2 Endagembogut 16:18 - Ala Wone Peenok Peebi Mbanak

¹⁸ ndi, aap Atiyut inowe endagembogut kenok, Ala awi wurik me nogo 6 yippunuk, ko'lu yonggonggologwe paga tu nogo logorak oo'ngget maarak nogo minogo pege, Aliku ALA awi wurik me aap inendagembogut tu unggwogo menggam narogo pege, eereegerak.

2 Endagembogut 16:18 ပူးပေါင်းရင်းမြစ်များ

1 Endagembogut 10:5

nunggwi mendek ageyo ndoonak paga koonogo pege, at inom yabu eeko menggaarak ina koonogo kwippiige, ayeloman mini inayum nggorek abe yirik logonet, ake eeko logowak nduk koonogo piige, niyo toologo iri woraawak nduk yorage, Aliku ALA awi wurik me ake warogo kani kungge, eeke nogo kage nagagerik, oone mondok lek aret agagerak.

2 Endagembogut 11:5

Nigiyareegerak inigen kogo mbareegwa, it yorage logonet, “Kit yogop ee'nip o. Kit nogo 6 yippunuk, ko'lu yonggonggologwe paga yabu eeko monggotak kenagan aago nogo, ambi aago aap endagembogut awi o nggwok abe wurik arum wonogwe,

2 Endagembogut 16:17

Ti eeppunuk, at aap Akat nen niyo toolak wonok negak eyo tabak paga eeben agi-ogu, aru-ogwe nabenak nogo minogo pege, togolowak tenggap kwak ogobakkigirik nogo waganogo wuppi wage, togolowak kole endage, Niyo Yenggenak, mbuti tembaga paga tapi inogut eerak paga kwi'ndak wonage nogo, waganogo yugum ndoonak paga kwippege,

2 Endagembogut 16:19

At Akat nogo aap endagembogut a'nuk wone lengganogo yorage logonet, eeke nagagerak ando abok ti, it Yekura inoweewi inendagembogut eeko nogogwaarak liiru mbanak paga, inom mbanak wonage nogo lek a?

1 Mbinineegwaarak 9:18

Aa'nduk nen it aap ti, o kota oonegen lagi wage menggim pa'nggwe, tu Inendagembogut Unggwogo Menggam unde wonogwe, it Lewi mendek inawooliya wuppunuk wonogwe me, tu unggwogo menggam arum wonogwe, eeko nogogwaarak.

Yetikiyen 44:3

Aap endagembogut ti, alik mban tu unggwogo logowam yi paga unggwi woraanuk akem time Naliku an ALA nenggaanom paga mbi nengge logowak o. Wone mbanggo logowam tu unggwogo logorak nogo yi paga aret unggwi wage, yi paga mban wundi nage, eeke logowak o,” yinuk, yo'nege kagagirak.

Yetikiyen 46:2

Tu paarak wonage ti paga aap endagembogut nogo ti, endekem nen tu unggwogo logowam ko nggorek me unggunuk, wone mbanggo logowam unggwagak tu unggwogo logowam tungga paga taati mi'ndak wonage kagak, it an neebe unde nen warogo kani kuniyak mendek aap endagembogut nen wonok woramenggerak nogo, warogo kani kunggwi, an ninom lambunuwak nduk, warogo wo'niriyak mendek wonok woramenggerak nogo, warogo wo'nugwi, eekwi iinok, at nen ko nggorek me unggwogo logorak tu unggwi wogo logowam taati endobanggun yindumbunuk, nalut eeppunuk, wundi nage logorak kwe, tungga ti, narak lek paarak kagak o kiyoma aret ari nawak o.