2 Endagembogut 2:19 - Ala Wone Peenok Peebi Mbanak

¹⁹ It aap o kota Yeriko menggaarak nen Elita yogo logonet, “Ninogoba wae. O kota yi, kenegen pekket o. O yi abu obeelom mban kagandak kwe, niyo perak, maluk mban wonage me, yi mendek ndi mendek yakootak kwe, tari kunit nage o.”

2 Endagembogut 2:19 ပူးပေါင်းရင်းမြစ်များ

1 Endagembogut 16:34

Aap Akap wonage eyom paga aap awi Mbeten mendek Kiyen nogo nen o Yeriko obaane'me wuriyak nduk, eyak wurake logonet, o onggo mbanogo aput manggu Abiram aret wake, ndi, abu wuppunuk, tu unggwogo logorak ogobakkigike logonet, onggo mbanogo aput enabooluk Tegup aret wake, eereegerak. Ti eereegerak nogo ti, at Aliku ALA nen aap Nun aput Yotuwa yoge kagak yoragagerak nogo aret eereegerak.

1 Endagembogut 18:13

Ndi, mugurok nage neegak, kwe Iteben nen Aliku ALA nen yorage kagak yoraga nogo inoorit nage kenok, ineebe 100 wogoren ndo ambime 50 kumaappiige, ndo ambime 50 kumaappiige, eeppiinok, inambi-inagi wogora nage minggirak nogo kat konengga'lek ya?

1 Endagembogut 18:7

Eliya imbirak lambuneegerak. Lambumbunuk, aap Obaya nogo Eliya aret kage nagagerik, abu'me tebe yinuk, ayuk wuke logonet, Eliya yoge, “Kat nogoba Eliya aret ilik?”

2 Endagembogut 2:18

iniyokan at Elita nogo o kota Yeriko torinake wonage me, ka wogo mbareegwa, it yorage logonet, “Kit kwaari noorak mageo, yinuk, an yokkiragarak kwe, nogotak nogo lek a?” yinuk, yoragagerak.

2 Endagembogut 2:20

Yogo mbareegwa, at Elita nen it yorage, “Niyoowak ngget mendek kenok, mayu yonggoppunuk, wonok niri woraanip o.” Yorage mbareegi, wonok iri wogogwaarak.

Wundeegwaarak 15:23

o Mara time unggwi wogo nogogwaarik, niyo ambi kogogwaarak kwe, ale ambik me, noorak meek kogogwaarak. Niyo ti ale ambik kenok, o ti endage Mara aret yogo nogogwaarak.

Wundeegwaarak 23:26

kumi wubili wonogwe, inaagalogwe mburunogo piigwi, kit kiname time togop eerugun lek o. Ndi, kit mondok li a'nuk kanggo logobagip nduk, kinili agago pinagage logogin o.

Wundeegwaarak 7:19

Yoge mbareegi, yori nogogwaarak kwe, eewa yaga'lek mbareegi, Aliku ALA nen Muta yoge, “Niyo nage paga inom, yomban wogome inom, niyo yenggenak paga inom, eyo nenaarak me niyo toolak inom, o Metit paga yi niyo ndi niyo abok aret owaanggun titik ige kenok, o Metit ilin-unggut eyo nenaarak me toolak inom, yugum nenaarak me toolak inom, abok aret amiya lombok telek yuwak nduk, Karun yoru o.”

Oteya 9:14

Togop me, Kaliku ALA wae. Kapuri eeppiyoorak an nano nggino yokkiri o. It kumi inaagalogwe mburunogo wumbiigo logowak nduk, eeppiige, Inelak amburu lek logowak nduk, eerogo piige, Eeru o, yinuk, yokkigi o.

Pelaareegerak 28:11

At Aliku ALA nen kinombomini, Nggween wokkiraagin o, yinuk, wone abuk nggaruk togon kumbuk mbanogo yoragagim nogome wokkiramenggerak wonogwe kiigak, kinakuwi elege ndaganako menggam obeelom eerogo piige, kinaanggumi ndaruwak nduk, obeelom eerogo piige, yi awi ndi awi yarumonggotak anggen ka'let-pa'let eerogo pinagage, eeke logonet, ambik lombok kalo logonogo wokkirage logogin o.

1 Timotiyut 5:17

Ala nen ari logonet, “Lembu nen iniyok gandum anggen mbelanit nage kagak ando nunggwi iyo, inambe keele maarogo piigo logorak mage o,” ari, ndi, ambi, “It aap yabu eeko menggaarak yabu onggo woorak op aret o,” yinuk, ari, yereegwaarak liiru mbanak wonage me, it aap Ala apuri unde menggaarak inendage tiyanak kwe, obeelom lombok inarum wonogwe me nduk, inendage ambinom tiyappuurak ti op aret o. It Ala wone nggwok paga yorogwe, wone mamunirogwe, mondok nabenak mban eekwi iinok ti, abunuk ambinom inendage tiyappiigo logonet, liippiigo logowak o.

Yotuwa 6:17

O ti wokkiraagin kwe, inawi kota inom, inamindik-inamendek o time wonage inom, ti at Aliku ALA amendek at ake aret me, tigitogon aret lek eerogo pumunggup o. Ndi, kwe ya wukak Arakap ti perak, it aap o yi inigen yomboonuwak nduk, nappiya wogoorak nogo, kumaappiirogo wonagaarak me, at inom, it at ame wonogwe nogo inom, it mban teppiyaamunggup o.

Yotuwa 6:26

Ne ti eyom paga at Yotuwa nen ari logonet, “Aap ambi nen o Yeriko yime obaane'me wuri unggwi wage kenok ti, at Aliku ALA nen pulunogo pege logogin me, O eyak awo wurake kagak, Apuluk manggu ndarak kangge, Ndi, abu wurogo tungga ogobakkigirogo punuk, Oome puk ari unggwage kagak, Apuluk enabooluk ndarak nogo aret kangge, Eeke kaagin o,” yinuk, yoragagerak.