2 Endagembogut 15:20 - Ala Wone Peenok Peebi Mbanak

²⁰ At Menakem wu wogoreegerak nogo ti, it Iterali mendek abok aret oone omaawi paga wu pi woraawak nduk yorage logonet, it aap ineenggi warak nogo perak, inalitak lombok wu nggwok mbuti perak aaninggin oolo irimbaga wakkagak pi woraawak nduk, yoragagerak iri wogo mbareegwa, aap Atiyut mendek inowe endagembogut nogo wogoge mbareegi, o time logolik ame aret nagagerak.

2 Endagembogut 15:20 ပူးပေါင်းရင်းမြစ်များ

2 Tamuwen 19:32

Aap Mbaritilayi nogo, abu anggok ndarak kagak tahun 80 aret eereegerak. Ndi, at eenggi warak lombok me, aap endagembogut awuri inom o Makanayim wonogwe iigak, inambi magarage nagagerak me,

2 Endagembogut 15:19

Eerit nage kagak, ne ti eyom paga it aakumi Atiyut inowe endagembogut Pun nen, o ti tebenggolaakit nduk, eeke mbareegi, at Menakem nen, “Yeenggwa nege paga nabu'me piige minggim omaawi eerogo panuwak o,” yinuk, wu mbuti perak aaninggin tiga puluh empat ribu aap Pun nogo wogoreegerak.

2 Endagembogut 15:21

At Menakem endagembogut a'nuk wone lengganogo yorage logonet, eeke nagagerak ando abok ti, it Iterali inoweewi inendagembogut eeko nogogwaarak liiru mbanak paga, inom mbanak wonage nogo lek a?

2 Endagembogut 15:29

At Peka Iterali inowe endagembogut wonage ti eyom paga aap Atiyut inowe endagembogut Tigalat-Piletet nogo, wage nagagerik, o Natali aakumi inawi kota Iyon inom, Aben-Mbet-Maaka inom, Yanowa inom, Kereti inom, Katot inom, o Nggileyat taganak inom, o Nggalileya taganak inom, abok aret tebenogo piinok, aakumi kugun wogoren o Atiyut nagagerak.

2 Endagembogut 23:35

Ndi, at Pirawun Niko nen, “Wu mbuti perak-emas ndogop puurak o,” yereegerak nogo, at Yoyakim nen, “Kinalitak lombok kinawu ndogop kuli niri wogo logonip o,” yinuk, it Yekura mendek yorage mbareegi, it aakumi o nogome abok aret wu nogo iri wogo mbareegwa, at Yoyakim nen Pirawun Niko nogo wogoreegerak.

Ayup 1:3

Ndi, at aanggumi kambin-ndomba tujuh ribu. Unta ti, tiga ribu. Tapi mbere'mbo lingginik lima ratus. Keledai kooli lima ratus. Ndi, ayeloman mini ti, ambik lombok aret wonogogwaarak. It aakumi oonegen wundi wage menggim pa'nggwe wonogwe ti, inenggela'me aap nggwok eenggi warak lombok at alik aret wonagagerak.

Urut 2:1

Nawomi ogonggelo Elimelek owe-awot ambi eenggi warak lombok nagawan indo endage Mbowat aret wonagagerak.