2 Endagembogut 14:10 - Ala Wone Peenok Peebi Mbanak

¹⁰ Togop me, kat nen it Erom mendek abet aret tebenogo piigendak kwe, ti paga kiniki wogoppake agandik ya? Kat inom, it aakumi Yekura inom, kineebe nggelenggolookwak, nano wone agan nege agandik? Keegin tiyak yegerak paga kendage nggwok agaarak ti, abu aret me, kame time koone lek aret logot o!” yinuk, wone eerogo nappiya wagagerak.

2 Endagembogut 14:10 ပူးပေါင်းရင်းမြစ်များ

2 Endagembogut 14:7

Ti'nuk, ne ambi paga at Amatiya nogo, aap ineegin warak Erom mendek inom wim eeke logonet, o Mayu Ogop Menggim kobappaga time aap sepuluh ribu inoorogo piinok, o Tela tebenggolage nagagerik, endage Yoketen toonogo pereegerak o yogondak yogwe wonogwe aret o.

2 Mbinineegwaarak 26:16

Aap Utiya endage nggwok agagerak paga iniki wogoppateegerak me, irip paga endage maluk eekkolagagerak. Endage maluk eekkolage logonet, Aliku ogoba Ala wone liirogon eeke logolik taganogo punuk, obari abe kaga kani kunggo menggam Aliku ALA awi wurik me wonage nogo kunikit nduk, unggwage nagagerik, kungge me,

2 Mbinineegwaarak 32:25

at Kitikiya nogo nen, “Aliku ALA nabuwa mba'nuk obeelom eeppanegerak kagi,” mbarulik iniki tiyappateegerak me, at inom, it o Yekura wonogwe inom, Yerutalem wonogwe inom, at Aliku ALA anini inoba piyareegerak mendek,

2 Mbinineegwaarak 35:21

Wundi nage nagagerik, li'luk aago wonage me, at Neko nen wone eerogo Yotiya paga nappiya wage logonet, “Kat Yekura inowe kendagembogut wae. Wone an nimbirak ngge yuurak nduk, wagandak? An yogondak wagarak yi, kat nimbirak wim eeruwok nduk woroolik. Ata, Ala nen, Kat kinom wim mbanak nogo mbet-mbet kinom wim eeri nak o, yo'nege mbaki, wagarak nimbirak wonage me, Ala nen koorogo pagakwak, kat eeriyak mba'nuk wagandak nogo paga Ala non mbambuurak mage o,” yinuk, eerogo nappiya wagagerak.

Wundeegwaarak 8:9

Yoge mbareegi, Muta nen Pirawun yoge, “Ogolem kineebe paga inom, kinawi paga inom, wonage nogo lek a'nuk, niyo Nin inikime mban logowak nduk, kat inom, it kawuri kinom wone koongga inom, kapuri aakumi o Metit mendek inom, abok kinake tamban eeriyak yagandak nogo ti, mandenom eeriyak nogo yo'niru o.”

Kini Wuppiige 15:18

Aap anini mbet-mbet wungga nogo nen ndugwi puwak nduk eerogo piinet nage menggerak kwe, Aap anini mbet-mbet wunggeelik yanggonak nogo nen wone wakwi nogo lek eerogo piige menggerak.

Kini Wuppiige 16:18

Aa'nduk iniki tiyappatit nogo nagaatik, irip paga eebe aret lek eerogo pakwi, Aa'nduk, “Wi!” niraawak nugu nagaatik, irip paga yigeebu aret wambi nogwe, Eeko menggaarak.

Kini Wuppiige 17:14

Ndugwi puwok nduk, eekwi nogo ti, niyo narak paarogo pugwi kwak aret me, Wone-wone yogwe nogo ndugwi puurak awo aga'lek kagak, mbo pogo logonip o.

Kini Wuppiige 20:3

Aap ambi wone wariyak eebi mba'nuk mbo pege kenok, aakumi nen at ayuk wuko menggaarak kwe, It aap iniki lek wi kenok perak, wone wariyak inikilom me, wone mbet-mbet wako menggaarak.

Kini Wuppiige 25:8

Aap kimbirak menggendak ambi eeke kenegen abe nen kage kenok, mbet-mbet wone owak loonggo menggam pi woramenggendak alom kwaako logomenggaarik, Wone lek ari nage kenok, kat kenggali arukwak, mbet-mbet owak loonggo menggam pi woroorak mage o.

Kini Wuppiige 26:17

Aap wone wakwi me, aap ugun ambi inom nggelenna'nuk wone wakwi nogo ti, Aap nggeewo aruk pigagangge menggi kwak aret menggerak.

Kini Wuppiige 3:30

Alom lek kagak aap ambi kimbirak ndugwi pege, Maluk eeppagulik kagak, koone omaawi yoge, Eeriyak ti mage o.

Yetikiyen 28:5

Yi mendek ndi mendek onggo-onggo eerit nage at abu eenu me, amendek ambik paga eenggi warak eekkolage, Eeke ti paga Iniki tiyappake agaarik o,” yinuk, yegerak o.

