2 Endagembogut 17:13 - Ala Wone Peenok Peebi Mbanak

¹³ Anini mbake nagagerik, Ala wone yoraga inom, inabinggaanggo kaga inom, Aliku ALA nen yorage kagak, it nen aakumi Iterali inom, Yekura inom, yorogo logonet, “Kinombomini, E o, yinuk, eeko logowak nduk, wone lengganak liiru mbanak abok aret yorage, ndi, at Aliku ALA nen yorage kagak yoraga ayeloman mini nogo nen yokkiraawak nduk yorage, eereegerak nogo ndak-ndak eerit nogo logonet, aaninggin kinoba arukwak, kit maluk eeko monggotak nogo mbo punuk, Yogop ee'nu, ndogop ee'nu, yokkirage inom, wone lengganogo yokkirage inom, liippunuk, eerit nogo logonip o,” yinuk, yorogo nogogwaarak kwe,

2 Endagembogut 17:13 ပူးပေါင်းရင်းမြစ်များ

1 Endagembogut 16:1

Maluk mban aret eeke me, at Aliku ALA nen aap endagembogut Mbayeta eeppuurak aap Kanani aput Yeku yoge logonet,

1 Endagembogut 16:7

At Mbayeta nen Aliku ALA enegen kagak maluk ambik eerit nage paga Aliku ALA anini mbaruwak nduk, eeppereegerak kenok, aap Yerobeyam paga wiganak inom maluk eerit nogwe iinok, Aliku ALA nen inenggaawak lek eerogo piyareegerak nogo ndak-ndak, aap Mbayeta paga wiganak inom eeppiyoorak Aliku ALA nen aap Kanani aput Yeku yoreegerak nogo ndak-ndak, inenggaawak lek eerogo piyareegerak ti aret.

2 Endagembogut 17:23

Aliku ALA nen yorage kagak yoraga ayeloman mini nogo yorage kagak, Iterali yorogo nogogwaarak nogo ndak-ndak, “Iterali ambinom pegiyoorak neebio,” yinuk, mbo piige mbareegi, at aap Atiyut inowe endagembogut nen it Iterali wonogogwam nogome nen kugun wogoren, o Atiyut piya nagagerak o yogondak wonogwe aret o.

2 Endagembogut 18:6

At iniki Aliku ALA oba panggombunuk, nomonogo mbo pega'lek mugurok nage logonet, Aliku ALA nen Muta, “Yogop ee'nu ndogop ee'nu,” yoreegerak nogo liirogon porogo logonet, eeke nagagerak.

2 Endagembogut 21:10

Togop eeko mbareegwa, at Aliku ALA nen at oone yorage kagak yoraga ayeloman mini nogo yorage logonet,

1 Mbinineegwaarak 29:29

At Ndawut endagembogut logonet, wone lengganogo yorage, aap wakaa'ngget logonet, awim tebenogo piinet nage, yi wone ndi wone at oba age, Iterali inoba age, Iterali enaagan-ambokan yi aap ndi aap inendagembogut inabu'me piinok wonogo menggam wone agan nugwi, aa'nduk nen nok, age yobok kuli eerit nage nagagerak nogo abok aret, at abinggaanggo kaga Tamuwen eeke nagagerak liiru mbanak paga inom, Ala nen yoge kagak yoraga Natan eeke nagagerak liiru mbanak paga inom, abinggaanggo kaga Nggat eeke nagagerak liiru mbanak paga inom, mbinik-mbenak eerak liiru mbanak wonage o.

Ayup 11:14

Komaluk kinikime porogo wonage nogo mbo pege, It kame kinom wonogwe nogo maluk eekwi iyo, Mage, yorage, Eeke keenok perak,

Ayup 36:10

Inaruk wake nogo liippuwak nduk, eeppiige, Inomaluk mbo puwak nduk, wone lengganogo yorage, Eeke mbaremenggi,

Ndawi 50:7

At Ala nen ari logonet, “Kit an napuri yi wae. An Ala aret me, Wone yokkirage yi, kinaruk koneninip o. Kit Iterali yi wae. An kinogoba Ala aret me, Kinaruk konenggwi kiigak Kit eekwi kiigirak nogo yokkiraagin o.

Yeremiya 11:7

It kombomini o Metit nen wogoren wundi wagagirak kuli nen nok, o yogondak kuli, Noone woppunuk, eeko logonip o, yinuk, noone omaawi paga yoragak mban eeke nagagirak kwe,

Yeremiya 18:11

It aakumi Yekura mendek inom, it o Yerutalem wonogwe nogo inom, wone yoroorak nogo yi aret. Naliku ALA nen it Yekura mendek inom, it o Yerutalem mendek inom, abet aret aaninggin nggwok mendek ambi eeppiyoorak pipuk eerogo pege, inoba kwippiyoorak koonogo piige, eeke me, it inalitik-inalitak maluk eekwi nogo mbo punuk, inobaabut alik ogwe, alik ngget mendek eekwi mamunggologwe, eeruwak, yegerak, yoret o. Ndi, yoramenggendak kwe,

Yeremiya 25:3

“It Yekura mendek inowe endagembogut Amon aput Yotiya endagembogut a'nuk wonage kagak tahun 12 eeppunuk, ambi age paga nen nok, o yogondak kuli ti, tahun 23 aret agaarak me, at Aliku ALA nen wone yo'nege kenok, kit yokkiragak mban eekitak kwe, kinaruk konengga'lek aret monggotak o.

