2 Endagembogut 2:16 - Ala Wone Peenok Peebi Mbanak

¹⁶ “Wone yokkugwi yi, liippu o. Nit kayeloman mini ninenggela'me yime Eliya kwaari noorak inobam aap ineebe 50 wonogwe me, Aliku ALA Aberiniki nen kogoba ti, wonok puurom paga pi nagaarak a, alu'me pi nagaarak a, it kwaari nawak o.” Yogo mbareegwa, at Elita nen, “At kwaari noorak yoroorak mage o.”

2 Endagembogut 2:16 ပူးပေါင်းရင်းမြစ်များ

1 Endagembogut 18:12

yori nage neegak, Aliku ALA Aberiniki nen kat wokkeren o an neenggo'lek me pagi namenggerak wonage keegak, aap Akap pekkeya wage logomenggerik, keebe lek keenok, an noorigin aret o. Nooriyak aret kwe, an kayeloman yi, wulaga mbuuluk paga nen aret Aliku ALA mugurok nage minggirak me, op aret o.

2 Endagembogut 2:7

Nogo mbareegwa, it Ala nen yorage kagak yoraga ineebe aago nogo mendek 50 inambokan muguren nogo nogogwaarik, tayorogon taati mi'ndak logonet, Eliya Elita imbirak yi Yoraran aa'nggi paga ari nanuk wonogwe inigen nagiyareegwaarak.

Yetikiyen 11:24

Kage mbareegi, Ala Aberiniki nen nabinggaanggo paga yo'nege kage neegak, Aberiniki nen an piyanogo wo'neren niyokan it aakumi wogoren o Mbaben mbo piya nagagerak wonogwe me nogome pani wage kagagirak. Pani wage nagagerik, nabinggaanggo kagagirak nogo eenggi-iyok lek aret lek age kagagirak.

Yetikiyen 3:14

Konengge mbareegi, Aberiniki nogo nen piyanneren nage mbareegi, nage logonet, neebi lombok mbake, nanini lombok ee'nake, eeke kagak kwe, Aliku ALA eenggi omaawi lombok paga ni'neren

Yetikiyen 8:3

At ti, aap eenggi negen ngginogo neeruwak pi'nake kagagirak. Ti'nuk, nabinggaanggo kage logonet, Aberiniki nen an piyanneren mbogut agi, nggween ogu, kagak o oolo taati lagangge nagagerik, wo'neren o Yerutalem oore'nggam akem o omarip paga pa'nggwe tu unggwogo menggam Ala alut eeriyak kagak alik alut eekwi eebi mbake ogut eerak wonage me nogome pani nagagerak.

Nappiigak 8:39

Wuppege nagagerik, wundi wogwe me, at Piliput nogo Aberiniki nen wonok nggarek ari mbareegi, aap nogo Piliput enegen kaga'lek logonet kwe, iniki ale'nggen mbarit ame nagagerak.