2 Endagembogut 15:29 - Ala Wone Peenok Peebi Mbanak

²⁹ At Peka Iterali inowe endagembogut wonage ti eyom paga aap Atiyut inowe endagembogut Tigalat-Piletet nogo, wage nagagerik, o Natali aakumi inawi kota Iyon inom, Aben-Mbet-Maaka inom, Yanowa inom, Kereti inom, Katot inom, o Nggileyat taganak inom, o Nggalileya taganak inom, abok aret tebenogo piinok, aakumi kugun wogoren o Atiyut nagagerak.

2 Endagembogut 15:29 ပူးပေါင်းရင်းမြစ်များ

1 Mbinineegwaarak 5:26

Mugurok nogo mbareegwa, it Iterali inogoba Ala nen it aakumi Atiyut mendek inowe endagembogut Pun, endage ambi Tilagat-Pilenetet nogo, inom wim eeruwak nduk, inikime manabeegerak paga wage nagagerik, it aakumi Uruben mendek inom, Nggat mendek inom, Manate mendek eegu mogonak inom, keele maageren o Kala togon, Kabot togon, Kara togon, niyo Nggotan aa'nggi paga togon, piya nogogwaarak yogondak kuli time wonogwe aret o.

2 Endagembogut 17:6

Aap Koteya endagembogut wonage kagak, tahun 8 eeppunuk, ambi age paga aap endagembogut Atiyut mendek nen o kota Tamariya tebenogo piinok, aakumi Iterali mendek ando wogoren, o Atiyut piya nage nagagerik, o Kala inom, niyo Kabot aa'nggi paga o kota Nggotan inom, it aap Marayi menggam o kota-kota inom, oone omaawi paga, “O yime aret logonip o,” yinuk, yoragagerak.

2 Endagembogut 16:7

Ti eeke mbareegi, at Akat nen liiru mbanogo aap Atiyut mendek inowe endagembogut Tigalat-Piletet nogo yoge logonet, “Kat ari keenok, eeke minggirak kaput yi, aap Aram inowe endagembogut inom, it Iterali inowe endagembogut inom, nen tebenogo paniyak nduk eekwi me, nagap ndari omok o,” yinuk, liiru mbangge nagagerik,

1 Endagembogut 15:20

At Ata nen eerogo nappiyareegerak nogo, aap Mben-Karat konengge nagagerik, “Op aret,” mba'nuk, awuri wim eeka ineegin warak inoweewi o kota-kota Iterali wonogwe nogo, tebenogo piyaawak nduk, nappiya wagagerak wogo logonet, o Iyon inom, Ndan inom, Aben-Mbet-Maaka inom, o Kineret abok aret inom, o Natali abok aret inom, tebenogo piinet wogogwaarak.

Yotuwa 20:7

Yoreegerak nogo at Yotuwa nen Iterali yorage mbareegi, it Iterali nogo nen puut nggelok-nggobok Natali inanggween mbanak Nggalileya paga o endage Kereti aret leenogo pugwi, puut nggelok-nggobok Eparayim inanggween paga o endage Tikem leenogo pugwi, puut nggelok-nggobok Yekura inanggween paga o endage Kiriyat-Araba ti, Keboron aret me, leenogo pugwi, eerogo pereegwaarak.

2 Mbinineegwaarak 16:4

At Ata nen eerogo nappereegerak nogo, aap Mben-Karat konengge nagagerik, “Op aret,” mba'nuk, awuri wim eeka ineegin warak inoweewi o kota-kota Iterali wonogwe nogome tebenogo piyaawak nduk, nappiya wagagerak wogo logonet, o Iyon inom, Ndan inom, Aben-Mayim inom, yi mendek ndi mendek pogo menggam o Natali kota-kota inom, tebenogo piinet wogogwaarak.

1 Mbinineegwaarak 5:6

at Mba'an nen aput Mbeera ndake, eereegwaarak me, aap aakumi Atiyut inowe endagembogut Tilagat-Pilenetet nen keele maarogo punuk, kugun wonok nagagerak ti, aap Mbeera aret. At Mbeera nogo ti, Uruben paga wiganak inowe logonet, wone lengganogo yorage nagagerak.

Owak Loongga 4:2

at Aliku ALA nen Iterali waganogo aap o Kanan inowe endagembogut Yabin o Katot logonet wone lengganogo yorage menggerak nogo eenggime pereegerak. At yigin unde inowe endage Titera, awi Karotet-Kagoyim wonagagerak.