Yeremiya 3:7

Ti eerit nugu logomenggaarik, iniyokan yungguk togon neya woraagun ilik? mbareegirak kwe, neya waga'lek mbo paneegwaarak o. It inawuluk Yekura ogonggelo mbo punuk ugun eerit nage menggi kwak nogo nen oweewi Iterali eekwi nogo enegen iyareegerak o.

Yeremiya 34:14

It aakumi Iberani mendek nen Iberani mendek aret, An kayeloman ari o, yinuk, ayeloman aremenggerak wonage kagak, tahun 6 eeppunuk, ambi ari wage paga wondet eerogo pegak eeko logorak o. Ayeloman a'nuk ake eeke kagak tahun 6 eeppunuk, ambi ari wage paga wondet eerogo pogo logowak o, yinuk, yoragagirak kwe, kombomini nen noone nogo inaruk konenggwi, yorage nagagirak nogo liippugwi, eeka'lek aret wonogogwaarak.

Yeremiya 35:15

Kulinik-kalinik an yorage neegak yoraga nayeloman mini nogo, nappiya wagak eeke neenok, At Ala wonage kagak kinagugiwak ayuk wuppunuk mugurok noorak mage o. Kit maluk eerit nugwi nogo mbo punuk, kiniyokan wogwe, kinobaabut alik ngget mendek eekkologwe, eekwi kiinok, Aliku ALA nen kit inom, kinombomini inom, nggween wokkiragagim nogome aret logomunggup o, yinuk, yoragak mban eeko nogogwaarak kwe, it nen an noone liippugwi, inaruk konenggwi, eeka'lek aret agaarik o.

Yeremiya 42:19

Kit aakumi Yekura eegu yumbunik yi wae. Aliku ALA nen, “O Metit noorak mage o,” yinuk, yegerak me, abet aret mbarubagip nduk, an nen o yogondak kurumbi yokkirage yi, liippinip o.

Yetikiyen 18:31

It Iterali mendek ti, nonggop nduk kambuwok, mbako agaarik? Noone yugu taganogo punuk maluk eerit nugwi nogo mbo punuk, iniki inom, inobaabut inom, alik ngget mendek eerogo pako logowak o.

Yetikiyen 3:19

Aap maluk mendek ti, Komaluk mbo pu o, yinuk, kurumbi yoge keegak, omaluk mbo pege, maluk eerit nage nogo mbo punuk, yungguninuk wage, eeka'lek maluk mban eerit nage kenok ti paga kambigin aret kwe, kat perak, kagap ndakkolaamunggun o.

Ndaniyen 9:10

Kaliku ninogoba Ala koone konembunuk, liirogon eekwi, kat nen kayeloman mini yorage keegak yoraga nen eeko logorak wone yugu nogo nit yo'nirogo nogogwaarak kwe, ndak-ndak eerulik taganogo pugwi, eeko nogoorak o.

Oteya 11:2

Wiiragak eeke neegak kwe, nomo agan mbaganit nogo logonet, kugi Mba'an nogo inake warogo wogorogwe, Inagugi ogut eerak nogo inake obari abe kaga kani kunggwi, Eeko nogogwaarak o.

Oteya 12:10

It an nen yorage neegak yoraga nogo wone yorage, Inabinggaanggo paga yorage, An yorage neegak yoraga nogo wone eegu laarogo yorage, Eeke nagagirak o,” yinuk, yegerak me, yokkiragi o.

Oteya 12:11

O Nggileyat time maluk eeko menggam aret me, it aakumi ti, we aanom warogo kagak eerit nugu menggaarak. Ndi, o Nggiligan time tapi ngguunok warogo inagugi ake wogorogwe me, Inagugi warogo wogoragak ogobakkigirik nogo ti, yugum yabume kalo logonogo pit nogo mengga kwak aret wonage agaarik o.

Oteya 14:1

It Tamariya mendek nen inogoba Ala an yorage ineebi mbakwi me, It eekwi paga aaninggin inoba kwippiyoorak nogo ti, inobaalombok aret o. Wooluwak paga ineebe inoorogo piigwi, Inaagalogwe awo ngget ndarak nogo inanep yombak inoorogo piigwi, Inakuwi elege ndaka'lek awo inabila wonogwe nogo kilirik-ndowanak eerogo wumbiinet wogwe, Eerugun o, yinuk, yegerak me, yokkiragi o,” yoragagirak.