Yetikiyen 38:17

At Aliku Itok Menggerak ALA nen yegerak nogo yi aret. “O aa'nduk lombok, Aap ambi nen ndogop eeri woraagin o, yinuk, nayeloman mini yorage neegak it Iterali yoraga nen yorogo nogogwaarak nogo, at aap yi aret nogo lek a? An napuri tebenogo piyaawak nduk, Aliku ALA nen aap ti wonok woraagin o, yinuk, it an yorage neegak yoraga nen ne ti paga yorogwe iigak, yi tahun ndi tahun eeke nagagerak.

Yetikiyen 38:2

“Aakumi nen ndarak yi wae. Kena o nggween Magok paga na'nage logomenggendik, it o Metek mendek inom, o Tuban mendek inom, inowe endagembogut abu tiyanak endage Nggok nogo eeppuurak yoru o.

Yetikiyen 38:5

it yi aakumi ndi aakumi inom a'nuk wonogwe aap Peritiya mendek inom, Kuti mendek inom, it o Put mendek inom, nen inanggeemu kunduk, inabetagi omaawi mendek kunduk, yirik nogo at inom wumbiya wage, o Nggomet mendek ineegin warak abok aret inom, it o nda o omarip paga pa'nggwe Mbet-Togarama mendek ineegin warak abok inom, at inom wumbiya wage, eerigin o.

Ndaniyen 11:12

It aap o omarip paga pa'nggwe endagembogut awuri ineegin warak ineebe ambik aago nogo, at aap endagembogut o ame pa'nggwe wonage nogo nen keele maageren namenggerak paga iniki tiyappake logonet, ineebe ambik aago inoorogo piyaagin kwe, at abu'me piinok logowam omaawi logogin lek o.

Abakuk 2:4

Ndi, wone eebe liiru mbaniyak nogo yi aret. It aap iniki koonak lek nggolawe nogo iniki wogoppako menggaarak kwe, It aap iniki abe koonak nogo perak, abet mbakwi ti paga ineenik aret logogun o,” yinuk, an yo'negerak o.

Abakuk 2:5

“Aap eenggi warak eekko'net nage ti paga ambokan laganggolage, Aap iniki wogoppatit nega nogo, iniki teberogon wonaga'lek yi paga ndi paga mban koonit nege, Eeke menggerak o. Kambunuk nogo menggam nen, Abu aret waga o, mbaka'lek, Ambinom woraayok, mbake menggi kwak, At aap ti nen, Abu aret tebenggolagi, mbaka'lek ambinom tebenggolaakit, mban mbarit nege, Kanggo menggam nen, Abu ndonggoppanigi, mbaka'lek ambe a aago mban menggi kwak, at togop aret mbarit nege, Eeke logonet, Yi aakumi ndi aakumi at wonage me mban kuwak eerogo piya wage, Aakumi inanebunu lombok keele maageren abu'me piya wage, Eeke menggerak.

Pelaareegerak 8:14

kit o Metit inayeloman eeppinaganuk wonogwe me, wokkiren wundi wagagerak at Aliku kinogoba Ala nogo oba mari eerogo mbo punuk, kiniki tiyappatinuk logokwak, kiniki liippogo logonu o.

Yakobut 1:9

Oonegen wundi wage logonet, mo andi nen iri'ngga-kale'ngga teebat age nagaatik, mono-mono wangge logonet, etenggen maluk negen age menggi kwak, it aap ineenggi warak eekkolaawok nduk, eerit nugwi iinok, ineebe togop aret lek arugun me, kit noreewi Ala apuri ando kineenggi lek me kinendage tebenak wonogwe nogo, kineenggi warak age logonet, kinendage tiyak ari kenok, “Ala nen aret eeppanege o,” yinuk, kiniki tebenak logonet, ale'nggen mbakwi, ndi, kit ando kineenggi warak me, kinendage tiyanak wonogwe nogo, kinamendek lek age logonet, kinendage tebek ari kenok, “Iri'ngga-kale'ngga lek age menggi kwak, ninendage togop aret lek age me, op aret o,” yinuk, kiniki obeelom logonet, ale'nggen mbakwi, eeko logonip o.

Yakobut 4:6

Aberiniki iniki togop aret wakkolage kagak kwe, maluk mbo puwak nduk, Ala iniki kunik nen eeppinanegak mban eeke menggerak. Ti kenok, Ala nen ari logonet, “It aakumi iniki wogoppako menggaarak nogo, an nen tebenogo piige minggirak kwe, Iniki tebenak menggaarak nogo perak, niniki kunik nen eeppiige minggirak o,” yinuk, yereegerak Ala wone liiru mbanak wonage o.

Owak Loongga 9:52

Laganeegwaarak wonogwe me, at Abimelek nogo nage nagagerik, o yerek-nggorek wurik nogo kani pikit nduk, tu unggwogo menggam panggo yi unggwage mbareegi,