Yotuwa 19:37

Kereti, Erereyi, En-Karot,

Yotuwa 11:1

At Yotuwa oreewi inom nen it aap inendagembogut apit aret inoorit nogwe nogo, aap o Katot mendek inowe endagembogut Yabin nogo aruk konengge nagagerik, aap o Maron mendek inowe endagembogut Yobap inom, aap inowe inendagembogut o Timoron mendek o Akatap mendek imbirak inom,

Amot 1:13

Aliku ALA nen ari logonet, “It aakumi o Amon menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo teppiyaagin lek eeppiyaagin aret o. It Amon mendek nen inanggween nggwok aruwak nduk, kuli pugu kagak ya langgok eerogo pogo logonet, Kumi o Nggileyat mendek inabila wonogwe nogo, inaagalogwe kilirik-ndowanak eerogo wumbiinet nogo nogogwaarak me,

Amot 1:3

Aliku ALA nen ari logonet, “It aakumi o Ndamitik menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo, teppiyaagin lek eeppiyaagin aret o. Eyo mbanak paga paku kumbunuk, woromo anggen yigiko mengga kwak, it aakumi Ndamitik mendek nen togop aret inogogumbuk lombok logonet, It Nggileyat mendek inoorit nogogwaarak paga

Yetaya 7:20

Ne ti paga mban niyo Eparat ene pa'nggwe aap Atiyut mendek inowe endagembogut luulu yoriminggirak wage logomenggerik, at eebe inamboro mbanggak pogom a'nuk kineeruwak inom, kinambulok omoori inom, kinamboro inom, tabik-tabok eerogo pinagagin o.

Yetaya 1:7

O kit monggo'nom yi oone ndi oone lek logowak nduk, eerogo pugwi, Kinawi kota-kota kunduk, kani nen pup nawak nduk eerogo pit nogwe, Kinigen kiigak aap alik nen kineyabu aago it aret nunggwi, Ndi, aap inambik nen eerogo pogo mengga kwak, kineyabu aago alom kinik-kenok eerogo pugwi, Eekaarak wonage agaarik o.

2 Endagembogut 17:23

Aliku ALA nen yorage kagak yoraga ayeloman mini nogo yorage kagak, Iterali yorogo nogogwaarak nogo ndak-ndak, “Iterali ambinom pegiyoorak neebio,” yinuk, mbo piige mbareegi, at aap Atiyut inowe endagembogut nen it Iterali wonogogwam nogome nen kugun wogoren, o Atiyut piya nagagerak o yogondak wonogwe aret o.

1 Endagembogut 9:11

Eeke mbareegi, aap Tirut endagembogut Kiram nogo nen eyo nggabina inom, eyo kilu-kilu inom, mbuti emas inom, at Talomo uugwe mbake ndak-ndak li'luk eerogo wogogak eeke mbareegi, at endagembogut Talomo nen o Nggalileya kota 20 kuli aap Kiram nogo wogoreegerak.

Yotuwa 16:6

niyo nggwok yenggenak Laut Tengah nogo kuli aret wonagagerak. O omarip paga pa'nggwe kuli ti, niyo nggwok yenggenak Laut Tengah panggombunuk, nok, oonegen lagi wage menggim pa'nggwe mugurok o Mikemetat agi o omarip paga pa'nggwe nikkagak, yomonogo oonegen lagi wage menggim pa'nggwe o Taanat-Tilo kagak, o Yanowa oonegen kilu yi nage menggim pa'nggwe mangga wagak,

Yotuwa 12:19

Ambi o Maron mendek, ambi o Katot mendek,

Yotuwa 11:13

inawi ambit me nogome mban wuko logonet, puut eerit laganggo menggam wurik kota-kota wonage nogo perak, kani mbelanogo pit noolik. Ata, o kota Katot mban Yotuwa awuri inom nen kani mbelanogo pit nogogwaarak.