Oteya 4:15

It Iterali ti, kumi ya wuginakak kwak eerit nugwi kwe, it Yekura perak, togop eerugwaarik o. It o Nggiligan paga kugi alut eerit nogwe, O Mbet-Awen lagi nogwe, An neenik minggirak Naliku ALA nendage kumbunuk, kumbuk mbanggwi, Eerugwaarik o.

Nappiigak 20:21

Mamunggirage nagagirak nogo ti, kit Yakuri mendek inom, kit Yunani mendek inom, kit maluk eeko monggotak kiniki koonogo mbo punuk, Ala owagam wogwe, kiniki ninogoba Yetut Keritut oba panggombunuk abet mbakwi, eerubagip nduk, liirogon yokkirage nagagirak o.

Pelaareegerak 31:21

aaninggin-paaninggin inoba kwi'nage, inawi maluk age, eeke kagak, ndawi liiru mbanak yi, it inapuri-inombowologwe nen mari eerogo pugun lek me, inikime logonet, aberiragak mban eeke logogin o. An nen nggween, Wokkiraagin o, yinuk, abuk nggaruk togon kumbuk mbanogo yoragagim time awo wogoren piya naga'lek neegak kwe, it iniki mba'nuk eeriyak nogo muk neenu aret me, yagi o,” yinuk, yoreegerak.

Pelaareegerak 4:26

O kit unde a'nuk logowam niyo Yoraran mbanogo ene paga time wunda nogo logomonggotik, wonogo logonet, wone an yokkiragarak yi, liirogon eerumunggup lek kenok, kit kineebe logonuk lek aret kanggwi, kineebe lek aret ogwe, eerumunggup o, yinuk, mbogut inom, nggween inom, inigen iigak, o yogondak yi paga yokkiragi o.

Pelaareegerak 8:19

Togop aret me, at Aliku kinogoba Ala oba mari eerogo mbo pogo logomonggotik, at obaane'me kugi inalut eekwi, inayuk wukwi, eerit nogwe kiinok, kineebe abu lek aret arumunggup o, yinuk, yogondak yi paga an nen abet aret yokkiragi o.

Yotuwa 23:16

At Aliku kinogoba Ala wone abuk nggaruk togon koonogo punuk, Eeko logonip o, yinuk, yokkiragagerak nogo, taganogo punuk, at mugurok nogwe obaane'me aakumi inagugi mugurok nogo logonet, inabu'me tebe yinuk, ayuk wurit nogwe kiinok, Aliku ALA anini kani kunik negen kinoba kwippinagagin o. Kwippinagage kenok, kinanggween obeelom wokkiragagerak ti paga nen mbet-mbet aret kineebe lek ogo logomunggup o,” yinuk, yoragagerak.

2 Peterut 3:9

Togop me, ninowe nen, “An peebi woraagin o,” yinuk, yereegerak nogo, it aakumi ando nen, “Mbet-mbet waga'lek yi, pilit yereegerak kwa?” yinuk, mbakwi nogo kwak, kit togop mbako logogup o. Ata, “Ala nen, Aakumi maluk eeppiyoorak ti, neebi o, mba'nuk, nit yi aakumi ndi aakumi abok aret niniki koonogo punuk, ninomaluk mbo puwok nduk, iniki yanggoppunuk, to'ninake wonage,” mbako logonip o.

Owak Loongga 6:10

yokkirage logonet, Naliku kinogoba Ala an aret me, it aakumi Amori inanggween paga wonogo logonet, nobaane'me inagugi mugurok nogo logobok o, yinuk, liirogon aret yokkiragagerak kwe, kit at oone abu konengga'lek aret monggotak o,” yinuk, yoragagerak.

Owak Loongga 6:8

at Aliku ALA nen yorage kagak yoraga mendek ambi inowagam nappi wage mbareegi, at nen it aakumi Iterali nogo yorage logonet, “At Aliku Iterali kinogoba Ala nogo nen yegerak nogo yokkira o. Kit o Metit aakumi inayeloman eeppinagago wonogwe me, wokkiren wundi wage logonet,

1 Tamuwen 9:9

Yoge mbareegi, at Tawun nen ari logonet, “Op aret yagandak me, nawi o.” Yoge nagagerik, o kota aap Ala wone liirogon eeka wonage me time unggwi nawok nduk, elan me laganggwi me, komologwe niyo tooliyak wogogwaarak inom lambunggo nogogwaarik, yorogo logonet, “Aap obagari yaga nogo wonage ilik, lek a?” yinuk, yorogogwaarak. Wone, Obagari yaga, yorogogwaarak nogo ti, o maan ti eyom paga aap Ala nen yorage kagak yoraga kenok, aakumi Iterali nen endage, Obagari o, yogo nogogwaarak me, aap ambi Ala yoriyak mbake kenok, “Aap obagari yaga nogo pekka nawok o,” yinuk, yogo nogogwaarak kenok, komologwe nogo togop aret yorogogwaarak.