2 Endagembogut 14:6 - Ala Wone Peenok Peebi Mbanak

⁶ at Aliku ALA nen, “Yogop ee'nu ndogop ee'nu,” yorage logonet, “Inapuri eeremenggaarak paga inogobamini inoorak kanggwi, ndi, inogobamini eeremenggaarak paga inapuri inoorak kanggwi, eeriyak ti mage o. Ata, it inalitak lombok maluk eeremenggaarak paga inooko logorak o,” yinuk, yoragagerak Muta nen mbuku paga liiru mbaneegerak wonage nogo ndak-ndak, it at ogoba wareegwaarak nogo inapuri inoorulik teppiyareegerak.

2 Endagembogut 14:6 ပူးပေါင်းရင်းမြစ်များ

Yeremiya 31:30

Ata, at eyo anggen ale mendek nengge nogo nen aret eyak ne agan nagin me, it inalitak lombok inomaluk eekwi onggo aret kambugun,” yegerak o.

Yetikiyen 18:20

It maluk eekwi inobaalombok aret kambugun o. Ogoba maluk eeke onggo aput oba pege, ndi, aput maluk eeke nogo onggo ogoba oba pege, eerigin lek o. Ndi, aap iniki abe koonak nen obeelom eerit nage onggo ti, at obaalombok obeelom aret kolage, aap maluk mendek nen maluk eerit nage onggo ti, obaalombok maluk aret kolage, eerugun o.

Yetikiyen 18:4

It aakumi iniki abok aret an unde minggirak o. Inogobamini iniki kunduk, inapuri iniki kunduk, an mban unde minggirak. It maluk eekwi nogo inobaalombok aret kambugun o.

Ndaniyen 6:24

Kogo nogogwaarik, at aap endagembogut nogo nen it aap, “Ndaniyen ndogop eekerak o,” yinuk, yereegwaarak nogo, wogonabi nawak nduk, yoragagerak wogoren wogo mbareegwa, it aap ti inom, inakuwi-inapuri inom, mbuun ambena singa wonogwe me nogome mbo wuppiyareegwaarak mbuun o'luwam awo ari wangga'lek iigak, singa nogo nen ineebe ineyak nggerembiinok inowak abok aret yigirik-noonom eerogo piyareegwaarak.

Pelaareegerak 24:16

Aap ambi apuluk maluk eeremenggerak paga ogoba kambuwak nduk, warogo pugwi, ogoba maluk eeremenggerak paga apuluk kambuwak nduk, warogo pugwi, eeriyak mage o. Ata, at aap maluk eeremenggerak unde nogo aret obaalombok maluk eekkolamenggerak me, kambuwak nduk, warogo pogo logomunggup o.