Yotuwa 11:10

At Yotuwa awuri inom nen abu aret inoorogo wumbiigo nogogwaarik, iniyok paga yungguninuk wogo logonet, aap endagembogut Katot ti, yi aap ndi aap inendagembogut o time wonogogwaarak nogo inowe endagembogut at aret wonage kagak kwe, eebe warogo pugwi, at unde menggim tebenggologwe, eeko nogogwaarik,

Pelaareegerak 28:25

Kit nen kinawim inooriyak nduk tu ambit eeppunuk nogwe me, at Aliku ALA nen tebenogo pinagage kenok, kinawim nen kinoorit wogwe iigak, kit tu 7 paga kinalitak lombok mbaganit namunggup o. Mbaganit nogwe it yi aakumi ndi aakumi inabu'me piigo menggam o nggween paga yime menggaarak abok aret nen inigen kiigo logomenggaarik, Yi eeginakerak mbaganggwi iya, yinuk, kinabok mbanggo logogun o.

Pelaareegerak 3:15

Ndi, at Makit nogo o Nggileyat wogoge,

Linggineegwaarak 32:40

at Muta nen Manate ombowologwe wiganak aakumi Makit mendek nogo o Nggileyat time wogorage mbareegi, it o time aret ye mbambatinuk wonogogwaarak.

Linggineegwaarak 32:1

It inanebunu Uruben mendek inom, Nggat mendek inom, it inaanggumi ambik me, o Yayetet inom, Nggileyat inom, nggween time inaanggumi iri'ngga mbanogo nenet nugu logorak obeelom mban wonage inigen kogo nogogwaarik,

Ala Unde 26:32

inom wim mbanak nogo nen inanggween ti paga ye mbanggola unggwogo logonet, inanggween ale-pale eerogo piminggirak nogo inigen kogo logomenggaarik, Wi, yinuk, pi wako logogun o.

1 Endagembogut 14:15

At Aliku ALA anini mbaruwak nduk, inagugigwe Atiyera eyo arelen yinit nogogwaarak paga niyo nen mbereewak nuk-nuk eeke menggi kwak, at Aliku ALA nen it Iterali aaninggin inoba piige logonet, inombomini nggween obeelom wogoragagim yime nen nggiginogo niyo Eparat enebagan mak eerogo wumbiyaagin o.

2 Endagembogut 15:19

Eerit nage kagak, ne ti eyom paga it aakumi Atiyut inowe endagembogut Pun nen, o ti tebenggolaakit nduk, eeke mbareegi, at Menakem nen, “Yeenggwa nege paga nabu'me piige minggim omaawi eerogo panuwak o,” yinuk, wu mbuti perak aaninggin tiga puluh empat ribu aap Pun nogo wogoreegerak.

2 Endagembogut 15:28

At Nebat aput Yerobeyam nogo maluk eeke nagagerak paga it Iterali maluk eerit nogo nogogwaarak nogo, at Peka nen mbo puulik Aliku ALA enegen kagak maluk mban eeke nagagerak.

2 Endagembogut 15:30

Ti'nuk, at Uriya aput Yotam nogo, Yekura inowe endagembogut wonage kagak, tahun 19 eeppunuk, ambi age paga at Ela aput Koteya nen Eremaliya aput Peka nogo, wariyak oreewi inom wone mbambunuk, warogo pege nagagerik, at Peka obaane'me at Koteya aret Iterali inowe endagembogut agagerak.

2 Endagembogut 16:10

Ndi, at endagembogut Akat nen aap Atiyut mendek inowe endagembogut Tigalat-Piletet nogo, imbirak lambunikit nduk, o Ndamitik nanuk, warogo wogogo menggam ambi enegen kage nagagerik, “Alom yogop eerak, irip yogop eerak,” yinuk, ogut wakkagak abu li'luk eerogo at aap Ala unde Uriya wonage me nappi wagagerak.

2 Endagembogut 17:20

Ti eekwi iinok, Aliku ALA nen it inanebunu Iterali mendek wiganak abok aret aaninggin inoba piige logonet, aap inanini ambik aap inooka ineenggime piigak mban eereegi-eereegi peebi inoba abera'lek mbo tek eerogo piyareegerak.

1 Mbinineegwaarak 5:22

Ti eeko logonet, it wim eekwi iigak, at Ala nen eeppiige kagak eereegwaarak me, aap ineebe ambik aret inoorogo piyareegwaarak. Inoorogo piinok, o time yembambatinuk, wonogwe iigak, it Iterali kugun wogoren noorak eyom ari wagagerak.

