2 Endagembogut 14:17 - Ala Wone Peenok Peebi Mbanak

¹⁷ At Yowakat aput Iterali inowe endagembogut Yokawat nogo kangge mbareegi, at Yowat aput Yekura inowe endagembogut Amatiya wonage kagak, tahun 15 ambinom eereegerak.

2 Endagembogut 14:17 ပူးပေါင်းရင်းမြစ်များ

2 Endagembogut 14:23

At Yowat aput Amatiya nogo Yekura inowe endagembogut wonage kagak, tahun 14 eeppunuk, ambi age paga aap Yokawat aput Yerobeyam Iterali inowe endagembogut a'nuk, o Tamariya logonet, Iterali wone lengganogo yorage kagak, tahun 41 eereegerak.

2 Endagembogut 13:10

At Yowat nogo aap Yekura inowe endagembogut a'nuk, wone lengganogo yorage kagak, tahun 36 eeppunuk, ambi age paga at Yowakat aput Yokawat it Iterali inowe endagembogut a'nuk, o Tamariya logonet, wone lengganogo yorage kagak, tahun 16 eereegerak.

2 Endagembogut 14:16

At Yokawat nogo ombomini kambunuk nogogwam inom yonggonggola nage mbareegi, eebe it Iterali inoweewi inendagembogut kambeegwaarak o Tamariya piya unggwogogwam nogome inom tabonogo pi unggwogogwaarak. Pi unggwogo mbareegwa, obaane'me aput Yerobeyam endagembogut agagerak.

2 Endagembogut 14:18

Ndi, at Amatiya endagembogut a'nuk wone lengganogo yorage logonet, eerit nage nagagerak ando abok ti, it Yekura inoweewi inendagembogut logonet eeko nogogwaarak liiru mbanak paga, inom mbanak wonage nogo lek a?

2 Endagembogut 15:1

At Yerobeyam Iterali inowe endagembogut wonage kagak, tahun 26 eeppunuk, ambi age paga aap Amatiya aput Atariya ndarak tahun 16 paga Yekura inowe endagembogut a'nuk, o Yerutalem logonet, wone lengganogo yorage kagak, tahun 52 eereegerak. At agalo ti, kwe Yerutalem mendek endage Yekoliya aret.