2 Endagembogut 18:31 - Ala Wone Peenok Peebi Mbanak

³¹ At aap Atiyut endagembogut nen ari logonet, It o kota nen neya wundi wogo logomenggaarik, ninom lambunuwok o. Ninom lambumbunuk, inalitak lombok ineyabume anggur yarak anggen mbanogo nunggwi, inageyo wuliinggen mbanogo nunggwi, inanggween kabunik me, inaniyo toologo nunggwi,

2 Endagembogut 18:31 ပူးပေါင်းရင်းမြစ်များ

Wakkagagerak 32:20

Kat kayeloman Yakup perak, peebi wage agaarik o, yinuk, wone ti inom yo'nu o,” yoragagerak. Ti eereegerak nogo ti, iniki mbake logonet, An Etawu ake pigirak yi, aa'nduk wogori namenggaarak enegen kage logomenggerik, iniki yanggo yemenggerak me, nage neenok, iniki ale'nggen paga wo'nabuwak, mbake nagagerik, eereegerak.

Wakkagagerak 33:11

An togon at Ala nabuwa mbake logonet, namindik-namendek ambik aret wo'negerak nogo ando mogonogo we kumbi wappagukwak wokkirikit nduk, wonok wagarak me, kolagak nak o,” yinuk, nimi-nomoorak mban ari mbareegi, at Etawu nogo nen, “Kolagak naakit o.”

1 Endagembogut 4:20

It aakumi Yekura mendek inom, Iterali mendek inom, ineebe lambunik mbini-kale'ngga niyo aa'nggi paga wonage nogo kokwak wonogo logonet, inambi inom, inagi inom, iniki ale'nggen paga nonggo nogogwaarak.

1 Endagembogut 4:25

Abolok lek obeelom aret wonagagerak me, at Talomo kangga'lek eenik wonage kagak, it aakumi Yekura mendek inom, it Iterali mendek inom, o Ndan nen nok, o Mberetiyeba kuli, eyo anggur inom, eyo wuli inom, inalitik-inalitak unde wonogo logonet, iniki tayenak inale'nggen paga aret wonogogwaarak.

1 Endagembogut 5:5

Togop aret me, at Aliku ALA nen an nogoba Ndawut yoge logonet, Peebi kat kobaane'me kaput nen inowe endagembogut a'nuk, wone lengganogo yorage logowak nduk, mippiminggirak nen nendage ki logowak nduk, nawi wuke logogin o, yinuk, yoreegerak nogo ndak-ndak, Aliku nogoba Ala endage ki logowak nduk, awi ti, an aret wurikit lak, ao, yinuk, niniki koonit nage agarik o.

2 Endagembogut 18:30

ndi, Aliku ALA mban kiniki oba panggombunuk, logobagip nduk, yokkirage logonet, O kota yi, aap Atiyut inowe endagembogut eenggime pigin lek o. Ata, Aliku ALA nen ninagap ndarigin o, yinuk, yokkiragak mban eeke nogo liippugwi, eeriyak mage o.

Kini Wuppiige 18:16

Aap ambi nen aap nggwok ambi yori ungguurak uugwe mbake nogo, amendek wogoremenggerak paga tu mbininogo pege, Wogoremenggerak paga at nen wonok aap nggwok nogo owagam pi unggwage, Eeke menggerak.

Kini Wuppiige 27:18

Aap ambi eyo wuli liirogon unde wonage paga anggen yege nogo mbanogo nengge, Ndi, aap ambi nen ogoba liirogon ndegengge paga at endage tiyappugwi, Eeko menggaarak.

Yeremiya 14:3

It aap nagawan-nagawan nen inayeloman niyo kwaari nawak nduk nappiigaatak Niyo nggween kabunik me kwaari nagaatak kwe, lek kenok, Niyo toolak lek niyoowak we aret wonok wogo logonet, Nonggop eeruwi? yinuk, inenggali nen inete wandunik aret iniyokan wogo menggaarak.

Takariya 3:10

Ne ti eyom paga inalitik-inalitak inoreewi inayonggo piigwi iinok, wogo logomenggaarik, inageyo anggur inom, inageyo wuli inom, alome time kwi'ndak iniki ugun aret logogun o, yinuk, Nomaawi Lombok Minggirak Naliku an ALA nen aret yagi o,” yinuk, yegerak me, yokkigi o, yinuk, at Yotuwa yoge kagarak.