2 Endagembogut 17:25 - Ala Wone Peenok Peebi Mbanak

²⁵ Piya wogogwaarak ti eyom paga wonogo logonet, Aliku ALA inagabiti mba'nuk alut eeka'lek iinok, at Aliku ALA nen nggeewo inanini warak singa inenggela'me nappiya wage mbareegi, aakumi apit ineyak nibininabit nogogwaarak kambeegwaarak.

2 Endagembogut 17:25 ပူးပေါင်းရင်းမြစ်များ

1 Endagembogut 13:24

at paga kwi'na'nuk tu paga wage me, singa nen worak mbo wundinuk, warogo tu nggwok paga mbo wuppereegerak kangge kagak, keledai singa nogo imbirak warak me taati aret arum negen wonogogwaarak.

1 Endagembogut 20:36

Teppege mbareegi, at Ala nen yoge kagak yoraga nogo nen at yoge, “Aliku ALA nen yegerak kat karuk konembunuk, eerulik me, an wonage me nen nage keenok, singa eyak nibinggabigin o.” Yoge mbareegi, wundi nanuk nage me, singa imbirak abuk a'nuk eyak nibinogo pereegerak.

2 Endagembogut 17:26

Kambeegwaarak nogo aap Atiyut inowe endagembogut yogo logonet, “It aakumi kat wogoren o Tamariya kota-kota piya nagandak nogo, at kugi o ti unde menggerak nogo nen, Nalut ndogop eeko logonipo, ari nogo ineenggo'lek me, alut eeka'lek iinok, singa nen ineyak nibininabit nawak nduk, inenggela'me nappiya wagaarak ineyak nibininabit nogwe iinok, kambit nogo agaarik o.”

2 Endagembogut 17:28

Wone lengganogo yorage mbareegi, aap Ala unde ambi o Tamariya nen wonok mbo pi nogogwaarak nogo, iyokan wage nagagerik, o Mbeten logonet, “Aliku ALA ndogop aret alut eeko logonip o,” yinuk, mamuninake nagagerak.

2 Endagembogut 17:32

At Aliku ALA alut eeko logonet kwe, puut-puut paga inagugi inake warogo wogorogo menggam nogome inake warogo wogorogo logorak unde inawuri lombok ugun-ugun mippiinet nogwe,

2 Endagembogut 17:34

It aa'nduk eeko nogogwaarak nogo o yogondak kuli kunik eekwi aret wonogwe o. It nen wone lengganak inom, wone yugu eeka'lek iinok aaninggin inoba piigo logorak wone inom, eeko logorak wone inom, “Yogop ee'nu ndogop ee'nu,” yugu inom, Aliku ALA nen aap Yakup endage ambi Iterali tooneegerak apuri yoragagerak nogo, liippunuk eekwi, Aliku ALA inagabiti mba'nuk alut eekwi, eeka'lek aret wonogo menggaarak.

2 Endagembogut 17:41

It aakumi yi nen at Aliku ALA alut eeko logonet kwe, inagugiwak inom aret tiyappit nogo nogogwaarak me, yogondak inapuri-ino-mbowologwe kunduk, inombomini eeko nogogwaarak nogo ndak-ndak aret eekwi wonogwe o.

2 Endagembogut 2:24

Yogwe iigak, at Elita nogo ena logurogon pegiige logonet, at Aliku ALA endage paga pulunogo piige mbareegi, wam nggwiya negen beruang ineebe mbere eyonggaame nen nggigik togon wundi wogo logonet, wologwe-aabologwe ineebe 42 ineyak nibik-nobak eerogo piinet nogogwaarak.

Yetaya 15:9

Niyo Ndibon nogo aakumi inamiya mban telek eerogo pegerak kwe, Aakumi inamiya ambinom yenggennaruwak nduk, Ala nen, It Mowap mendek mbaganit nogwe inom, eegu yumbunik o Mowap wonogwe inom, Singa nen nibininabit nawak nduk nappi woraagin o,” yinuk, ari kagarak o.

Yeremiya 10:7

It yi aakumi ndi aakumi inowe endagembogut yi wae. Taani nen kat kayuk wuriyak lek mbako agaarik? It aakumi inanebunu lombok inom, it inoweewi aap inendagembogut inom, apit aret inenggela'me Kat kokwak aap iniki warak ambi lek aret me, Kat mban kayuk wuko logorak ti op aret o.

