2 Endagembogut 19:7 - Ala Wone Peenok Peebi Mbanak

⁷ An ari yi, liirogon konengge logowak o. Aap Atiyut mendek endagembogut ti, wone ambi konembunuk, ame nawak nduk, inikime mambege neenok, yoremenggerak agabiti nen iyokan ame lombok nage kenok, aap ambi nen waruwak nduk eeppigin o,” yinuk, eerogo nappiya wagagerak.

2 Endagembogut 19:7 ပူးပေါင်းရင်းမြစ်များ

2 Endagembogut 19:28

At anini Aliku ALA oba pege, Iniki tiyappake logonet wone ari, Eeke ti, Ala aruk me muk unggwi wagaarak me, Ala ageele paga aap ti ogobak pelenak me mambege, Ambutimanggen ambeme nggelembege, Eerogo punuk, Nikkenok, tu wagam iyokan ame aret nappigin, yegerak o.

2 Endagembogut 19:33

O kota yi, unggwi waga'lek kagak Wagam iyokan aret nagin o, yinuk, At Aliku ALA aret yegerak me, yokkigi o.

2 Endagembogut 7:6

Aap Aram ineegin warak nogo, kuda iniyogobit oone inom, nggweendo wim eeka iniyogobit oone inom, ndi, it aap wim eeka ineebe apit aago iniyok oone inom, agan wogwe inaruk konenuwak nduk, at Aliku ALA nen eeppiyareegerak paga konenggo nogogwaarik, ambi yogak eeko logonet, “It aap Iterali inowe endagembogut nen ninooriyak onggo it Ket mendek inowe endagembogut inom, Metit mendek inowe endagembogut inom, wogoroorak koonggerak nogo, ninoori wogwe yi aret o,” yinuk,

2 Mbinineegwaarak 32:21

Eeko mbareegwa, Aliku ALA nen malayikat ambi nappi wage mbareegi, it aap wim eeka wakaa'ngget inom, inoweewi inom, aap ineegin warak inoweewi inom, aap Atiyut mendek inowe endagembogut awooliya wurit nagagim wonogwe nogo abok aret inoorogo piyareegerak. Inoorogo piige mbareegi, aap endagembogut nogo enggali mbakak ame nage nagagerik, agugi awi wurik me unggunuk wonage me, at lombok ndaganabeegerak apuri nen aret wooluwak paga warogo pereegwaarak.

Ayup 15:21

Agabiti mbariyak wone nogo mban aruk konenggak eeke, Niniki ugun obeelom wonage, Mbake kagak, It aap maluk eeppiiga nogo nen at oba kwi'nari unggwogwe,

Ayup 4:9

It aakumi ti, Ala ambebubu paga lek eerogo piige, Anini nen enete aagi paga mondok inenggaawak lek eerogo piige, Eeke menggerak.

Ndawi 11:6

It aap maluk eeka ti, Mayu negen kani anggen inom, Kani kunik kwindagala aago inom, inoba kwippiige, Ndi, ineebe kani yoguk togon eerinaburak o wiya nappi wage, Eerigin o.

Ndawi 50:3

Ninogoba Ala woraagin me, we woraagin lek o. Wage kagak, kani aa'nduk a'nuk, Yi mendek ndi mendek nenet wage, At enaagan-ambokan o wiya nabuninuk wage, Eerigin o.

Ndawi 94:23

Kat nen it aap ti, inomaluk onggo ndak-ndak eeppiige, It maluk eekwi paga ineebe lek eerogo piige, Kaliku ninogoba Ala nen ineebe pup eerogo piige, Eerumunggun o.

Yetaya 11:4

Ata, Ala yegetak ndak-ndak aap tebenak mendek inowak loongge, It aap ineenggi lek nogo eekaatak a'me nggelok inawone mbanogo piige, Eeke logogin o. Muun obate mbanak paga inooko mengga kwak, At nen wone yorage paga aakumi o nggween yi paga wonogwe nogo koonogo piige, Ndi, ambe aagi paga aap maluk mendek mondok lek eerogo piige, Eeke logogin o.

Yeremiya 49:14

“O Erom ti, oonda mbanuwak nduk kuwak eekwi, Wim inom namburuwak nduk li'luk eekwi, Eeko logowak o, yinuk, Aakumi inanebunu lombok wonogwe me yora nawak nduk, Nappiyareegerak,” Aliku ALA nen an yo'nege konenggirak nogo ti aret.

Yeremiya 51:1

Aliku ALA nen yegerak nogo yi aret. “O Mbaben tebenogo pege, it aakumi Mbaben mendek tebenogo piige, Eeruwak nduk, Aakumi maluk eerogo piiga mendek inikime limbege neyaagun o.

Yeremiya 51:46

It o time logonet, Ndogop arigin o, yinuk, yogwe, Tahun yi paga, Yogop arigin o, yinuk, yogwe, Tahun peebi paga, Ndogop arigin o, yinuk, yogwe, Inoone aganggen kereembu yogo logonet, O time maluk eeppiinet nogo agaarik o, yinuk, yogwe, Aap inendagembogut nen it aap inendagembogut tebenogo piigwi o, yinuk, yogwe, Eekwi nogo Inaruk konenggwi iinok, iniki ma'nage, inogut nggigik ari, eerugwaarik o.

Obaya 1:1

Aap Obaya nen abinggaanggo kagagerak nogo yi aret. Aliku Itok Menggerak ALA nen o Erom eeppuurak yereegerak nogo yi aret. Aliku ALA nen wone yegerak ninaruk konenggoorak nogo ti, Aap ambi nen, “Nit mi'nogo logomonggoorik, o Erom mendek ninom wim eeri nawok o,” yinuk, Yi aakumi ndi aakumi yoranet nawak nduk, nappegerak ti aret.