2 Endagembogut 2:2 - Ala Wone Peenok Peebi Mbanak

² at Eliya nogo nen Elita yoge, “At Aliku ALA nen an o Mbeten nappanegerak nage me, kat ya'i abu logot o.” Yoreegerak kwe, at Elita nen onggo yoge logonet, “An kat mbo pagagin lek nimbirak aret noorak o, yinuk, Aliku ALA inom, kat inom, kimbirak kinenggaanom paga abet aret yokkigi o.” Yoge mbareegi, imbirak o Mbeten nogogwaarak.

2 Endagembogut 2:2 ပူးပေါင်းရင်းမြစ်များ

Wakkagagerak 28:19

“O yi endage, Mbeten o,” yinuk, tooneegerak. Ndi, o nogo aa'nduk nen, “Lut,” aret yogo nogogwaarak.

1 Endagembogut 12:28

yinuk, oreewi inom wone mbambunuk, at Yerobeyam nen mbuti emas paga tapi aagalogwe inogut mbere ogobakkigippunuk, it aakumi Iterali yorage, “Kit Iterali mendek yi wae. Kit o Yerutalem Ala ake alut eeri noorak tu nda aret me, o Metit nen wokkiren wundi wagagerak nogo kinogoba Ala kwak alut eeko logorak yi aret me, kinigen pekkaanip o.”

1 Endagembogut 12:29

Yorage nagagerik, tapi ogut ogobakkigirik ambi o Mbeten pi nage, ndi, ambi o Ndan pi nage, eereegerak.

1 Endagembogut 12:33

“Tut yi paga eeriyak o,” yinuk, koonogo pereegerak tut 6 penembunuk, ambi penenak, tanggal 15 o Mbeten tapi aagaluk ogut wakkagak aago nogo, ake warogo wogogak ogobakkigireegerak paga, warogo wogoreegerak nogo ti, it aakumi Iterali nen inale'nggen paga eeko logorak koonogo pereegerak kenok, warogo wogogak ogobakkigireegerak ti paga ake warogo wogoreegerak.

2 Endagembogut 2:23

At Elita nogo o time nen Mbeten wage mbareegi, wologwe-aabologwe inawi kota time menggaarak nen wundi nanuk, inoone nggwok paga Elita miyuk-meya eerogo pogo logonet, “Anobak mbela aago yi, mbet lagi nak. Anobak mbela aago yira, mbet lagi nak.”

2 Endagembogut 2:4

Yorage mbareegi, ti'nuk, at Eliya nen Elita ambinom yoge logonet, “Elita wae. At Aliku ALA nen an o Yeriko nappanegerak nage me, kat ya'i abu logot o.” Yoreegerak kwe, at Elita nen, “An kat mbo pagagin lek nimbirak aret noorak o, yinuk, Aliku ALA inom, kat inom, kimbirak kinenggaanom paga abet aret yokkigi o.” Yoge mbareegi, imbirak o Yeriko nogogwaarak.

2 Endagembogut 2:6

Yorage mbareegi, ti'nuk, at Eliya nen Elita ambinom yoge logonet, “At Aliku ALA nen an niyo Yoraran aa'nggi paga nappanegerak nage me, kat ya'i abu logot o.” Yoge mbareegi, Elita nen, “An kat mbo pagagin lek nimbirak aret noorak o, yinuk, Aliku ALA inom, kat inom, kimbirak kinenggaanom paga abet aret yokkigi o.” Yoge mbareegi, imbirak aret nogogwaarak.

2 Endagembogut 4:30

At Nggekati togop yoreegerak kwe, at elege agalo nen ari logonet, “An kat mbo paganuk nagin lek o, yinuk, ari nogo kat nen abet nomba'nok nduk, at Aliku ALA inom, kat inom, kimbirak kinenggaanom paga yagi o.” Yoge mbareegi, Elita nogo kwe imbirak aret wogogwaarak.

Yeremiya 4:2

Ndi, Nit a'me nggelok mban eeppiinet nugwi, Obeelom mban eerit nugwi, Pilit lek abet aret eeko logogun o, yinuk, Neenik Minggirak Naliku ALA nendage kunogo kumbuk mbanggwi, Eekwi iinok, It aakumi inanebunu lombok nen, It eekwi ti, nit togop aret eeko logowok o, yinuk, Nale'nggen-kale'nggen yogo logonet, nendage tiyappanogo logogun o,” yinuk, yegerak me yokkiragi o.

1 Yaya 2:19

It aap ti, aa'nduk ninom kuwak eeko nogogurak kwe, “It ti, nit mendek lek o,” yinuk, mbo pinaninuk mbaganeegwaarak. “It aap ti, nit mendek aret,” mba'netak en, ninom aret logonetak kwe, “It ti, nit mendek lek,” kin aruwak nduk, mbo pinaninuk mbaganeegwaarak o.

1 Tamuwen 1:26

kwe Kana nogo nen Eli yogo logonet, “Nogoba o. Kwe ambi aa'nduk yime mi'ndak logonet, Aliku ALA yoge kenegen kagagindak nogo ti, keenik keegak aret eeke neyareegindak me, an aret abet nombaru o.

1 Tamuwen 17:55

At Ndawut nogo nen aap Pilitin mendek imbirak wim namburiyak nduk nage at Tawun enegen kage nagagerik, at Tawun awuri ineegin warak inowe Abenet nogo yoge logonet, “Abenet wae. At wulaga tawe ti, ta aput?” Yoge mbareegi, Abenet nen yoge logonet, “Nowe kendagembogut kat aret keegak, an pilit yokkiriyak meek me, an neenggo'lek o.”

1 Tamuwen 25:26

Togop aret me, Maluk eeppagagerak onggo eeppiyaakit, koongge logonet, aakumi inamiya wunabukwak, at Aliku ALA nen non mbambagagaarak me, it kawim inom, it kat nogoba maluk eeppagarak mbakwi nogo inom, at Naban kwak aret logowak o, yinuk, kat keegak, at eenik menggerak Aliku ALA endage kumbunuk yagi o.