2 Endagembogut 2:21 - Ala Wone Peenok Peebi Mbanak

²¹ Iri wogo mbareegwa, at Elita nen niyoowak nogo wonok niyo eneerime nage nagagerik, mayu nogo kilirogo wuppege logonet, “At Aliku ALA nen yegerak yi o. Niyo yi, abu obeelom eerogo pigirak me, nunggwi iinok kanggwi, yi mendek ndi mendek yarak mbu'lo kunit nage, eerigin mondok lek, yegerak o.”

2 Endagembogut 2:21 ပူးပေါင်းရင်းမြစ်များ

2 Endagembogut 2:20

Yogo mbareegwa, at Elita nen it yorage, “Niyoowak ngget mendek kenok, mayu yonggoppunuk, wonok niri woraanip o.” Yorage mbareegi, wonok iri wogogwaarak.

2 Endagembogut 2:22

Ari mbareegi, at Elita yereegerak nogo ndak-ndak, niyo nogo obeelom agagerak o yogondak kuli wonage aret.

2 Endagembogut 4:41

Eeginake mbareegi, at Elita nen it yorage logonet, “Tepung ambi wo'niri wa'nip o.” Yoragagerak iri wogo mbareegwa, Elita nen togolowa'na mbo mambege nagagerik, aap lake nogo yoge logonet, “It aap yi, nawak nduk, ndoonogo wogoret o.” Yoge mbareegi, ndoonogo wogoragagerak nonggo nogogwaarik, inooriyak mendek ambi inom larak lek aret kogogwaarak.

2 Endagembogut 6:6

Yoge mbareegi, aap Ala wone liirogon eeka nen aap nogo yoge, “Ye ti, ngga wangge kagandak o?” Yoge mbareegi, at nen, “Ya'i wangge kagarak o,” yinuk, eenggi titik eeke mbareegi, at Elita nen eyo mbuuluk ambi mbanogo ye wambeegim taati mbo wuppege mbareegi, ye nogo niyo ogombaga wonok lagi wage mbareegi,

Ala Unde 2:13

Gandum anggen yigirik worarogo nake puurak kenok ti, mayu eerogo punuk mban wo'nogo logowak o. It inogoba Ala an ninom wone abuk nggaruk togon mbaneegirak nogo aberak logowak nduk, mayu eerogo mban lako menggaarak me, nake pi wogwe iinok, mayu eerogo mban nake pi wogo logowak o.

Matiyut 5:11

Kit awo lek kiigak, it aa'nduk Ala nen yorage kagak yoraga nogo piyak-payak aganako nogogwaarak pogom, kit togon, an wo'nakotak paga aakumi nen miyuk-meya eerogo pinagagwi, piyak-payak eekkinakwi, inoone pilit lombok kinoba pinagagwi, eekwi iinok, kiniki ale'nggen aret mbako logonu o. Kinake aago mbogut paga ambik wonage me, kiniki ale'nggen logonet, keyage wako logonip o,” yinuk, yoragagerak.

Marakut 9:50

Mayu ti, obeelom aret kwe, andi lek wurik kenok, nonggop togon eerogo andi warak eeriyak o? Kit mayu andi warak pogom aakumi inenggela'me logonet, kinom lambunik aret logonip o,” yinuk, yoragagerak.

Yaya 9:6

Ti yorage nagagerik, at awoori nggween paga wuppunuk, amok mbangge nagagerik, aap nogo enegen me nabembereegerak.

Wayu 21:4

Mbogut-nggween aa'nduk ogobakkigirik nogo paga logonet, iniki aaninggin kogo nogogwaarak nogo, lek agaarak me, ngget ogobakkigirik nogo paga inogoba Ala inom logonet, inale amburu mbanogo piyamenggerak me, kanggwi, tabun ndoombunuk le yogwe, iniki wakkologwe, andi kogwe, eeko logogun abu lek o,” yinuk, ari naruk konenggirak.