2 Endagembogut 16:9 - Ala Wone Peenok Peebi Mbanak

⁹ Nappege mbareegi, at aap inowe endagembogut Tigalat-Piletet nogo, “Op aret o,” mbake nagagerik, o Ndamitik oba kwi'nari unggunuk, o ti tebenggolage nagagerik, at Eretin nogo warogo punuk, aakumi eegu kugun wogoren o Kit nagagerak.

2 Endagembogut 16:9 ပူးပေါင်းရင်းမြစ်များ

2 Mbinineegwaarak 16:4

At Ata nen eerogo nappereegerak nogo, aap Mben-Karat konengge nagagerik, “Op aret,” mba'nuk, awuri wim eeka ineegin warak inoweewi o kota-kota Iterali wonogwe nogome tebenogo piyaawak nduk, nappiya wagagerak wogo logonet, o Iyon inom, Ndan inom, Aben-Mayim inom, yi mendek ndi mendek pogo menggam o Natali kota-kota inom, tebenogo piinet wogogwaarak.

2 Mbinineegwaarak 28:21

at Akat nen yi mendek ndi mendek Aliku ALA awi wurik me wonage inom, aap endagembogut awi o nggwok abe wurik me wonage inom, at inom eeko menggaarak iname wonage inom, waganogo aap endagembogut Atiyut nogo wogoreegerak kwe, iniki ndonggo yuulik.

2 Mbinineegwaarak 28:5

Togop aret eeke nagagerak me, Aliku ogoba Ala nen waganogo aap Aram mendek inowe endagembogut eenggime pege mbareegi, it aap Aram mendek nen at tebembi unggwogo logonet, at Akat abu'me menggaarak apuri ambik aret keele maageren o Ndamitik nogogwaarak. Ti'nuk, it Yekura mendek nen inombomini inogoba Aliku Ala mbo pereegwaarak me, aap Iterali inowe endagembogut eenggime pege mbareegi, mondok iya negen tebenogo piya wage logonet, ne ambit paga mban o Yekura time aap Eremaliya aput Peka nogo nen aap wim eeka ineebe lambuk togon seratus dua puluh ribu inoorogo piyareegerak.

Yetaya 10:9

Ndi, it nen kota Karekemit tebenogo pereegwa kwak kota Kalono tebenogo pugwi, Kota Arapat tebenogo pereegwa kwak, kota Kamat tebenogo pugwi, Kota Ndamitik tebenogo pereegwa kwak kota Tamariya tebenogo pugwi, Eerugun lek mbakop?

Yetaya 17:1

O Ndamitik mendek eeppiyoorak abinggaanggo paga Ala nen yoreegerak nogo yi aret. “O kota Ndamitik abe wonage menggi kwak logogin lek o. Ata, o mi-mi aago logonak aret wonage kaagun o.

Yetaya 22:6

Ti eeriyak eyom ari wage kenok, It aap Elam mendek nen ineegin-inomaale li'luk eekwi, Inawuri wim eeka nen inanggweendo paga, inaguda paga, kwi'na'nuk wogwe, It o Kit mendek nen inanggeemu nggoorogo waganggwi, Eeppunuk,

Yetaya 37:18

Kaliku nogoba ALA wae. It aap Atiyut inoweewi inendagembogut nen yi aakumi ndi aakumi pup eerogo piigwi, inanggween kugun me eerogo pugwi, eeko logonet, it inagugiwak nogo ti, kat Ala kwak lek aakumi ineenggi paga nen eyo paga inom, yugum paga inom, ogobakkigireegwaarak me, kuwak eerogo kani kunggwi, yigirik-noonom eerogo pugwi, eerit nogogwaarak nogo ti abet aret kwe,

Yetaya 7:16

at nen maluk kenok mbo pege, obeelom kenok miikkolage, eenu ariyak eyom awo ari waga'lek kagak, it aap inendagembogut ineebe mbere paga kinagabiti mbakwi nogo it inanggween paga aakumi lek o wogome kwak aret age kaamunggup o.

Yetaya 9:10

It aakumi ti nen yogo logonet, “Yugum o wurik langgunik nogo peebi obaane'me yugum abe ogobakkigirik paga wukwi, Eyo wuli muurogo pugu nogo obaane'me eyo nggabina yakwi, eerugun o,” Yinuk, yogwe kwe,

Yetaya 9:11

Aap Eretin awuri inom pilak yogo logonet it Eparayim inom, Tamariya inom, tebenogo piyaawak nduk, At Aliku ALA nen inikime eeppiige, Ndi, it inom wim mbanak nogo inikime mambiige, Eereegerak me,

Amot 9:7

“It Iterali mendek ti, an nggwok lombok liippiige, ndi, it Kuti mendek ti, mbuuluk negen liippiige, eeke minggirak mbakop? It Iterali mendek o Metit nen wogoren wundi wagagirak nogo kwak, it aakumi Pilitin mendek o Kereta nen wogoren wage, It Tiriya mendek o Kit nen wogoren piya wage, Eerulik mbakop? Eereegirak aret o,” yinuk, Aliku ALA nen aret yegerak o.