Yeremiya 15:3

Aliku ALA nen ari logonet, “Maluk eerit wundi wogogwaarak onggo aaninggin alom 4 paga an nen inoba kwippiyoorak nogo, ambi, wooluwak paga inookwi, ambi, yi nggeewo ndi nggeewo nen ineebe inoorak nogo nigiren nogwe, ambi, yi towe ndi towe wiga agan nugwi nogo nen ineebe nunggwi, ndi, ambi, ndiimbu-nggwiya nggween paga nugwi nogo nen ineebe lek eerogo nunggwi, eerugun o.

Yeremiya 5:6

Togop me, it Ala wone taganogo punuk, alik lombok eerit nugwi, Tu abe kagak alik paga nomo agan nogo logonet, maluk alik negen eekwi, Eekwi iinok, Singa negen eyonggaame nen wundi wage logomenggerik, ineebe inoorogo piige, Nggeewo owo negen karume nen wundi wa'nuk ineebe nibinogo nengge, Aakumi wundi wogwe iyo, inoorogo ineebe nibinogo pegak nawok nduk, Nggeewo kwak ineeruwak yabenggek-ndabenggek aago nen inawi kota-kota inigen wo yagak nugwi, Eerugun o.

Yetikiyen 14:15

O time nggwiya nappiya woraminggirak elege-aabologwe nibininabit namenggaarak paga yi oone ndi oone lek age, ndi, nggwiya ti kenok, aakumi tu ti paga noorak inagabiti age, eeruwak nduk, nappiya woraminggirak aakumi nibininabit nugwi iigak,

Yetikiyen 14:21

At Aliku Itok Menggerak ALA nen ari logonet, “Ti eeppiyoorak yagarak nogo ti, iya negen kwe, inomaluk onggo aaninggin alom 4 eeppiyoorak nogo ti, wooluwak paga nen, mbi noogelo paga nen, nggwiya anini warak paga nen, kugilingga paga nen, it Yerutalem wonogwe aap inom, inaanggumi inom, kambuwak nduk, inoba kwippiyaagin ti perak, abu iya o!

Ndaniyen 6:26

At Ala ti, kanggeelik mondok-mondok eenik wonage, At abu'me piinok menggim lek ageelik mondok wonage, At wone lengganogo yorage menggim kuli pugu lek itok wonage, Eerak aret agaarik o. At nen wondet eerogo piige, inagap ndarogo piige, Mbogut paga inom, nggween paga inom, ineenu agak eeke, Eerubok mendek iya tit eeke, Eeke menggerak o. At Ndaniyen singa inambeme yonggoliyak nduk aago me, agap ndakerak o. Togop me, an wone lengganogo yokkirage yi, kit yi o ndi o an nabu'me pinaganuk minggim wonogwe abok aret nen at Ndaniyen ogoba Ala kinagabiti mbakwi, at mban ayuk wukwi, eeko logomunggup nduk, wone yi liiru mbanogo wumbigi o,” yinuk, liiru mbanogo wumbereegerak.

Ala Unde 26:22

Ndi, an nen yi mendek ndi mendek inanini wulo penaame mendek nappiya woraminggirak paga it Iterali inapurilogwe ndiniren penaame nibinogo nunggwi, inaanggumi lek eerogo tigippiigwi, ineebe ambitak mban me, iname time aakumi nobek lek logowak nduk, inoorit unggwogwe, eeko logogun o.

Yunut 1:9

Yogo mbareegwa, it yorage logonet, “An aap Iberani mendek aret me, niyo nggwok yenggenak laut inom, nggween inom, wakkagagerak mbogut unde menggerak Aliku Ala ayuk wuke minggirak an aret o,” yinuk, yoragagerak.

Yotuwa 22:25

At Aliku ALA nen niyo Yoraran oolo ogoorak wonage kagak, nit yime pinanege, kit Uruben mendek inom, Nggat mendek inom, time pinagage, eereegerak me, at Aliku nit ninogoba Ala ti, kit kinogoba lek aret o, yinuk, yorogwe iinok, nit ninapuri Aliku ALA inagabiti mbaka'lek mbo pugwi iyo, mba'nuk, ogobakkigikoorak o.