2 Endagembogut 17:8 - Ala Wone Peenok Peebi Mbanak

⁸ at Aliku ALA aa'nduk a'nuk, yi aakumi ndi aakumi wumbiyareegerak nen eerit nogo nogogwaarak nogo, mugurok nogwe, Iterali inoweewi inendagembogut nen eeko logorak koonogo pereegwaarak nogo, eerit nogwe, eeko nogogwaarak kenok, inoba agagerak.

2 Endagembogut 17:8 ပူးပေါင်းရင်းမြစ်များ

1 Endagembogut 12:28

yinuk, oreewi inom wone mbambunuk, at Yerobeyam nen mbuti emas paga tapi aagalogwe inogut mbere ogobakkigippunuk, it aakumi Iterali yorage, “Kit Iterali mendek yi wae. Kit o Yerutalem Ala ake alut eeri noorak tu nda aret me, o Metit nen wokkiren wundi wagagerak nogo kinogoba Ala kwak alut eeko logorak yi aret me, kinigen pekkaanip o.”

1 Endagembogut 21:26

At obaabut maluk lombok eekulik mendek eerit nage logonet, Aliku ALA nen Iterali inaame aa'nduk a'nuk aakumi Amori mendek wumbiyareegerak inagugiwak tiyappit nogo nogogwaarak nogo ndak-ndak, agugiwak tiyappit nage kenok, eeppuurak yoreegerak.

2 Endagembogut 16:10

Ndi, at endagembogut Akat nen aap Atiyut mendek inowe endagembogut Tigalat-Piletet nogo, imbirak lambunikit nduk, o Ndamitik nanuk, warogo wogogo menggam ambi enegen kage nagagerik, “Alom yogop eerak, irip yogop eerak,” yinuk, ogut wakkagak abu li'luk eerogo at aap Ala unde Uriya wonage me nappi wagagerak.

2 Endagembogut 16:3

Ata, it Iterali inoweewi inendagembogut wonogo logonet, eeko nogogwaarak pogom eerit nage logonet, at Aliku ALA nen aa'nduk a'nuk, yi aakumi ndi aakumi mugogo wumbiyareegerak ogole warak eeko nogogwaarak nogo ndak-ndak, at aput aret inagugi inake kani kuneegerak.

2 Endagembogut 17:19

it Yekura kunduk, Aliku inogoba Ala nen, Yogop ee'nu ndogop ee'nu, wone yugu nogo taganogo mbo punuk, it Iterali maluk eeko nogogwaarak nogo eerit nogo nogogwaarak.

2 Endagembogut 17:40

Togop yoragagerak kwe, it wogogwaarak o Tamariya wonogwe nogo wone yoragagerak konengga'lek mbo punuk, it maan maluk eeko nogogwaarak nogo, kunik aret eeko nogogwaarak.

2 Endagembogut 21:2

At Aliku ALA aa'nduk a'nuk, it yi aakumi ndi aakumi Kanan mendek mugogo wumbiyareegerak maluk ogole warak mendek eeko nogogwaarak nogo, at Manate nen Aliku ALA enegen kagak, maluk ti mendek aret eeke nagagerak.

Ndawi 106:35

Inom nenggelak-kenggelak aago logonet, It eeko nogogwaarak nogo aret mamunggologwe,

Wundeegwaarak 23:24

Kit nen an nalut eekwi obaane'me kinendobanggun yindumbunuk, inagugi ayuk wukwi, inagugi inendage tiyappiigo logobagip nduk, inawi wukwi, it kugi eeko logonet, eeko menggaarak nogo ndak-ndak eekwi, eeriyak ti mage o. Ata, inagugi ogut aago ogobakkigirik nogo kalenak-pugunik eerogo piigwi, inagugiwak telenak-mbelenak agago piigwi, eeko logomunggup o.

Yeremiya 10:2

Aliku ALA nen yegerak nogo yi aret. “It yi aakumi ndi aakumi nen yogop-ndogop yogo menggaarak nogo ti, We aanom warogo yogo menggaarak kagak, it Iterali mugurok nogwe, Mbogut paga tam warak mendek eeke inigen kenok, yi aakumi ndi aakumi inamineeri ne agan nage menggerak kwe, It Iterali inigen kogwe kenok, inamineeri ne agan nage, Eerugwaarik o. It yi aakumi ndi aakumi ti nen eyo eyonggaame mendek muurogo pugwi, Aap inogut ogobakkigika nen eyo ti paga kugi ogut eerogo pugwi,

Yetikiyen 5:6

yi aakumi ndi aakumi inom, yi o ndi o wonogwe inom, at eraanu wanggerak wonogwe nogo ti, an noone yugu kunduk, wone lengganogo yorage nagagirak kunduk, Eeko logorak nineebi o, yinuk, mbo pereegwaarak nogo ti, iya negen kwe, at Yerutalem ti, maluk eerit nage logonet, mbo pereegerak ti perak, mondok iya lombok aret o. Noone yugu nogo mbo pege, wone lengganogo yorage nagagirak nogo mugurok naga'lek taganogo pugwi, eereegwaarak o,” yinuk, an yo'nege kagagirak.

Oteya 5:11

It Eparayim ti, inanobak yugum kwak logonet tu alik we aanom warogo kagak mugurok noorak mbakwi me, Aaninggin inoba kwi'nagagerak mondok tebenak aret wonogo agaarik o.

Ala Unde 18:3

it aa'nduk wonogogwam aakumi o Metit mendek eeko mengga kwak eekwi, ndi, an nen wogoren o Kanan piya nawam it aakumi time mendek eeko mengga kwak eekwi, eeko logorak mage o.

Ala Unde 26:1

Yoge nagagerik, “Naliku inogoba Ala an aret me, nobaane'me kugi ogut ogobakkigirogo pugwi, yi mendek ndi mendek ogut agago pugwi, inagugiwak ogobakkigirogo pugwi, yugum ayo waganogo iname pugwi, eeppunuk, inendobanggun yindumbunuk, alut eeko logorak mage o.

Mika 6:16

Kat nen aap endagembogut Omiri nen wone lengganogo pereegerak nogo mugurok nage, Aap Akap apuri wiganak abok aret nen eerit nogo nogogwaarak nogo, ndak-ndak eerit nage, It eeriyak koonogo pugwi nogo kinom eerit nage, Eeke menggendak me, Keebe pup eerogo pagagwi, Kaagalogwe, Ha! yinuk, inagi'ndok kanggwi, Yi aakumi ndi aakumi abok aret meek eerogo pagagwi, Eeruwak nduk, Eeppiyaagin o,” yinuk, yokkege nogo karuk konengge logot o.

Pelaareegerak 18:9

Ti'nuk, ambi yorage logonet, “At Aliku kinogoba Ala nen kinanggween wokkirage nogome abu aret unggwi nogo logomonggotik, it yi aakumi ndi aakumi o time menggaarak nen ogole warak maluk lombok eekwi ti mendek kit ndak-ndak mamunggoloorak mondok mage o.