Nekemiya 9:32

Togop aret me, Ala ninogoba o. Kat komaawi ambik kendage abu tiyanak nit aakumi nen, Iya! yinuk, ninagabiti kombakwi nogo, kiniki kunik ee'ninake logonet, eeppinaniyak koonogo pereegindak nogo nggirik-nggerok porogo menggendak me, aa'nduk aap o Atiyut mendek inoweewi inendagembogut nen aaninggin ninoba pinanit wogogwaarak nok, yogondak kuli ninoweewi inendagembogut inom, ninarum menggaarak ninoweewi inom, kat keebe unde ninogobamini inom, kat koone yo'niraga inom, ninombomini inom, kapuri miirinabeegindak inom, abok aret aaninggin ninoba pinaneegwaarak nogo ti, kat nen, Meek aret eeppiyareegwaarak o, yinuk, ninombariyak ti, mage o.

Yetaya 37:18

Kaliku nogoba ALA wae. It aap Atiyut inoweewi inendagembogut nen yi aakumi ndi aakumi pup eerogo piigwi, inanggween kugun me eerogo pugwi, eeko logonet, it inagugiwak nogo ti, kat Ala kwak lek aakumi ineenggi paga nen eyo paga inom, yugum paga inom, ogobakkigireegwaarak me, kuwak eerogo kani kunggwi, yigirik-noonom eerogo pugwi, eerit nogogwaarak nogo ti abet aret kwe,

Yotuwa 19:35

Kota-kota yugum pak wurik wogoragagerak endage nogo ti, Tirim, Tet, Kamat, Arakat, Kineret,

Owak Loongga 18:30

O nogo abu aret wurogo pogo nogogwaarik, aap Mika nen Ala obaane'me ogut eerogo pereegerak nogo o time pako nogogwaarik, aap Muta ombooluk Nggeroton aput Yonatan inom, apuri inom, Ala unde logonet, inanebunu Ndan mendek inake eeko logowak nduk, mippiinok, eekwi iigak, aakumi inanebunu alik mendek nen keele maageren noorak kuli aret ari nagagerak.

2 Endagembogut 8:11

Yoge nagagerik, at Katayen etenggen paga enegen looge mbareegi, at Katayen nogo enggali agagerak. Enggali age nogo at Ala wone liirogon eeka nen kage nagagerik, le yereegerak.

2 Endagembogut 15:20

At Menakem wu wogoreegerak nogo ti, it Iterali mendek abok aret oone omaawi paga wu pi woraawak nduk yorage logonet, it aap ineenggi warak nogo perak, inalitak lombok wu nggwok mbuti perak aaninggin oolo irimbaga wakkagak pi woraawak nduk, yoragagerak iri wogo mbareegwa, aap Atiyut mendek inowe endagembogut nogo wogoge mbareegi, o time logolik ame aret nagagerak.

2 Endagembogut 18:11

aap Atiyut inowe endagembogut nogo nen aakumi Iterali kugun wogoren o Atiyut piya nage nagagerik, ando o Kalak piige, ando niyo Kabot aa'nggi paga o Nggotan piige, ndi, ando it aakumi Marayi inawi kota-kota piige, eereegerak.

2 Endagembogut 19:11

Nit aap inoweewi ninendagembogut Atiyut mendek nogo, yi o ndi o abok aret wim eeko logonet, aakumi abok aret lek eerogo piinet nogo nogoorak nogo, karuk konengge nagandak aret me, kat teppagarak mbake agandik?

Yetaya 7:16

at nen maluk kenok mbo pege, obeelom kenok miikkolage, eenu ariyak eyom awo ari waga'lek kagak, it aap inendagembogut ineebe mbere paga kinagabiti mbakwi nogo it inanggween paga aakumi lek o wogome kwak aret age kaamunggup o.

Yetikiyen 23:9

Togop aret eerit nage nagagerak me, at inom iniki kunik iniki nengge aap Atiyut mendek nogo, ineenggime pereegirak.

Amot 5:27

An nen wogoren o Ndamitik kagak nda time mbo piya nagin o,” yinuk, at Omaawi Lombok Menggerak endage Aliku ALA nen aret yegerak me, yokkiragi o.

Amot 6:14

Kit togop aret eekwi me, at Omaawi Lombok Menggerak Aliku Ala nen ari logonet, “It Iterali ti, tebenogo piyaawak nduk, aakumi alik mendek ambi inikime mambiyaminggirak wogo logonet, Ineebe ya yigirogo piigak nda yigirogo piigak eerit o Kamat tu unggwogo menggam nen nok, niyo Araba aa'nggi paga kuli piya nagun o,” yinuk, yegerak me, yokkiragi o.