo nake pugu nogo wonok niri wogwe,

Amot 5:5

It Nggilagan wonogwe nogo abet aret kugun wogoren mbo piya nogwe, O Mbeten nogo pup eerogo pugwi, Eerugun me, O Mbeten nawi o, yinuk, nogwe, O Nggilagan nogwe, Niyo mbaninuk o Mberetiyeba wunda nogwe, Eerugwaarik,” yegerak o.

Amot 7:13

O yime ti, aap endagembogut nen ayuk wuke, aakumi at abu'me piinok menggim nen ayuk wukwi, eeko menggam alik leenak o Mbeten yime aret me, o Mbeten yime kogoba Ala nen yokkege kagak, yoragak eeriyak ti mondok mage o!”

Nggalatiya 4:29

Ti eyom it nggween paga mendek nen ndaganako mengga kwak ndarak nogo nen, Aberiniki nen wone yoreegerak paga ndarak nogo, miyuk-meya eerogo tebenogo pit nage nagagerak nogo kokwak, yogondak ti ndak-ndak, it puut Tinayi paga yoreegerak eekwi nogo nen, nit abet mbakwi nogo miyuk-meya eerogo pinanugo menggaarak kwe,

Iberani 11:36

it ando miyuk-meya eerogo piinok yawi inookwi, ando mbutigeele paga ineenggi-iniyok maarogo mambiigo menggam mambiigwi,