2 Endagembogut 15:30 - Ala Wone Peenok Peebi Mbanak

³⁰ Ti'nuk, at Uriya aput Yotam nogo, Yekura inowe endagembogut wonage kagak, tahun 19 eeppunuk, ambi age paga at Ela aput Koteya nen Eremaliya aput Peka nogo, wariyak oreewi inom wone mbambunuk, warogo pege nagagerik, at Peka obaane'me at Koteya aret Iterali inowe endagembogut agagerak.

2 Endagembogut 15:30 ပူးပေါင်းရင်းမြစ်များ

2 Endagembogut 15:10

At Yabeti aput Talum nen Takariya wariyak oreewi inom wone mbambunuk, aakumi apit inenggaanom paga wake nagagerik, obaane'me at aret endagembogut agagerak.

2 Endagembogut 15:25

Eerit nage kagak, at inom eeko menggaarak inowe ambi Eremaliya aput Peka nen wariyak oreewi inom wone mbambunuk, aap Nggileyat mendek ineebe 50 inom o Tamariya aap endagembogut awi o nggwok abe wurik ko tiyarogon ogoorak me nogome aap Pekaya nogo wako logonet, aap Arogop, Ariye inom aret inoorogo piyareegwaarak.

2 Endagembogut 15:29

At Peka Iterali inowe endagembogut wonage ti eyom paga aap Atiyut inowe endagembogut Tigalat-Piletet nogo, wage nagagerik, o Natali aakumi inawi kota Iyon inom, Aben-Mbet-Maaka inom, Yanowa inom, Kereti inom, Katot inom, o Nggileyat taganak inom, o Nggalileya taganak inom, abok aret tebenogo piinok, aakumi kugun wogoren o Atiyut nagagerak.

2 Endagembogut 15:31

At Peka nogo endagembogut a'nuk wone lengganogo yorage logonet, eeke nagagerak ando abok ti, Iterali inoweewi inendagembogut eeko nogogwaarak liiru mbanak paga, inom mbanak wonage nogo lek a?

2 Endagembogut 16:1

At Eremaliya aput Peka nogo endagembogut wonage kagak, tahun 16 eeppunuk, ambi age paga at Yotam aput Akat nogo, Yekura inowe endagembogut agagerak.

2 Endagembogut 17:1

At Akat nogo Yekura inowe endagembogut wonage kagak, tahun 11 eeppunuk, ambi age paga at Ela aput Koteya nogo, o Tamariya Iterali inowe endagembogut age nagagerik, wone lengganogo yorage kagak, tahun 9 eereegerak.

2 Mbinineegwaarak 28:16

It Yekura mendek inowe endagembogut Akat nen Aliku ALA liirogon mugurok nage logolik mbo punuk, o Yekura time maluk eeriyak tiyappit nagagerak paga Aliku ALA nen aakumi Yekura mendek iniki tebeppatuwak nduk, “Ndogop eeppiigo logowak,” mbareegerak paga it aap Erom mendek ambinom wogo nogogwaarik, o Yekura tebenogo piinok, aakumi keele maageren nogwe, it Pilitin mendek nen it Yekura inawi kota-kota puut-puut irip pi nagagim wonogwe inom, o ame pa'nggwe karume nggwok wonogwe inom, aan lebenogo piinok, inamendek kugun wonok nogwe, o Mbet-Temet, Ayalon, Nggererot inom, o Toko, Timana, Nggomoto, kota-kota ti enaagan-ambokan mbuulogwe-mbaalogwe nogo inom, tebenogo piinok, o nogo unde eeppatinuk ye mbanggologwe, eerit nogwe iinok, aap endagembogut Akat nen, “Aap endagembogut Atiyut mendek nen yeenggwa nira woraawak nduk, yori nanip o,” yinuk, nappiyareegerak.

Yetaya 7:16

at nen maluk kenok mbo pege, obeelom kenok miikkolage, eenu ariyak eyom awo ari waga'lek kagak, it aap inendagembogut ineebe mbere paga kinagabiti mbakwi nogo it inanggween paga aakumi lek o wogome kwak aret age kaamunggup o.

Yetaya 8:6

“It aakumi yi, niyo Tiyilowa elaganggen abolok lek wage nogo mbo punuk, Aap inendagembogut Eretin inom, aap Eremaliya aput inom, inikilom mbakwi me,

Oteya 10:15

It o Mbeten wonogwe ti, maluk mondok iya eekwi me, togop aret eerogo piyaagun o. Ti eeriyak nogo ti, it Iterali inowe endagembogut enggaawak muk lek aremenggerak kagak, o kilim nagabigin o, yinuk, yegerak me, yokkiragi o,” yoragagirak.

Oteya 10:3

Ti eeke kenok, it nen yogo logonet, “At Aliku ALA ninagabiti mba'nuk mugurok naga'lek me, Yogondak ninowe endagembogut ninarum wonage lek aret o. Ndi, ninowe endagembogut wonage nen nano eeppinaniyak me, mi'ndak logorak? Lek aret o,” yinuk, yogo agaarik o.

Oteya 10:7

Eyo ira'nggup mbanak niyo ogombaga lunik wonok nage menggi kwak, It Tamariya mendek inowe endagembogut inom togop aret wogoren nagun o.