2 Endagembogut 19:13 - Ala Wone Peenok Peebi Mbanak

¹³ It aap inendagembogut Kamat mendek inom, Arapat mendek inom, o kota Teparawayim mendek inom, Kena mendek inom, Iwa mendek inom, yogondak it ineebe nggeeme wonogwe iige agandik?” yinuk, liiru mbanogo punuk, wogoragagerak wonok iri wogogwaarak.

2 Endagembogut 19:13 ပူးပေါင်းရင်းမြစ်များ

2 Endagembogut 18:34

It aakumi o Kamat mendek inom, Arapat mendek inom, it inagugi o nggeeme wonogwe? Ndi, it o Teparawayim mendek inom, Kena mendek inom, Iwa mendek inom, it inagugi kunduk nggeeme wonogwe mbakop? It aakumi Tamariya mendek an neenggime nen ambi ndineegerak mbakop?

Takariya 9:2

O Kararak kuli paga o Kamat wonage nogo inom, o Tirut Tiyon imbirak iniki warak lombok aret wonogwe kwe, it inom, inoba kwippiyaagin o.

Yeremiya 49:23

O Ndamitik eeppuurak wone nogo yi aret. “It Kamat mendek inom, Arapat mendek inom, wone maluk mendek konenggo nagaarik, inenggali age, Iniki a'nggan wo'nage, Yi laut abolok lek wonageelik, ngguk-loguk mban eeke menggi kwak, iniki togop aret wonage, Eeke agaarik o.

Yeremiya 39:5

it aap ineegin warak Mbaben mendek nen muguren nogo logonet, aap Terekiya nogo o Yeriko kobappaga ari nagagerak wonage me, pippunuk wonok, o Kamat kota Iribila aap Mbaben mendek inowe endagembogut Nebukanetat wonage me pi nogo mbareegwa, taati nen, “Ndogop eeppagagun o,” yinuk, yoge nagagerik,

Yetaya 11:11

Ne ti eyom paga ninogoba Ala nen at apuri eegu yumbunik o Atiyut nen, o Metit agi-ogu nen, o Kuti nen, o Elam nen, o Mbaben nen, o Kamat nen, niyo laut oolo ku'mbanak paga wonogwe nen, abok aret aa'nduk eereegi kwak, ne ambi eenggi omaawi paga wondet eerogo piinok, iniyokan iname piya woraagin o.

2 Endagembogut 17:24

It aakumi Iterali mendek wogoren piya nogogwaarak nogo inobaane'me at aap Atiyut inowe endagembogut nen it aakumi Mbaben mendek inom, Kuta mendek inom, Awa mendek inom, Kamat mendek inom, Teparawayim mendek inom, wogoren, o Tamariya kota-kota logowak nduk piya wagagerak me, o Tamariya kota-kota time ye mbambatinuk wonogogwaarak.

Linggineegwaarak 34:8

o Kamat ari nage, time nen o Terat ari nage,

Linggineegwaarak 13:21

Nogo yorage mbareegi, nogo nogogwaarik, o Tin karume time nen inigen yomboonit, nok o Erekop nen tu Kamat nogo menggam time kuli nogo nogogwaarik,

2 Endagembogut 18:33

It aakumi inalitak lombok o it wonogo menggam inagugi nen aap Atiyut mendek inowe endagembogut eenggime ndineegwaarak ambi ineenu ilik?

2 Mbinineegwaarak 8:3

Yorage nagagerik, Talomo nogo o Kamat-Toba nage nagagerik, o ti tebenggolage,